Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Manugwali 3:1-22

BALAYAN SANG KAUNDAN

  • May tion para sa tagsa ka butang (1-8)

  • Kalipay sa kabuhi dulot sang Dios (9-15)

    • Wala katubtuban sa tagipusuon (11)

  • Dios nagahukom sing matarong (16, 17)

  • Tawo kag sapat nagakapatay (18-22)

    • Tanan magabalik sa yab-ok (20)

3  May tion para sa tagsa ka butang, May tion para sa tagsa ka hilikuton sa idalom sang langit:   Tion sa pagkabun-ag kag tion sa pagkapatay; Tion sa pagtanom kag tion sa paggabot sang gintanom;   Tion sa pagpatay kag tion sa pag-ayo; Tion sa pagguba kag tion sa pagpatindog;   Tion sa paghibi kag tion sa pagkadlaw; Tion sa paglalaw kag tion sa pagsaot;*   Tion sa paghaboy sing mga bato kag tion sa pagtipon sini; Tion sa paghakos kag tion nga indi maghakos;   Tion sa pagpangita sang isa ka butang kag tion sa pagbaton nga wala na ini; Tion sa pagtago kag tion sa pagpilak;   Tion sa paggisi+ kag tion sa pagtahi; Tion sa paghipos+ kag tion sa paghambal;+   Tion sa paghigugma kag tion sa pagkaugot;+ Tion para sa inaway kag tion para sa paghidait.  Ano bala ang natigayon sang manugpangabudlay sa tanan niya nga panikasog?+ 10  Nakita ko ang buluhaton nga ginhatag sang Dios sa mga tawo. 11  Ginhimo niya nga matahom* ang tanan nga butang sa tagsa ka tion sini.+ Ginbutang man niya sa ila tagipusuon ang wala sing katubtuban; apang indi gid matungkad sang mga tawo ang binuhatan sang matuod nga Dios halin sa ginsuguran tubtob sa katapusan. 12  Gani nahibaluan ko nga ang pinakamaayo nga mahimo sang mga tawo samtang nagakabuhi sila amo ang magkalipay kag maghimo sing maayo,+ 13  kag ang tagsa ka tawo magkaon man kag mag-inom kag magkalipay sa tanan nga ginpangabudlayan niya. Dulot ini sang Dios.+ 14  Nahibaluan ko nga ang tanan nga ginahimo sang matuod nga Dios magapadayon sa wala sing katubtuban. Wala sing madugang kag wala sing mabuhin sa sini. Ginhimo ini sang matuod nga Dios, agod magkahadlok ang mga tawo sa iya.+ 15  Ano man ang natabo, natabo na sadto, kag ano man ang magaabot nagluntad na sang una;+ apang ginapangita sang matuod nga Dios ang kaayuhan sang mga ginahingabot. 16  Nakita ko man ini sa idalom sang adlaw: Sa baylo sang katarungan kag pagkamatarong nagaluntad ang kalautan.+ 17  Nagsiling ako sa akon kaugalingon: “Hukman sang matuod nga Dios ang matarong kag ang malauton,+ kay may tion para sa tagsa ka hilikuton kag tagsa ka buluhaton.” 18  Nagsiling man ako sa akon kaugalingon nga tilawan sang matuod nga Dios ang mga tawo kag ipakita sa ila nga kaangay man sila sa mga sapat, 19  kay pareho lang ang madangatan sang mga tawo kag mga sapat.+ Subong nga nagakapatay ang sapat, nagakapatay man ang tawo; kag sila tanan may isa ka espiritu.+ Gani ang tawo indi labaw sa sapat, kay ang tanan wala sing pulos. 20  Pareho lang ang padulungan sang tanan.+ Sila tanan halin sa yab-ok+ kag sila tanan nagabalik sa yab-ok.+ 21  Sin-o ang nakahibalo kon bala ang espiritu sang mga tawo nagapaibabaw, kag kon bala ang espiritu sang mga sapat nagapaidalom?+ 22  Kag nakita ko nga ang pinakamaayo nga mahimo sang tawo amo nga magkalipay sia sa iya mga binuhatan,+ kay amo ina ang iya padya;* kay sin-o bala ang makapakita sa iya sang mahanabo kon patay na sia?+

Footnote

Sa literal, “pagtumbo; pagluksolukso.”
Ukon “naplastar sing maayo; eksakto; nagakaigo.”
Ukon “bahin.”