Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Mateo 1:1-25

BALAYAN SANG KAUNDAN

  • Kaliwatan ni Jesucristo (1-17)

  • Pagkabun-ag ni Jesus (18-25)

1  Amo ini ang libro nga nagasugid sang kabuhi* ni Jesucristo. Anak sia ni David,+ nga anak ni Abraham.+   Si Abraham amay ni Isaac;+ si Isaac amay ni Jacob;+ si Jacob amay ni Juda+ kag sang iya mga utod;   si Juda amay ni Perez kag ni Zera+ kag si Tamar ang ila iloy; si Perez amay ni Hezron;+ si Hezron amay ni Ram;+   si Ram amay ni Aminadab; si Aminadab amay ni Nason;+ si Nason amay ni Salmon;   si Salmon amay ni Boaz kag si Rahab+ ang iya iloy; si Boaz amay ni Obed kag si Rut+ ang iya iloy; si Obed amay ni Jesse;+   si Jesse amay ni David+ nga hari. Si David amay ni Solomon+ kag ang iya iloy asawa anay ni Urias;   si Solomon amay ni Rehoboam;+ si Rehoboam amay ni Abias; si Abias amay ni Asa;+   si Asa amay ni Jehosapat;+ si Jehosapat amay ni Jehoram;+ si Jehoram amay ni Uzias;   si Uzias amay ni Jotam;+ si Jotam amay ni Ahaz;+ si Ahaz amay ni Ezequias;+ 10  si Ezequias amay ni Manases;+ si Manases amay ni Amon;+ si Amon amay ni Josias;+ 11  si Josias+ amay ni Jeconias+ kag sang iya mga utod. Sadto nga tion, ang mga Judiyo gintapok sa Babilonia.+ 12  Sa Babilonia, si Jeconias nangin amay ni Sealtiel; si Sealtiel amay ni Zorobabel;+ 13  si Zorobabel amay ni Abiud; si Abiud amay ni Eliakim; si Eliakim amay ni Azor; 14  si Azor amay ni Zadok; si Zadok amay ni Aquim; si Aquim amay ni Eliud; 15  si Eliud amay ni Eleazar; si Eleazar amay ni Matan; si Matan amay ni Jacob; 16  si Jacob amay ni Jose, ang bana ni Maria nga iloy+ ni Jesus nga ginatawag Cristo.+ 17  Gani, ang tanan nga kaliwatan halin kay Abraham tubtob kay David 14 ka kaliwatan; halin kay David tubtob sa pagkatapok sa Babilonia 14 ka kaliwatan; halin sa pagkatapok sa Babilonia tubtob sa Cristo 14 ka kaliwatan. 18  Ini ang paagi sang pagkabun-ag ni Jesucristo: Sang ang iya iloy nga si Maria kalaslon kay Jose, nagabusong na sia paagi sa balaan nga espiritu+ antes pa sila mag-upod. 19  Apang, bangod si Jose nga iya bana* matarong kag indi niya luyag nga mahuy-an sia, tuyo niya nga diborsiohan* sia sing tago.+ 20  Apang sang nahunahuna na niya ini, ang anghel ni Jehova* nagpakita sa iya sa damgo, nga nagasiling: “Jose, anak ni David, indi ka magkahadlok nga dalhon sa imo balay si Maria nga imo asawa, kay nagapanamkon sia paagi sa balaan nga espiritu.+ 21  Magabun-ag sia sing isa ka anak nga lalaki, kag hingalanan mo sia nga Jesus,*+ kay luwason niya ang iya katawhan sa ila mga sala.”+ 22  Natabo ini tanan agod matuman ang ginsiling ni Jehova* paagi sa iya manalagna: 23  “Isa ka birhen ang magabusong kag magabun-ag sang isa ka anak nga lalaki, kag hingalanan nila sia nga Emmanuel,”+ nga kon badbaron, “Kaupod Namon ang Dios.”+ 24  Dayon nagbugtaw si Jose kag ginhimo niya ang ginsugo sa iya sang anghel ni Jehova,* kag gindala niya sa iya balay ang iya asawa. 25  Apang wala sia maghulid sa iya tubtob nagbun-ag sia sing isa ka anak nga lalaki,+ kag ginhingalanan niya sia nga Jesus.+

Footnote

Ukon “kaliwatan.”
Suno sa kustombre sang mga Judiyo, ginatawag nga bana ang nobyo.
Suno sa kustombre sang mga Judiyo, ginatapos sang diborsio ang pagnobyahanay.
Ini ang nahauna sa 237 ka duog sa Cristianong Griegong Kasulatan nga ang ngalan sang Dios, nga Jehova, makita sa panguna nga teksto sa sini nga bersion. Tan-awa ang Apendise A5.
Sa Hebreo, Jesua ukon Josue, nga nagakahulugan “Si Jehova ang Kaluwasan.”
Tan-awa ang Apendise A5.
Tan-awa ang Apendise A5.