Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Numeros 1:1-54

BALAYAN SANG KAUNDAN

  • Ginrehistro ang mahimo magsoldado (1-46)

  • Mga Levinhon wala ginrehistro (47-51)

  • Kahimusan sa pagkampo (52-54)

1  Sa nahauna nga adlaw sang ikaduha nga bulan sang ikaduha nga tuig sa tapos sila makagua sa duta sang Egipto,+ nagsiling si Jehova kay Moises sa tolda nga tilipunan*+ sa kamingawan sang Sinai:+  “Isipa ninyo+ ang bug-os nga katilingban sang mga Israelinhon,* ang kada isa* suno sa ila pamilya, kag suno sa ila panimalay,* kag ilista ninyo ang ngalan sang tanan nga lalaki.  Irehistro ninyo ni Aaron suno sa ila mga tropa ang tanan nga nagaedad sing 20 ka tuig pataas+ nga mahimo magsoldado sa Israel.  “Magpili ka sing isa ka lalaki sa kada tribo kag mangin ulo sia sang iya panimalay.+  Amo ini ang mga ngalan sang mga lalaki nga magabulig sa imo: sa tribo ni Ruben, si Elizur+ nga anak ni Sedeur;  sa tribo ni Simeon, si Selumiel+ nga anak ni Zurisadai;  sa tribo ni Juda, si Nason+ nga anak ni Aminadab;  sa tribo ni Isacar, si Netanel+ nga anak ni Zuar;  sa tribo ni Zebulon, si Eliab+ nga anak ni Helon; 10  sa mga anak ni Jose: sa tribo ni Efraim,+ si Elisama nga anak ni Amihud; sa tribo ni Manases, si Gamaliel nga anak ni Pedazur; 11  sa tribo ni Benjamin, si Abidan+ nga anak ni Gideoni; 12  sa tribo ni Dan, si Ahiezer+ nga anak ni Amisadai; 13  sa tribo ni Aser, si Pagiel+ nga anak ni Ocran; 14  sa tribo ni Gad, si Eliasaf+ nga anak ni Deuel; 15  sa tribo ni Neptali, si Ahira+ nga anak ni Enan. 16  Amo ini sila ang ginpili sa katilingban nga mangin pangulo+ sang mga tribo sang ila amay kag pangulo sang mga linibo sang Israel.”+ 17  Gani gin-upod ni Moises kag ni Aaron ining mga lalaki nga ginhingadlan. 18  Sa nahauna nga adlaw sang ikaduha nga bulan gintipon nila ang bug-os nga katilingban sang mga Israelinhon agod magparehistro sang ila ngalan, sang ila pamilya, kag sang ila panimalay, ang tanan nga lalaki nga nagaedad sing 20 ka tuig pataas,+ 19  suno sa ginsugo ni Jehova kay Moises. Gani ginrehistro niya sila sa kamingawan sang Sinai.+ 20  Ginlista nila ang ngalan sang mga kaliwat ni Ruben, nga panganay ni Israel,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 21  Ang mga narehistro sa tribo ni Ruben 46,500. 22  Ginlista nila ang ngalan sang mga kaliwat ni Simeon,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 23  Ang mga narehistro sa tribo ni Simeon 59,300. 24  Ginlista nila ang ngalan sang mga kaliwat ni Gad,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 25  Ang mga narehistro sa tribo ni Gad 45,650. 26  Ginlista nila ang ngalan sang mga kaliwat ni Juda,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 27  Ang mga narehistro sa tribo ni Juda 74,600. 28  Ginlista nila ang ngalan sang mga kaliwat ni Isacar,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 29  Ang mga narehistro sa tribo ni Isacar 54,400. 30  Ginlista nila ang ngalan sang mga kaliwat ni Zebulon,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 31  Ang mga narehistro sa tribo ni Zebulon 57,400. 32  Ginlista nila ang ngalan sang mga kaliwat ni Jose sa iya anak nga si Efraim,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 33  Ang mga narehistro sa tribo ni Efraim 40,500. 34  Ginlista nila ang ngalan sang mga kaliwat ni Manases,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 35  Ang mga narehistro sa tribo ni Manases 32,200. 36  Ginlista nila ang ngalan sang mga kaliwat ni Benjamin,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 37  Ang mga narehistro sa tribo ni Benjamin 35,400. 38  Ginlista nila ang ngalan sang mga kaliwat ni Dan,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 39  Ang mga narehistro sa tribo ni Dan 62,700. 40  Ginlista nila ang ngalan sang mga kaliwat ni Aser,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 41  Ang mga narehistro sa tribo ni Aser 41,500. 42  Ginlista nila ang ngalan sang mga kaliwat ni Neptali,+ suno sa ila pamilya, kag suno sa ila panimalay. Gin-isip nila ang tanan nga lalaki nga nagaedad sing 20 ka tuig pataas nga mahimo magsoldado. 43  Ang mga narehistro sa tribo ni Neptali 53,400. 44  Amo ini sila ang mga ginrehistro ni Moises kag ni Aaron kag sang 12 ka pangulo sang Israel, nga ang kada isa nagatiglawas sa iya panimalay. 45  Ginrehistro nila ang tanan nga Israelinhon nga nagaedad sing 20 ka tuig pataas nga mahimo magsoldado suno sa ila panimalay. 46  Ang kadamuon sang tanan nga narehistro 603,550.+ 47  Apang ang mga Levinhon+ wala ginrehistro suno sa tribo sang ila amay.+ 48  Gani nagsiling si Jehova kay Moises: 49  “Ang tribo lamang ni Levi ang indi mo pag-irehistro, kag indi mo sila pag-ilakip sa pag-isip sa mga Israelinhon.+ 50  Ang mga Levinhon ang paatipanon mo sa tabernakulo sang kaban sang katipan*+ kag sa tanan nga kagamitan sini kag sa tanan nga butang sa sini.+ Sila ang magadala sang tabernakulo kag sang tanan nga kagamitan sini,+ kag sila ang magaalagad sa sini,+ kag magakampo sila sa palibot sang tabernakulo.+ 51  Kon ang tabernakulo sayluhon, dapat mga Levinhon ang magbungkag sini;+ kag kon ang tabernakulo patindugon liwat, dapat mga Levinhon ang maghimo sini. Patyon ang iban nga tawo* nga magpalapit sa sini.+ 52  “Ang kada Israelinhon dapat magpatindog sang iya tolda sa kampo nga ginhatag sa ila tropa,* kag ang kada tropa may tatlo ka tribo.+ 53  Ang mga Levinhon dapat magkampo sa palibot sang tabernakulo sang kaban sang katipan,* agod indi mag-abot ang akon kaakig sa katilingban sang mga Israelinhon;+ kag ang mga Levinhon amo ang dapat mag-atipan* sa tabernakulo sang kaban sang katipan.”*+ 54  Ginhimo sang katawhan sang Israel ang tanan nga ginsugo ni Jehova kay Moises. Amo gid ini ang ginhimo nila.

Footnote

Ukon “tolda diin ang isa makigkita sa Dios.” Tan-awa ang Glossary.
Sa literal, “mga anak ni Israel.”
Ukon “kada ulo.”
Ukon “panimalay sa bahin sang amay.”
Sa literal, “Pamatuod.”
Sa literal, “ang estranghero,” buot silingon, indi Levinhon.
Ukon “suno sa ila estandarte (tanda).”
Sa literal, “Pamatuod.”
Ukon “magbantay; maghimo sang ila hilikuton.”
Sa literal, “Pamatuod.”