Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Josue 21:1-45

BALAYAN SANG KAUNDAN

  • Mga siudad para sa mga Levinhon (1-42)

    • Para sa mga kaliwat ni Aaron (9-19)

    • Para sa iban nga Kohatnon (20-26)

    • Para sa mga Gersonhon (27-33)

    • Para sa mga Merarinhon (34-40)

  • Mga saad ni Jehova natuman (43-45)

21  Ang mga pangulo sang mga panimalay sang mga Levinhon nagkadto kay Eleazar+ nga saserdote, kay Josue nga anak ni Nun, kag sa mga pangulo sang mga panimalay sang mga tribo sang Israel.  Nagsiling sila sa ila sa Shilo+ sa duta sang Canaan: “Nagsugo si Jehova paagi kay Moises nga hatagan kami sing mga siudad nga maistaran namon kag sing mga halalban para sa amon mga sapat.”+  Gani suno sa ginsugo ni Jehova, ginhatag sang mga Israelinhon sa mga Levinhon ini nga mga siudad+ kag mga halalban halin sa ila palanublion.+  Nagabutan ang parte para sa mga pamilya sang mga Kohatnon,+ kag ini nga mga Levinhon nga mga kaliwat ni Aaron nga saserdote ginpartidahan paagi sa pagabutgabot* sing 13 ka siudad halin sa tribo ni Juda,+ sa tribo ni Simeon,+ kag sa tribo ni Benjamin.+  Ang iban pa nga mga Kohatnon ginhatagan* sing napulo ka siudad halin sa mga pamilya sang tribo ni Efraim,+ sang tribo ni Dan, kag sa katunga sang tribo ni Manases.+  Ang mga Gersonhon+ ginhatagan sing 13 ka siudad halin sa mga pamilya sang tribo ni Isacar, sang tribo ni Aser, sang tribo ni Neptali, kag sa katunga sang tribo ni Manases sa Basan.+  Ang mga pamilya sang mga Merarinhon+ ginhatagan sing 12 ka siudad halin sa tribo ni Ruben, sa tribo ni Gad, kag sa tribo ni Zebulon.+  Gani ginhatag sang mga Israelinhon sa mga Levinhon ini nga mga siudad kag ang mga halalban sa sini paagi sa pagabutgabot, suno sa ginsugo ni Jehova paagi kay Moises.+  Amo ini ang mga ngalan sang mga siudad nga ginhatag nila halin sa tribo ni Juda kag sa tribo ni Simeon,+ 10  kag ginhatag ini sa mga pamilya sang mga Kohatnon nga mga Levinhon nga mga anak ni Aaron bangod sila ang una nga nagabutan. 11  Ginhatag sa ila ang Kiryat-arba+ (si Arba amo ang amay ni Anak) nga amo ang Hebron+ sa kabukiran sang Juda, kag ang mga halalban sa palibot sini. 12  Apang ang kaumhan kag ang mga baryo sang siudad ginhatag nila kay Caleb nga anak ni Jefone agod panag-iyahan niya.+ 13  Ginhatag nila sa mga anak ni Aaron nga saserdote ang siudad nga dalangpan sang nakapatay sing tawo,+ nga amo ang Hebron,+ kag ang mga halalban sa sini, ang Libna+ kag ang mga halalban sa sini, 14  ang Jatir+ kag ang mga halalban sa sini, ang Estemoa+ kag ang mga halalban sa sini, 15  ang Holon+ kag ang mga halalban sa sini, ang Debir+ kag ang mga halalban sa sini, 16  ang Ain+ kag ang mga halalban sa sini, ang Juta+ kag ang mga halalban sa sini, kag ang Bet-semes kag ang mga halalban sa sini; siam ka siudad halin sa sining duha ka tribo. 17  Halin sa tribo ni Benjamin, ginhatag ang Gibeon+ kag ang mga halalban sa sini, ang Geba kag ang mga halalban sa sini,+ 18  ang Anatot+ kag ang mga halalban sa sini, kag ang Almon kag ang mga halalban sa sini; apat ka siudad. 19  Ang ginhatag sa mga saserdote nga mga kaliwat ni Aaron, 13 tanan ka siudad lakip ang mga halalban sa sini.+ 20  Ang iban pa nga mga pamilya sang mga Kohatnon nga mga Levinhon, ginhatagan sing mga siudad halin sa tribo ni Efraim paagi sa pagabutgabot. 21  Ginhatag nila sa ila ang siudad nga dalangpan sang nakapatay sing tawo,+ nga amo ang Siquem+ kag ang mga halalban sa sini sa kabukiran sang Efraim, ang Gezer+ kag ang mga halalban sa sini, 22  ang Kibzaim kag ang mga halalban sa sini, kag ang Bet-horon+ kag ang mga halalban sa sini; apat ka siudad. 23  Halin sa tribo ni Dan, ginhatag ang Elteke kag ang mga halalban sa sini, ang Gibeton kag ang mga halalban sa sini, 24  ang Aijalon+ kag ang mga halalban sa sini, kag ang Gat-rimon kag ang mga halalban sa sini; apat ka siudad. 25  Halin sa katunga sang tribo ni Manases, ginhatag ang Taanac+ kag ang mga halalban sa sini, kag ang Gat-rimon kag ang mga halalban sa sini; duha ka siudad. 26  Ang ginhatag sa iban pa nga mga pamilya sang mga Kohatnon, napulo tanan ka siudad lakip ang mga halalban sa sini. 27  Halin sa katunga sang tribo ni Manases, ginhatag sa mga Gersonhon+ nga mga pamilya sang mga Levinhon ang siudad nga dalangpan sang nakapatay sing tawo, nga amo ang Golan+ sa Basan kag ang mga halalban sa sini kag ang Beestera kag ang mga halalban sa sini; duha ka siudad. 28  Halin sa tribo ni Isacar,+ ginhatag ang Kision kag ang mga halalban sa sini, ang Daberat+ kag ang mga halalban sa sini, 29  ang Jarmut kag ang mga halalban sa sini, kag ang En-ganim kag ang mga halalban sa sini; apat ka siudad. 30  Halin sa tribo ni Aser,+ ginhatag ang Misal kag ang mga halalban sa sini, ang Abdon kag ang mga halalban sa sini, 31  ang Helkat+ kag ang mga halalban sa sini, kag ang Rehob+ kag ang mga halalban sa sini; apat ka siudad. 32  Halin sa tribo ni Neptali, ginhatag ang siudad nga dalangpan+ sang nakapatay sing tawo, nga amo ang Kedes+ sa Galilea kag ang mga halalban sa sini, ang Hamot-dor kag ang mga halalban sa sini, kag ang Kartan kag ang mga halalban sa sini; tatlo ka siudad. 33  Ang ginhatag sa mga pamilya sang mga Gersonhon, 13 tanan ka siudad lakip ang mga halalban sa sini. 34  Halin sa tribo ni Zebulon,+ nabaton sang mga pamilya sang mga Merarinhon,+ nga amo ang iban pa nga mga Levinhon, ang Jokneam+ kag ang mga halalban sa sini, ang Karta kag ang mga halalban sa sini, 35  ang Dimna kag ang mga halalban sa sini, kag ang Nahalal+ kag ang mga halalban sa sini; apat ka siudad. 36  Halin sa tribo ni Ruben, ginhatag ang Bezer+ kag ang mga halalban sa sini, ang Jahaz kag ang mga halalban sa sini,+ 37  ang Kedemot kag ang mga halalban sa sini, kag ang Mefaat kag ang mga halalban sa sini; apat ka siudad. 38  Halin sa tribo ni Gad,+ ginhatag ang siudad nga dalangpan sang nakapatay sing tawo nga amo ang Ramot sa Gilead+ kag ang mga halalban sa sini, ang Mahanaim+ kag ang mga halalban sa sini, 39  ang Hesbon+ kag ang mga halalban sa sini, kag ang Jazer+ kag ang mga halalban sa sini; apat tanan ka siudad. 40  Ang mga Merarinhon nga amo ang nabilin sa mga pamilya sang mga Levinhon ginhatagan suno sa ila mga pamilya sing 12 tanan ka siudad. 41  Ang mga siudad sang mga Levinhon lakip ang mga halalban sa sini halin sa ginapanag-iyahan sang mga Israelinhon; 48 tanan.+ 42  May mga halalban sa palibot ang kada isa sini nga mga siudad. 43  Gani ginhatag ni Jehova sa Israel ang tanan nga duta nga ginpanumpa niya nga ihatag sa ila mga katigulangan.+ Ginpanag-iyahan nila ini kag nag-istar sila sa sini.+ 44  Ginhatagan man sila ni Jehova sing kalinong, suno sa ginpanumpa niya sa ila mga katigulangan,+ kag wala sing bisan isa nga kaaway nila ang nakapierde sa ila.+ Gintugyan sa ila ni Jehova ang tanan nila nga kaaway.+ 45  Wala sing bisan isa ka saad* sa tanan nga maayong butang nga ginsaad ni Jehova sa panimalay ni Israel ang napaslawan; natuman ini tanan.+

Footnote

Ukon “ginhatagan.”
Ukon “ginhatagan paagi sa gabutgabot.”
Ukon “pulong.”