Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Marcos 16:1-8

BALAYAN SANG KAUNDAN

  • Ginbanhaw si Jesus 1-8)

16  Pagkatapos sang Adlaw nga Inugpahuway,+ sanday Maria Magdalena, Maria+ nga iloy ni Santiago, kag Salome nagbakal sing mahamot nga mga tanom kag nagkadto sa lulubngan agod ibutang ini sa bangkay ni Jesus.+  Aga pa katama sang nahaunang adlaw sang semana, nagkadto sila sa lulubngan*+ kag nag-abot didto nga nagabutlak na ang adlaw.  Nagpinamangkutanay sila: “Sin-o ang mapaligid sang bato halin sa puertahan sang lulubngan?”  Apang sang gintan-aw nila, nakita nila nga napaligid na ang bato, bisan pa tama ini kadaku.+  Sang nagsulod sila sa lulubngan, nakita nila ang isa ka pamatan-on nga lalaki nga nagasuksok sing puti kag malaba nga bayo. Nagapungko sia sa tuo nayon, kag hinadlukan gid sila.  Nagsiling sia sa ila: “Indi kamo magkahadlok.+ Nahibaluan ko nga ginapangita ninyo si Jesus nga Nazaretnon nga ginpatay sa usok. Ginbanhaw sia,+ gani wala na sia diri. Tan-awa! Amo ini ang ginhamyangan nila sa iya.+  Apang lakat kamo, sugiri ninyo ang iya mga disipulo kag si Pedro, ‘Mauna sia sa inyo sa Galilea.+ Makita ninyo sia didto, subong sang ginsiling niya sa inyo.’”+  Gani naggua sila sa lulubngan kag nagdalagan nga nagakurog sa kahadlok. Kag wala gid sila sing ginsugiran, kay nahadlok sila.*+

Footnote

Ukon “handumanan nga lulubngan.”
Suno sa masaligan nga nahaunang mga manuskrito, ang Ebanghelyo ni Marcos natapos sa bersikulo 8. Tan-awa ang Apendise A3.