Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Numeros 29:1-40

BALAYAN SANG KAUNDAN

  • Pamaagi sa paghalad (1-40)

    • Adlaw sa pagpatunog sing trumpeta (1-6)

    • Adlaw sang Pagtumbas Para sa Sala (7-11)

    • Kapiestahan sang mga Payagpayag (12-38)

29  “‘Sa nahauna nga adlaw sang ikapito nga bulan, maghiwat kamo sing balaan nga pagtilipon. Indi kamo maghimo sing bisan ano nga mabug-at nga obra.+ Adlaw ini nga dapat ninyo patunugon ang trumpeta.+  Bilang dulot nga sinunog nga ang kahumot sini makapahamuot* kay Jehova, maghalad kamo sing isa ka torite nga baka, isa ka karnero nga lalaki, kag pito ka kordero nga lalaki nga tig-isa ka tuig ang edad kag wala sing diperensia,  upod sa dulot nga uyas nga pino nga harina nga ginsamuan sing lana. Maghalad kamo sing kadamuon nga tatlo ka ikanapulo nga bahin sang isa ka efa para sa baka, sing kadamuon nga duha ka ikanapulo nga bahin sang isa ka efa para sa karnero nga lalaki,  kag sing kadamuon nga isa ka ikanapulo nga bahin sang isa ka efa para sa kada isa sa pito ka kordero nga lalaki,  kag maghalad man kamo sing isa ka tinday nga kanding nga lalaki bilang dulot tungod sa sala agod maghimo sing pagtumbas para sa inyo sala.  Luwas pa ini sa bulanan nga dulot nga sinunog kag sa dulot nga uyas,+ sa adlaw-adlaw nga dulot nga sinunog kag sa dulot nga uyas,+ kag sa mga dulot nga ilimnon,+ suno sa kinaandan nga pamaagi, bilang dulot nga sinunog sa kalayo nga ang kahumot sini makapahamuot* kay Jehova.  “‘Sa ikanapulo nga adlaw sining ikapito nga bulan, maghiwat kamo sing balaan nga pagtilipon,+ kag pabudlayan ninyo ang inyo kaugalingon.* Indi kamo maghimo sing bisan ano nga obra.+  Bilang dulot nga sinunog nga ang kahumot sini makapahamuot* kay Jehova, maghalad kamo sing isa ka torite nga baka, isa ka karnero nga lalaki, kag pito ka kordero nga lalaki nga tig-isa ka tuig ang edad kag wala sing diperensia.+  Bilang dulot nga uyas nga pino nga harina nga ginsamuan sing lana, maghalad kamo sing kadamuon nga tatlo ka ikanapulo nga bahin sang isa ka efa para sa baka, sing kadamuon nga duha ka ikanapulo nga bahin sang isa ka efa para sa karnero nga lalaki, 10  kag sing kadamuon nga isa ka ikanapulo nga bahin sang isa ka efa para sa kada isa sa pito ka kordero nga lalaki. 11  Maghalad man kamo sing isa ka tinday nga kanding bilang dulot tungod sa sala, luwas pa sa dulot tungod sa sala para sa pagtumbas sa sala+ kag sa adlaw-adlaw nga dulot nga sinunog kag sa dulot nga uyas, kag sa mga dulot nga ilimnon. 12  “‘Sa ika-15 nga adlaw sang ikapito nga bulan maghiwat kamo sing balaan nga pagtilipon. Indi kamo maghimo sing bisan ano nga mabug-at nga obra, kag magsaulog kamo sing kapiestahan para kay Jehova sa sulod sang pito ka adlaw.+ 13  Bilang dulot nga sinunog+ sa kalayo nga ang kahumot sini makapahamuot* kay Jehova, maghalad kamo sing 13 ka torite nga baka, 2 ka karnero nga lalaki, kag 14 ka kordero nga lalaki nga tig-isa ka tuig ang edad kag wala sing diperensia.+ 14  Bilang dulot nga uyas nga pino nga harina nga ginsamuan sing lana, maghalad kamo sing kadamuon nga tatlo ka ikanapulo nga bahin sang isa ka efa para sa kada isa sa 13 ka baka, sing kadamuon nga duha ka ikanapulo nga bahin sang isa ka efa para sa kada isa sa 2 ka karnero nga lalaki, 15  kag sing kadamuon nga isa ka ikanapulo nga bahin sang isa ka efa para sa kada isa sa 14 ka kordero nga lalaki, 16  kag maghalad man kamo sing isa ka tinday nga kanding bilang dulot tungod sa sala, luwas pa sa adlaw-adlaw nga dulot nga sinunog, sa dulot nga uyas, kag sa dulot nga ilimnon.+ 17  “‘Sa ikaduha nga adlaw maghalad kamo sing 12 ka torite nga baka, 2 ka karnero nga lalaki, kag 14 ka kordero nga lalaki nga tig-isa ka tuig ang edad kag wala sing diperensia,+ 18  kag sing dulot nga uyas kag dulot nga ilimnon para sa mga baka, sa mga karnero nga lalaki, kag sa mga kordero nga lalaki suno sa kadamuon sini kag suno sa kinaandan nga pamaagi, 19  kag maghalad man kamo sing isa ka tinday nga kanding bilang dulot tungod sa sala, luwas pa sa adlaw-adlaw nga dulot nga sinunog, sa dulot nga uyas, kag sa mga dulot nga ilimnon.+ 20  “‘Sa ikatlo nga adlaw maghalad kamo sing 11 ka baka, 2 ka karnero nga lalaki, kag 14 ka kordero nga lalaki nga tig-isa ka tuig ang edad kag wala sing diperensia,+ 21  kag sing dulot nga uyas kag sing mga dulot nga ilimnon para sa mga baka, sa mga karnero nga lalaki, kag sa mga kordero nga lalaki suno sa kadamuon sini kag suno sa kinaandan nga pamaagi, 22  kag maghalad man kamo sing isa ka kanding bilang dulot tungod sa sala, luwas pa sa adlaw-adlaw nga dulot nga sinunog kag sa dulot nga uyas kag sa dulot nga ilimnon.+ 23  “‘Sa ikap-at nga adlaw maghalad kamo sing 10 ka baka, 2 ka karnero nga lalaki, kag 14 ka kordero nga lalaki nga tig-isa ka tuig ang edad kag wala sing diperensia,+ 24  sing dulot nga uyas kag dulot nga ilimnon para sa mga baka, sa mga karnero nga lalaki kag sa mga kordero nga lalaki suno sa kadamuon sini kag suno sa kinaandan nga pamaagi, 25  kag maghalad man kamo sing isa ka tinday nga kanding bilang dulot tungod sa sala, luwas pa sa adlaw-adlaw nga dulot nga sinunog, sa dulot nga uyas, kag sa dulot nga ilimnon.+ 26  “‘Sa ikalima nga adlaw maghalad kamo sing 9 ka baka, 2 ka karnero nga lalaki, kag 14 ka kordero nga lalaki nga tig-isa ka tuig ang edad kag wala sing diperensia,+ 27  kag sing dulot nga uyas kag mga dulot nga ilimnon para sa mga baka, sa mga karnero nga lalaki, kag sa mga kordero nga lalaki suno sa kadamuon sini kag suno sa kinaandan nga pamaagi, 28  kag maghalad man kamo sing isa ka kanding bilang dulot tungod sa sala, luwas pa sa adlaw-adlaw nga dulot nga sinunog kag sa dulot nga uyas kag sa dulot nga ilimnon.+ 29  “‘Sa ikan-om nga adlaw maghalad kamo sing 8 ka baka, 2 ka karnero nga lalaki, kag 14 ka kordero nga lalaki nga tig-isa ka tuig ang edad kag wala sing diperensia,+ 30  kag sing dulot nga uyas kag mga dulot nga ilimnon para sa mga baka, sa mga karnero nga lalaki, kag sa mga kordero nga lalaki suno sa kadamuon sini kag suno sa kinaandan nga pamaagi, 31  kag maghalad man kamo sing isa ka kanding bilang dulot tungod sa sala, luwas pa sa adlaw-adlaw nga dulot nga sinunog, sa dulot nga uyas, kag sa mga dulot nga ilimnon.+ 32  “‘Sa ikapito nga adlaw maghalad kamo sing 7 ka baka, 2 ka karnero nga lalaki, kag 14 ka kordero nga lalaki nga tig-isa ka tuig ang edad kag wala sing diperensia,+ 33  kag sing dulot nga uyas kag mga dulot nga ilimnon para sa mga baka, sa mga karnero nga lalaki, kag sa mga kordero nga lalaki suno sa kadamuon sini kag suno sa kinaandan nga pamaagi, 34  kag maghalad man kamo sing isa ka kanding bilang dulot tungod sa sala, luwas pa sa adlaw-adlaw nga dulot nga sinunog, sa dulot nga uyas, kag sa dulot nga ilimnon.+ 35  “‘Sa ikawalo nga adlaw maghiwat kamo sing sagrado nga pagtilipon. Indi kamo maghimo sing bisan ano nga mabug-at nga obra.+ 36  Bilang dulot nga sinunog sa kalayo nga ang kahumot sini makapahamuot* kay Jehova, maghalad kamo sing isa ka baka, isa ka karnero nga lalaki, kag pito ka kordero nga lalaki nga tig-isa ka tuig ang edad kag wala sing diperensia,+ 37  kag sing dulot nga uyas kag mga dulot nga ilimnon para sa baka, sa karnero nga lalaki, kag sa mga kordero nga lalaki suno sa kadamuon sini kag suno sa kinaandan nga pamaagi, 38  kag maghalad man kamo sing isa ka kanding bilang dulot tungod sa sala, luwas pa sa adlaw-adlaw nga dulot nga sinunog kag sa dulot nga uyas kag sa dulot nga ilimnon.+ 39  “‘Ihalad ninyo ini kay Jehova sa inyo gintalana nga mga kapiestahan,+ luwas pa sa inyo mga dulot tungod sa panaad+ kag sa inyo kinabubut-on nga mga dulot+ bilang inyo mga dulot nga sinunog,+ mga dulot nga uyas,+ mga dulot nga ilimnon+ kag mga halad sa pag-ambitanay.’”+ 40  Ginhambal ni Moises sa mga Israelinhon ang tanan nga ginsugo ni Jehova sa iya.

Footnote

Ukon “makapauloulo; makapalugpay.” Sa literal, “makapakalma.”
Ukon “makapauloulo; makapalugpay.” Sa literal, “makapakalma.”
Ukon “kalag.” Ang “pabudlayan ang kaugalingon” masami nahangpan nga nagapatuhoy sa nanuhaytuhay nga paagi sang pagdingot sa kaugalingon, lakip ang pagpuasa.
Ukon “makapauloulo; makapalugpay.” Sa literal, “makapakalma.”
Ukon “makapauloulo; makapalugpay.” Sa literal, “makapakalma.”
Ukon “makapauloulo; makapalugpay.” Sa literal, “makapakalma.”