Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Josue 16:1-10

BALAYAN SANG KAUNDAN

  • Ginpanubli sang mga anak ni Jose (1-4)

  • Ang ginpanubli ni Efraim (5-10)

16  Ang duta nga nagabutan*+ para sa mga kaliwat ni Jose+ nagsugod sa Jordan sa Jerico pakadto sa katubigan sa sidlangan sang Jerico, kag nagaagi ini sa kamingawan nga pataklad halin sa Jerico pakadto sa kabukiran sa Betel.+  Halin sa Betel nga sakop sang Luz, nagaagi ini sa Atarot nga amo ang dulunan sang mga Arquinhon,  dayon nagadulhog ini pakatundan sa dulunan sang mga Jafletnon tubtob sa dulunan sang Naubos nga Bet-horon+ kag Gezer,+ kag ang punta sini amo ang dagat.  Gani ginpanag-iyahan sang mga kaliwat ni Jose+ nga si Manases kag si Efraim ang duta nga para sa ila.+  Amo ini ang dulunan sang mga kaliwat ni Efraim suno sa ila mga pamilya: Ang dulunan sang ila palanublion sa sidlangan amo ang Atarot-addar,+ tubtob sa Naibabaw nga Bet-horon,+  kag ang dulunan nagalambot sa dagat. Ang Micmetat+ yara sa aminhan, kag ang dulunan nagaliko pasidlangan pakadto sa Taanat-silo, kag nagaagi ini pasidlangan sa Janoa.  Dayon halin sa Janoa nagadulhog ini pakadto sa Atarot kag sa Naara kag nagalambot sa Jerico+ tubtob sa Jordan.  Halin sa Tapua,+ ang dulunan nagapakadto sa katundan sa Nalupyakan* sang Kana, kag ang punta sini amo ang dagat.+ Amo ini ang palanublion sang tribo ni Efraim suno sa ila mga pamilya.  Ang mga kaliwat ni Efraim may ginapanag-iyahan man nga mga siudad lakip ang mga baryo sini nga yara sa palanublion ni Manases.+ 10  Apang wala nila gintabog ang mga Canaanhon nga nagaistar sa Gezer,+ gani ang mga Canaanhon padayon nga nagaistar upod sa Efraim tubtob sini nga adlaw+ kag nagapangabudlay sila bilang mga ulipon.+

Footnote

Ukon “ginhatag.”
Tan-awa ang Glossary.