Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Numeros 2:1-34

BALAYAN SANG KAUNDAN

  • Tatlo ka tribo sa kada tropa (1-34)

    • Si Juda sa sidlangan (3-9)

    • Si Ruben sa bagatnan (10-16)

    • Si Levi sa tunga (17)

    • Si Efraim sa katundan (18-24)

    • Si Dan sa aminhan (25-31)

    • Kadamuon sang lalaki nga narehistro (32-34)

2  Nagsiling si Jehova kay Moises kag kay Aaron:  “Dapat magkampo ang mga Israelinhon sa lugar nga ginhatag sa ila tropa, ang kada isa malapit sa tanda sang iya panimalay, kag ang kada tropa may tatlo ka tribo.+ Magkampo sila sa palibot nga nagaatubang sa tolda nga tilipunan.*  “Ang tatlo ka tribo magkampo sa sidlangan nayon sa ginabutlakan sang adlaw. Ang kampo ni Juda amo ang magapanguna sa ila; ang pangulo sang mga anak ni Juda amo si Nason+ nga anak ni Aminadab.  Ang narehistro nga mga soldado niya 74,600.+  Ang magkampo sa tupad niya amo ang tribo ni Isacar; ang pangulo sang mga anak ni Isacar amo si Netanel+ nga anak ni Zuar.  Ang narehistro nga mga soldado niya 54,400.+  Ang masunod amo ang tribo ni Zebulon; ang pangulo sang mga anak ni Zebulon amo si Eliab+ nga anak ni Helon.  Ang narehistro nga mga soldado niya 57,400.+  “Ang tanan nga narehistro nga soldado sa kampo ni Juda 186,400. Sila ang una nga maglakat.+ 10  “Ang tropa sang kampo ni Ruben+ nga may tatlo ka tribo magkampo sa bagatnan nayon; ang pangulo sang mga anak ni Ruben amo si Elizur+ nga anak ni Sedeur. 11  Ang narehistro nga mga soldado niya 46,500.+ 12  Ang magkampo sa tupad niya amo ang tribo ni Simeon; ang pangulo sang mga anak ni Simeon amo si Selumiel+ nga anak ni Zurisadai. 13  Ang narehistro nga mga soldado niya 59,300.+ 14  Ang masunod amo ang tribo ni Gad; ang pangulo sang mga anak ni Gad amo si Eliasaf+ nga anak ni Reuel. 15  Ang narehistro nga mga soldado niya 45,650.+ 16  “Ang tanan nga narehistro sa kampo ni Ruben 151,450, kag sila ang ikaduha nga maglakat.+ 17  “Kon sayluhon ang tolda nga tilipunan,+ dapat yara sa tunga sang tanan nga iban pa nga kampo ang kampo sang mga Levinhon. “Dapat sila maglakat nga pareho sang ila pagkampo,+ ang kada isa yara sa iya lugar, suno sa ila tropa nga may tatlo ka tribo. 18  “Ang tropa sang kampo ni Efraim nga may tatlo ka tribo magkampo sa katundan nayon; ang pangulo sang mga anak ni Efraim amo si Elisama+ nga anak ni Amihud. 19  Ang narehistro nga mga soldado niya 40,500.+ 20  Ang magkampo sa tupad niya amo ang tribo ni Manases;+ ang pangulo sang mga anak ni Manases amo si Gamaliel+ nga anak ni Pedazur. 21  Ang narehistro nga mga soldado niya 32,200.+ 22  Ang masunod amo ang tribo ni Benjamin; ang pangulo sang mga anak ni Benjamin amo si Abidan+ nga anak ni Gideoni. 23  Ang narehistro nga mga soldado niya 35,400.+ 24  “Ang tanan nga narehistro nga soldado sa kampo ni Efraim 108,100, kag sila ang ikatlo nga maglakat.+ 25  “Ang tropa sang kampo ni Dan nga may tatlo ka tribo magkampo sa aminhan nayon; ang pangulo sang mga anak ni Dan amo si Ahiezer+ nga anak ni Amisadai. 26  Ang narehistro nga mga soldado niya 62,700.+ 27  Ang magkampo sa tupad niya amo ang tribo ni Aser; ang pangulo sang mga anak ni Aser amo si Pagiel+ nga anak ni Ocran. 28  Ang narehistro nga mga soldado niya 41,500.+ 29  Ang masunod amo ang tribo ni Neptali; ang pangulo sang mga anak ni Neptali amo si Ahira+ nga anak ni Enan. 30  Ang narehistro nga mga soldado niya 53,400.+ 31  “Ang tanan nga narehistro sa kampo ni Dan 157,600. Sila ang ulihi nga maglakat+ sa mga tropa sang Israel nga may tigtatlo ka tribo.” 32  Amo ini ang mga Israelinhon nga ginrehistro suno sa ila panimalay; ang kabug-usan nga kadamuon sang mga soldado sa mga kampo nga narehistro 603,550.+ 33  Apang ang mga Levinhon wala ginrehistro+ upod sa iban nga mga Israelinhon,+ suno sa ginsugo ni Jehova kay Moises. 34  Ginhimo sang mga Israelinhon ang tanan nga ginsugo ni Jehova kay Moises. Amo sini ang ila pagkampo kag paglakat+ subong mga tropa nga may tigtatlo ka tribo,+ ang tagsa ka tribo suno sa ila pamilya kag suno sa ila panimalay.

Footnote

Ukon “tolda diin ang isa makigkita sa Dios.” Tan-awa ang Glossary.