Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Miqueas 3:1-12

BALAYAN SANG KAUNDAN

  • Lider, manalagna ginpakamalaut (1-12)

    • Si Miqueas napuno sing gahom (8)

    • Nagatudlo ang mga saserdote tungod sa kuarta (11)

    • Jerusalem mangin kagulub-an (12)

3  Nagsiling ako: “Palihug pamatii ninyo ini, kamo nga nagapanguna sa panimalay ni Jacob Kag kamo nga manuggahom sa panimalay ni Israel.+ Indi bala nga dapat nahibaluan ninyo kon ano ang matarong?   Apang ginadumtan ninyo ang maayo+ kag ginahigugma ang malain;+ Ginapanitan ninyo ang akon katawhan kag ginakuha ang unod sa ila mga tul-an.+   Ginakaon man ninyo ang unod sang akon katawhan+ Kag ginapanitan ninyo sila, Ginautod-utod ninyo ang ila mga tul-an, kag ginahiwahiwa ini,+ Pareho sang ginaluto nga karne kag mga tul-an sa kaldero.*   Sa sina nga tion mangayo sila sing bulig kay Jehova, Apang indi sia magsabat sa ila. Sa sina nga tion lipdan niya ang iya nawong sa ila,+ Bangod sang ginahimo nila nga malaut.+   Amo ini ang ginasiling ni Jehova batok sa sini nga mga manalagna nga nagapatalang sang akon katawhan,+ Nga nagasiling, ‘Paghidait!’+ samtang may ginakagat* sila sa ila ngipon+ Apang nagapahayag* sing inaway sa iya nga wala sing ginahungit sa ila baba:   ‘Magaabot sa inyo ang kagab-ihon;+ wala sing makita nga palanan-awon;+ Magaabot sa inyo ang kadulom, kag wala sing pagpamakot. Tunuran sang adlaw ang mga manalagna, Kag magadulom sa ila ang adlaw.+   Mahuy-an ang mga nagasugid sang mga palanan-awon,+ Kag malugaw-an ang mga manugpakot. Tabunan nila tanan ang ila baba* tungod sa kahuya, Kay wala nagasabat ang Dios.’”   Apang napuno ako sing gahom tungod sa espiritu ni Jehova, Kag sing hustisya kag kusog, Agod masugid kay Jacob ang iya pagrebelde kag kay Israel ang iya sala.   Palihug pamatii ninyo ini, kamo nga nagapanguna sa panimalay ni Jacob Kag kamo nga manuggahom sa panimalay ni Israel,+ Ginakangil-aran ninyo ang hustisya kag ginapatiko ang matadlong,+ 10  Ginatukod ninyo ang Sion paagi sa pagpaagay sing dugo kag ginatukod ninyo ang Jerusalem sa indi matarong nga paagi.+ 11  Ang iya mga lider* nagahukom tungod sa hamham,+ Ang iya mga saserdote nagapanudlo tungod sa bayad,+ Kag ang iya mga manalagna nagapamakot tungod sa kuarta.*+ Apang nagasandig sila gihapon kay Jehova,* kag nagasiling: “Indi bala kaupod naton si Jehova?+ Wala sing kalaglagan nga mahanabo sa aton.”+ 12  Gani bangod sa inyo, Ang Sion araduhon pareho sang pag-arado sa uma, Ang Jerusalem mangin tinumpok sang kagulub-an,+ Kag ang bukid sang Balay* mangin pareho sang mataas nga lugar sa kagulangan.*+

Footnote

Ukon “daku sing baba nga kaldero.”
Ukon mahimo, “may ginausang.”
Sa literal, “nagapakabalaan.”
Ukon “bigote.”
Sa literal, “ulo.”
Ukon “pilak.”
Ukon “Apang nagasiling sila nga nagasandig sila kay Jehova.”
Ukon “ang bungyod sang templo.”
Ukon “pareho sang madamo sing kahoy nga mga bungyod.”