Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Jonas 2:1-10

BALAYAN SANG KAUNDAN

  • Pangamuyo sa tiyan sang isda (1-9)

  • Ginluad si Jonas sa duta (10)

2  Nagpangamuyo si Jonas kay Jehova nga iya Dios sa tiyan sang isda.+  Nagsiling sia: “Nagpanawag ako kay Jehova bangod nagaantos ako, kag ginsabat niya ako.+ Nangayo ako sing bulig halin sa madalom nga* Lulubngan.*+ Kag ginpamatian mo ako.   Sang gintagbong mo ako sa idalom sang dagat, Ginlibutan ako sang masulog nga tubig.+ Ginlapawan ako sang imo mabaskog nga mga balod.+   Kag nagsiling ako, ‘Gintabog mo ako halin sa imo atubangan! Makita ko pa bala liwat ang imo balaan nga templo?’   Ginlapawan ako sang tubig kag yara sa katalagman ang akon kabuhi;*+ Ginlapawan ako sang madalom nga tubig. Nagsambod sa akon ulo ang mga hilamon sa dagat.   Naglugdang ako sa idalom sang dagat.* Ginsiraduhan ako sang mga puertahan sang duta sa wala sing katubtuban. Apang ginpagua mo ako nga buhi halin sa buho, O Jehova nga akon Dios.+   Sang nagataliwan ang akon kabuhi,* si Jehova ang Isa nga gindumdom ko.+ Dayon ang akon pangamuyo nakalab-ot sa imo, sa imo balaan nga templo.+   Ginsikway sang mga nagasimba sa wala pulos nga mga diosdios ang ginahalinan sang mainunungon nga gugma.*   Apang dayawon ko ikaw kag magahalad ako sa imo. Tumanon ko ang akon panaad.+ Si Jehova ang kaluwasan.”+ 10  Sang ulihi, ginsugo ni Jehova ang isda, kag ginluad sini si Jonas sa duta.

Footnote

Sa literal, “sa tiyan sang.”
Ukon “Sheol,” nga amo ang kabilugan nga lulubngan sang katawhan. Tan-awa ang Glossary.
Ukon “Ginlapawan ako sang tubig tubtob sa kalag.”
Sa literal, “mga bukid.”
Ukon “kalag.”
Ukon mahimo, “ang ila pagkamainunungon.”