Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Josue 13:1-33

BALAYAN SANG KAUNDAN

  • Mga duta nga dapat pa sakupon (1-7)

  • Pagpartida sing duta sa sidlangan sang Jordan (8-14)

  • Ang ginpanubli ni Ruben (15-23)

  • Ang ginpanubli ni Gad (24-28)

  • Ang ginpanubli ni Manases sa sidlangan (29-32)

  • Si Jehova ang palanublion sang mga Levinhon (33)

13  Tigulang na gid si Josue kag malapit na sia mapatay.+ Gani nagsiling si Jehova sa iya: “Tigulang na gid ikaw kag indi na maglawig ang imo kabuhi; apang madamo pa nga duta ang dapat sakupon.*  Amo ini ang nabilin pa nga duta:+ ang tanan nga rehiyon sang mga Filistinhon kag sang mga Gesurnon+  (halin sa sanga sang Nilo* sa sidlangan* sang Egipto tubtob sa dulunan sang Ekron sa aminhan, nga ginakabig anay nga teritoryo sang Canaan)+ lakip ang duta sang lima ka ginuo sang mga Filistinhon,+ nga amo ang mga Gazahanon, ang mga Asdodnon,+ ang mga Askelonhon,+ ang mga Gathanon,+ kag ang mga Ekronhon;+ kag ang duta sang mga Avim+  sa bagatnan; ang tanan nga duta sang mga Canaanhon; ang Meara nga iya sang mga Sidonhon,+ tubtob sa Afek, tubtob sa dulunan sang mga Amornon;  ang duta sang mga Gebalnon+ kag ang bug-os nga Lebanon sa sidlangan, halin sa Baal-gad sa tiilan sang Bukid Hermon tubtob sa Lebo-hamat;*+  ang duta sang tanan nga pumuluyo sang kabukiran halin sa Lebanon+ tubtob sa Misrefot-maim;+ kag ang duta sang tanan nga Sidonhon.+ Tabugon ko sila sa atubangan sang mga Israelinhon.+ Partidahon mo ini sa Israel bilang palanublion, subong sang ginsugo ko sa imo.+  Partidahon mo ini nga duta bilang palanublion sang siam ka tribo kag sang katunga sang tribo ni Manases.”+  Ginbaton sang isa pa ka katunga sang tribo, sang mga Rubenhon kag sang mga Gadhanon ang ila palanublion nga ginhatag sa ila ni Moises sa sidlangan nga bahin sang Jordan, suno sa ginhatag sa ila ni Moises nga alagad ni Jehova:+  halin sa Aroer,+ nga yara sa higad sang Nalupyakan* sang Arnon,+ kag ang siudad sa tunga sang nalupyakan, kag ang bug-os nga patag sang Medeba tubtob sa Dibon; 10  kag ang tanan nga siudad ni Hari Sihon sang mga Amornon, nga naggahom sa Hesbon, tubtob sa dulunan sang mga Ammonhon;+ 11  pati ang Gilead kag ang teritoryo sang mga Gesurnon kag sang mga Maacatnon+ kag ang bug-os nga Bukid Hermon kag ang bug-os nga Basan+ tubtob sa Saleca;+ 12  ang bug-os nga ginharian ni Og sa Basan nga naggahom sa Astarot kag sa Edrei. (Isa sia sa nabilin nga mga Refaim.)+ Napierde sila ni Moises kag gintabog niya sila.+ 13  Apang wala gintabog sang mga Israelinhon+ ang mga Gesurnon kag ang mga Maacatnon, kay padayon nga nag-istar ang katawhan sang Gesur kag sang Maacat upod sa Israel tubtob sini nga adlaw. 14  Ang tribo sang mga Levinhon lamang ang wala niya ginhatagan sing palanublion.+ Ang ila palanublion amo ang bahin sang mga dulot nga sinunog sa kalayo para kay Jehova nga Dios sang Israel,+ subong sang ginsaad niya sa ila.+ 15  Dayon ginhatag ni Moises ang palanublion sang tribo sang mga Rubenhon suno sa ila mga pamilya. 16  Ang ila teritoryo halin sa Aroer, nga yara sa higad sang Nalupyakan* sang Arnon, kag ang siudad sa tunga sang nalupyakan, kag ang bug-os nga patag sang Medeba; 17  ang Hesbon kag ang tanan nga banwa sini+ sa patag, ang Dibon, ang Bamot-baal, ang Bet-baal-meon,+ 18  ang Jahaz,+ ang Kedemot,+ ang Mefaat,+ 19  ang Kiryataim, ang Sibma,+ kag ang Zeret-sahar sa bukid malapit sa nalupyakan,* 20  ang Bet-peor, ang banglid sang Pisga,+ ang Bet-jesimot,+ 21  ang tanan nga siudad sa patag, kag ang bug-os nga ginharian ni Hari Sihon sang mga Amornon nga naggahom sa Hesbon.+ Ginpierde sia ni Moises+ pati ang Midianhon nga mga pangulo, nga si Evi, si Rekem, si Zur, si Hur, kag si Reba,+ kag ang mga pangulo* nga sakop ni Sihon nga nag-istar sa sini nga duta. 22  Si Balaam+ nga anak ni Beor nga manugpakot+ ang isa sa mga ginpatay sang mga Israelinhon paagi sa espada. 23  Ang dulunan sang mga Rubenhon amo ang Jordan; kag ini nga teritoryo amo ang palanublion sang mga Rubenhon suno sa ila mga pamilya, lakip ang mga siudad kag mga baryo sini. 24  Ginhatag man ni Moises ang palanublion sang tribo ni Gad, nga mga Gadhanon, suno sa ila mga pamilya. 25  Ang ila teritoryo amo ang Jazer+ kag ang tanan nga siudad sang Gilead kag ang katunga sang duta sang mga Ammonhon+ tubtob sa Aroer, nga nagaatubang sa Raba;+ 26  kag halin sa Hesbon+ tubtob sa Ramat-mizpe kag Betonim, kag halin sa Mahanaim+ tubtob sa dulunan sang Debir; 27  kag ang nalupyakan,* ang Bet-haram,+ ang Bet-nimra, ang Sucot,+ kag ang Zafon, ang iban pa nga ginharian ni Hari Sihon sang Hesbon.+ Ang ila dulunan amo ang Jordan halin sa punta sang Dagat sang Cineret*+ sa sidlangan nga bahin sang Jordan. 28  Amo ini ang palanublion sang mga Gadhanon suno sa ila mga pamilya, lakip ang mga siudad kag mga baryo sini. 29  Ginhatag man ni Moises ang palanublion sang katunga sang tribo ni Manases, suno sa ila mga pamilya.+ 30  Ang ila teritoryo halin sa Mahanaim+ kag lakip ang bug-os nga Basan, ang bug-os nga ginharian ni Hari Og sang Basan, kag ang tanan nga baryo sang Jair+ sa Basan, 60 ka banwa. 31  Ang katunga sang Gilead, kag ang Astarot kag ang Edrei,+ nga mga siudad sa ginharian ni Og sa Basan, ginhatag sa katunga sang mga anak ni Maquir+ nga anak ni Manases suno sa ila mga pamilya. 32  Amo ini ang mga palanublion nga ginhatag sa ila ni Moises sa desyerto nga kapatagan sang Moab sa tabok sang Jordan, sa sidlangan sang Jerico.+ 33  Apang wala ginhatagan ni Moises sing palanublion ang mga Levinhon.+ Si Jehova nga Dios sang Israel amo ang ila palanublion, subong sang ginsaad niya sa ila.+

Footnote

Ukon “panag-iyahan.”
Ukon “halin sa Sihor.”
Sa literal, “atubangan.”
Ukon “dulunan sang Hamat.”
Tan-awa ang Glossary.
Tan-awa ang Glossary.
Ukon “manubo nga patag.”
Mga hari sa idalom sang paggahom ni Sihon.
Ukon “manubo nga patag.”
Ang linaw sang Genesaret, ukon ang Dagat sang Galilea.