Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Numeros 28:1-31

BALAYAN SANG KAUNDAN

  • Pamaagi sa paghalad (1-31)

    • Adlaw-adlaw nga dulot (1-8)

    • Sa Adlaw nga Inugpahuway (9, 10)

    • Bulanan nga dulot (11-15)

    • Sa Paskua (16-25)

    • Sa Kapiestahan sang mga Semana (26-31)

28  Nagsiling pa si Jehova kay Moises:  “Sugua ang mga Israelinhon, ‘Dapat ninyo ihalad ang dulot para sa akon, ang tinapay para sa akon. Dapat ninyo ihalad sa gintalana nga mga tion ang mga dulot nga sinunog sa kalayo nga ang kahumot sini makapahamuot* sa akon.’+  “Kag silinga sila, ‘Amo ini ang dulot nga sinunog sa kalayo nga ihalad ninyo kay Jehova: duha ka kordero nga lalaki nga tig-isa ka tuig ang edad kag wala sing diperensia bilang adlaw-adlaw nga dulot nga sinunog.+  Ang isa ka kordero nga lalaki ihalad mo sa aga, kag ang isa pa ka kordero nga lalaki ihalad mo sa kasisidmon,*+  upod ang dulot nga uyas nga pino nga harina nga ang kadamuon ikanapulo nga bahin sang isa ka efa* nga ginsamuan sing un-kuarto sang isa ka hin* nga kadamuon sang lana halin sa binayo nga olibo.+  Dulot ini nga sinunog nga dapat ihalad adlaw-adlaw,+ nga ginsugo sadto sa Bukid Sinai. Isa ini ka dulot nga sinunog sa kalayo nga ang kahumot sini makapahamuot* kay Jehova.  Ihalad ini upod ang dulot nga ilimnon, nga ang kadamuon un-kuarto sang isa ka hin para sa tagsa ka kordero nga lalaki.+ Ibubo mo sa balaan nga duog ang makahulubog nga ilimnon bilang dulot nga ilimnon para kay Jehova.  Ihalad mo ang isa pa ka kordero nga lalaki sa kasisidmon* upod ang dulot nga uyas kag ang dulot nga ilimnon nga pareho sa ginhalad sang aga. Ihalad mo ini bilang dulot nga sinunog sa kalayo nga ang kahumot sini makapahamuot* kay Jehova.+  “‘Apang sa Adlaw nga Inugpahuway,+ maghalad kamo sing duha ka kordero nga lalaki nga tig-isa ka tuig ang edad kag wala sing diperensia, sing pino nga harina nga ang kadamuon duha ka ikanapulo nga bahin sang isa ka efa nga ginsamuan sing lana bilang dulot nga uyas, kag sing dulot nga ilimnon. 10  Amo ini ang dulot nga sinunog para sa Adlaw nga Inugpahuway, upod ang adlaw-adlaw nga dulot nga sinunog kag ang dulot nga ilimnon.+ 11  “‘Sa una nga adlaw sang kada bulan,* maghalad kamo bilang dulot nga sinunog para kay Jehova sing duha ka torite nga baka, isa ka karnero nga lalaki, kag pito ka kordero nga lalaki nga tig-isa ka tuig ang edad kag wala sing diperensia.+ 12  Para sa tagsa ka baka, maghalad kamo sing pino nga harina nga ang kadamuon tatlo ka ikanapulo nga bahin sang isa ka efa nga ginsamuan sing lana bilang dulot nga uyas,+ kag para sa isa ka karnero nga lalaki+ sing pino nga harina nga ang kadamuon duha ka ikanapulo nga bahin sang isa ka efa nga ginsamuan sing lana bilang dulot nga uyas, 13  kag para sa tagsa ka kordero nga lalaki sing pino nga harina nga ang kadamuon ikanapulo nga bahin sang isa ka efa nga ginsamuan sing lana bilang dulot nga uyas, bilang isa ka dulot nga sinunog sa kalayo nga ang kahumot sini makapahamuot* kay Jehova.+ 14  Ang kadamuon sang dulot nga ilimnon nga gamiton dapat katunga sang isa ka hin nga lana para sa isa ka baka,+ un-tersia sang isa ka hin para sa karnero nga lalaki,+ kag un-kuarto sang isa ka hin para sa isa ka kordero nga lalaki.+ Amo ini ang dulot nga sinunog nga ihalad kada bulan sa bug-os nga tuig. 15  Ihalad man kay Jehova ang isa ka tinday nga kanding bilang dulot tungod sa sala luwas pa sa adlaw-adlaw nga dulot nga sinunog upod sa dulot nga ilimnon. 16  “‘Ang ika-14 nga adlaw sang nahauna nga bulan amo ang Paskua ni Jehova.+ 17  Kag may kapiestahan sa ika-15 nga adlaw sini nga bulan. Sa sulod sang pito ka adlaw, mga tinapay nga wala sing lebadura ang kaunon ninyo.+ 18  May hiwaton nga balaan nga pagtilipon sa una nga adlaw. Indi kamo maghimo sing bisan ano nga mabug-at nga obra. 19  Maghalad kamo sing dulot nga sinunog sa kalayo para kay Jehova sing duha ka torite nga baka, isa ka karnero nga lalaki, kag pito ka kordero nga lalaki nga tig-isa ka tuig ang edad. Dapat nga wala sing diperensia nga mga sapat ang ihalad ninyo.+ 20  Ihalad ninyo ini upod sa pino nga harina nga ginsamuan sing lana bilang dulot nga uyas.+ Para sa isa ka baka, ang kadamuon sini tatlo ka ikanapulo nga bahin sang isa ka efa, kag para sa karnero nga lalaki, ang kadamuon sini duha ka ikanapulo nga bahin sang isa ka efa. 21  Para sa kada isa sa pito ka kordero nga lalaki, maghalad kamo sing ikanapulo nga bahin sang isa ka efa, 22  kag sing isa ka kanding bilang dulot tungod sa sala agod maghimo sing pagtumbas para sa inyo sala. 23  Ihalad ninyo ini luwas pa sa dulot nga sinunog nga ginahalad kada aga adlaw-adlaw. 24  Amo ini ang ihalad ninyo adlaw-adlaw sa sulod sang pito ka adlaw bilang pagkaon,* bilang dulot nga sinunog sa kalayo nga ang kahumot sini makapahamuot* kay Jehova. Ihalad ninyo ini upod sa adlaw-adlaw nga dulot nga sinunog kag sa dulot nga ilimnon. 25  Maghiwat kamo sing balaan nga pagtilipon sa ikapito nga adlaw.+ Indi kamo maghimo sing bisan ano nga mabug-at nga obra.+ 26  “‘Sa adlaw sang nahauna nga mga patubas,+ kon maghalad kamo sing dulot nga bag-o nga uyas kay Jehova,+ maghiwat kamo sing balaan nga pagtilipon sa inyo kapiestahan sang mga semana.+ Indi kamo maghimo sing bisan ano nga mabug-at nga obra.+ 27  Maghalad kamo sing duha ka torite nga baka, isa ka karnero, kag pito ka kordero nga lalaki nga tig-isa ka tuig ang edad bilang dulot nga sinunog nga ang kahumot sini makapahamuot* kay Jehova,+ 28  kag sing pino nga harina nga ginsamuan sing lana bilang dulot nga uyas. Para sa tagsa ka baka, ang kadamuon sini tatlo ka ikanapulo nga bahin sang isa ka efa, kag para sa isa ka karnero nga lalaki, ang kadamuon sini duha ka ikanapulo nga bahin sang isa ka efa, 29  kag para sa kada isa sa pito ka kordero nga lalaki, ang kadamuon sini ikanapulo nga bahin sang isa ka efa. 30  Maghalad man kamo sing isa ka tinday nga kanding agod maghimo sing pagtumbas para sa inyo sala.+ 31  Dapat ninyo ihalad ini luwas pa sa adlaw-adlaw nga dulot nga sinunog kag sa dulot nga uyas. Dapat nga wala sing diperensia nga mga sapat ang ihalad ninyo+ upod sa mga dulot nga ilimnon.

Footnote

Ukon “makapauloulo; makapalugpay.” Sa literal, “makapakalma.”
Sa literal, “ulot sang duha ka gab-i.”
Ang ikanapulo nga bahin sang isa ka efa katumbas sang 2.2 ka litro. Tan-awa ang Apendise B14.
Ang isa ka hin katumbas sang 3.67 ka litro. Tan-awa ang Apendise B14.
Ukon “makapauloulo; makapalugpay.” Sa literal, “makapakalma.”
Sa literal, “ulot sang duha ka gab-i.”
Ukon “makapauloulo; makapalugpay.” Sa literal, “makapakalma.”
Sa literal, “sang inyo mga bulan.”
Ukon “makapauloulo; makapalugpay.” Sa literal, “makapakalma.”
Sa literal, “tinapay.”
Ukon “makapauloulo; makapalugpay.” Sa literal, “makapakalma.”
Ukon “makapauloulo; makapalugpay.” Sa literal, “makapakalma.”