Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Josue 12:1-24

BALAYAN SANG KAUNDAN

  • Mga hari nga napierde sa sidlangan sang Jordan (1-6)

  • Mga hari nga napierde sa katundan sang Jordan (7-24)

12  Ginsakop sang mga Israelinhon ang sidlangan nga bahin sang Jordan, halin sa Nalupyakan* sang Arnon+ tubtob sa Bukid Hermon+ kag ang bug-os nga Araba sa sidlangan.+ Amo ini ang mga hari sa sini nga mga lugar nga ila ginpierde:  Si Hari Sihon+ sang mga Amornon nga nag-istar sa Hesbon. Naggahom sia sa Aroer,+ nga yara sa kilid sang Nalupyakan* sang Arnon.+ Sakop niya ang halin sa tunga sang Nalupyakan sang Arnon tubtob sa Nalupyakan* sang Jabok, kag ang katunga sang Gilead. Ang Jabok amo man ang dulunan sang mga Ammonhon.  Sakop man niya ang Araba tubtob sa Dagat sang Cineret*+ sa sidlangan kag tubtob sa Dagat sang Araba, ang Dagat Asin,* tubtob sa Bet-jesimot sa sidlangan, kag tubtob sa ubos sang mga banglid sang Pisga sa bagatnan.+  Ang isa pa ka hari amo si Hari Og+ sang Basan, nga isa sa mga nabilin sa mga Refaim+ kag nag-istar sia sa Astarot kag sa Edrei.  Naggahom sia sa Bukid Hermon, sa Saleca, kag sa bug-os nga Basan,+ tubtob sa dulunan sang mga Gesurnon kag sang mga Maacatnon,+ kag sa katunga sang Gilead, tubtob sa teritoryo ni Hari Sihon sang Hesbon.+  Ginpierde sila ni Moises nga alagad ni Jehova kag sang mga Israelinhon.+ Dayon ginhatag ni Moises nga alagad ni Jehova ang ila duta sa mga Rubenhon, sa mga Gadhanon, kag sa katunga sang tribo ni Manases.+  Amo ini ang mga hari nga ginpierde ni Josue kag sang mga Israelinhon sa katundan nga bahin sang Jordan, halin sa Baal-gad+ sa Nalupyakan sang Lebanon+ kag tubtob sa Bukid Halak,+ nga malapit sa Seir,+ kag pagkatapos sini, ginpartida ni Josue sa mga tribo sang Israel ang ila duta,+  sa kabukiran, sa Sepela, sa Araba, sa mga banglid, sa kamingawan, kag sa Negeb+ nga amo ang duta sang mga Hethanon, mga Amornon,+ mga Canaanhon, mga Pereznon, mga Hevhanon, kag mga Jebusnon:+   Ang hari sang Jerico;+ ang hari sang Ai,+ sa tupad sang Betel; 10  ang hari sang Jerusalem; ang hari sang Hebron;+ 11  ang hari sang Jarmut; ang hari sang Laquis; 12  ang hari sang Eglon; ang hari sang Gezer;+ 13  ang hari sang Debir;+ ang hari sang Geder; 14  ang hari sang Horma; ang hari sang Arad; 15  ang hari sang Libna;+ ang hari sang Adulam; 16  ang hari sang Makeda;+ ang hari sang Betel;+ 17  ang hari sang Tapua; ang hari sang Hefer; 18  ang hari sang Afek; ang hari sang Lasaron; 19  ang hari sang Madon; ang hari sang Hazor;+ 20  ang hari sang Simron-meron; ang hari sang Acsaf; 21  ang hari sang Taanac; ang hari sang Megiddo; 22  ang hari sang Kedes; ang hari sang Jokneam+ sa Carmel; 23  ang hari sang Dor sa kabakuluran sang Dor;+ ang hari sang Goiim sa Gilgal; 24  ang hari sang Tirza; 31 tanan ka hari.

Footnote

Tan-awa ang Glossary.
Tan-awa ang Glossary.
Tan-awa ang Glossary.
Ang linaw sang Genesaret, ukon ang Dagat sang Galilea.
Ang Patay nga Dagat.