Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Levitico 7:1-38

BALAYAN SANG KAUNDAN

  • Kasuguan tuhoy sa mga dulot (1-21)

    • Sa dulot tungod sa kasal-anan (1-10)

    • Sa halad sa pag-ambitanay (11-21)

  • Ginadumilian ang pagkaon sing sapay ukon dugo (22-27)

  • Ang parte sang saserdote (28-36)

  • Konklusion tuhoy sa mga dulot (37, 38)

7  “‘Amo ini ang kasuguan tuhoy sa dulot tungod sa kasal-anan:+ Balaan gid ini nga butang.  Ihawon nila ang dulot tungod sa kasal-anan sa duog diin ginaihaw nila ang dulot nga sinunog, kag ang dugo sini+ dapat iwisik sa palibot sang halaran.+  Ihalad niya ang tanan nga sapay sini,+ pati ang matambok nga ikog, ang sapay nga nagaputos sa mga tinai,  kag ang duha ka batobato malapit sa balikawang pati ang sapay sa sini. Kuhaon man niya ang sapay sang atay pati ang mga batobato.+  Paasuhon ini sang saserdote sa halaran bilang dulot nga sinunog sa kalayo para kay Jehova.+ Isa ini ka dulot tungod sa kasal-anan.  Kaunon ini sang tagsa ka lalaki nga saserdote,+ kag dapat ini kaunon sa balaan nga duog. Balaan gid ini nga butang.+  Isa lang ang kasuguan tuhoy sa dulot tungod sa sala kag tuhoy sa dulot tungod sa kasal-anan. Mangin iya ini sang saserdote nga magahimo sang pagtumbas para sa sala paagi sini.+  “‘Kon maghalad ang saserdote sing dulot nga sinunog para sa isa ka tawo, ang panit+ sang dulot nga sinunog nga ginhalad mangin iya sang saserdote.  “‘Ang tanan nga dulot nga uyas nga ginluto sa pugon ukon ginluto sa kalaha ukon sa matapan nga lulutuan+ mangin iya sang saserdote nga nagahalad sini. Mangin iya ini sang saserdote.+ 10  Apang ang tanan nga mamala ukon ginsamuan sing lana nga dulot nga uyas+ partidahon sing alalangay sa tanan nga anak ni Aaron. 11  “‘Amo ini ang kasuguan tuhoy sa halad sa pag-ambitanay+ nga ihalad sang bisan sin-o kay Jehova: 12  Kon ihalad niya ini bilang pagpasalamat, ihalad niya upod sa halad sa pagpasalamat+ ang korte-pulseras nga mga tinapay nga wala sing lebadura nga ginsamuan sing lana, ang manipis nga mga tinapay nga wala sing lebadura nga ginpalhitan sing lana, kag ang nasamo sing maayo nga pino nga harina nga ginhimo nga korte-pulseras nga mga tinapay nga ginsamuan sing lana. 13  Ihalad niya ang iya halad upod sa korte-pulseras nga mga tinapay nga may lebadura kag sa iya mga halad sa pag-ambitanay bilang pagpasalamat. 14  Ihalad niya kay Jehova ang isa halin sa tagsa ka dulot bilang sagrado nga bahin; mangin iya ini sang saserdote nga nagawisik sing dugo sang mga halad sa pag-ambitanay.+ 15  Ang karne sang iya mga halad sa pag-ambitanay bilang pagpasalamat kaunon sa adlaw nga ginahalad niya ini. Indi sia magbilin sini tubtob sa aga.+ 16  “‘Kon ang iya ginahalad isa ka panaad+ ukon kinabubut-on nga dulot,+ kaunon ini sa adlaw nga ginahalad niya ang iya halad, kag ang mabilin sa sini mahimo kaunon sa madason nga adlaw. 17  Apang ang mabilin nga karne sang halad sa ikatlo nga adlaw dapat sunugon.+ 18  Kon ang karne sang halad sa pag-ambitanay ginkaon sa ikatlo nga adlaw, ang isa nga nagahalad sini indi pagbatunon. Indi sia makabenepisyo sa sini. Mangin mahigko ini nga butang, kag ang tawo* nga nagakaon sini manabat tungod sa iya sala.+ 19  Indi pagkaunon ang karne nga nakatandog sing bisan ano nga indi matinlo. Dapat ini sunugon. Ang tanan nga tawo nga matinlo mahimo makakaon sing karne nga matinlo. 20  “‘Apang kon ang isa ka tawo* nga indi matinlo magkaon sing karne sang halad sa pag-ambitanay, nga para kay Jehova, dapat patyon* ina nga tawo.*+ 21  Kon ang isa ka tawo* magtandog sing bisan ano nga indi matinlo, sing kahigkuan sang tawo+ ukon sing indi matinlo nga sapat+ ukon sing bisan ano nga indi matinlo kag makangilil-ad nga butang,+ kag magkaon sia sing karne sang halad sa pag-ambitanay nga para kay Jehova, dapat patyon* ina nga tawo.’”* 22  Nagsiling pa si Jehova kay Moises: 23  “Isiling mo sa mga Israelinhon, ‘Indi kamo magkaon sing bisan ano nga sapay+ sang baka ukon sang tinday nga karnero nga lalaki ukon sang kanding. 24  Ang sapay sang sapat nga napatay kag ang sapay sang sapat nga ginpatay sang iban nga sapat mahimo ninyo gamiton sa iban nga katuyuan, apang indi gid ninyo ini pagkaunon.+ 25  Kay ang bisan sin-o nga tawo nga nagakaon sing sapay sang sapat nga ginahalad niya bilang dulot nga sinunog sa kalayo para kay Jehova dapat patyon.* 26  “‘Indi kamo magkaon sing bisan ano nga dugo+ bisan diin kamo mag-istar, dugo man ini sang pispis ukon sang sapat. 27  Dapat patyon* ang bisan sin-o nga tawo* nga nagakaon sing bisan ano nga dugo.’”+ 28  Nagsiling pa si Jehova kay Moises: 29  “Isiling mo sa mga Israelinhon, ‘Ang bisan sin-o nga magahalad kay Jehova sang iya halad sa pag-ambitanay dapat magdala kay Jehova sing isa ka parte sang iya halad sa pag-ambitanay.+ 30  Dalhon niya mismo ang sapay+ upod sa dughan bilang dulot nga sinunog sa kalayo para kay Jehova, kag habugon niya ini bilang isa ka dulot nga hinabog+ sa atubangan ni Jehova. 31  Paasuhon sang saserdote ang sapay sa halaran,+ apang ang dughan mangin iya ni Aaron kag sang iya mga anak.+ 32  “‘Ihatag ninyo sa saserdote ang tuo nga batiis bilang sagrado nga bahin halin sa inyo mga halad sa pag-ambitanay.+ 33  Ang tuo nga batiis mangin iya sang anak ni Aaron nga nagahalad sang dugo sang mga halad sa pag-ambitanay kag sang sapay.+ 34  Kay ang dughan nga dulot nga hinabog kag ang batiis nga sagrado nga bahin ginakuha ko halin sa mga halad sa pag-ambitanay sang mga Israelinhon, kag ginahatag ko ini kay Aaron nga saserdote kag sa iya mga anak, bilang isa ka pagsulundan tubtob san-o para sa mga Israelinhon.+ 35  “‘Amo ini ang parte halin sa mga dulot nga sinunog sa kalayo para kay Jehova, nga ihatag sa mga saserdote, kay Aaron kag sa iya mga anak, sugod sang adlaw nga gindala sila agod mag-alagad kay Jehova bilang mga saserdote.+ 36  Ginsugo sila ni Jehova nga ihatag sa ila ini nga parte halin sa mga Israelinhon sang adlaw nga ginhaplas niya sila.+ Isa ini ka pagsulundan tubtob san-o sa ila mga kaliwatan.’” 37  Amo ini ang kasuguan tuhoy sa dulot nga sinunog,+ sa dulot nga uyas,+ sa dulot tungod sa sala,+ sa dulot tungod sa kasal-anan,+ sa halad sa pag-orden,+ kag sa halad sa pag-ambitanay,+ 38  subong sang ginsugo ni Jehova kay Moises sa Bukid Sinai+ sang adlaw nga ginsugo niya ang mga Israelinhon nga maghalad sila sang ila mga dulot para kay Jehova sa kamingawan sang Sinai.+

Footnote

Ukon “kalag.”
Ukon “kalag.”
Sa literal, “utdon.”
Ukon “kalag.”
Ukon “kalag.”
Sa literal, “utdon.”
Ukon “kalag.”
Sa literal, “utdon.”
Sa literal, “utdon.”
Ukon “kalag.”