Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Job 37:1-24

BALAYAN SANG KAUNDAN

  • Ang gahom sang Dios makita sa kinaugali (1-24)

    • Mapauntat sang Dios ang hilikuton sang tawo (7)

    • ‘Pamalandungi ang mga binuhatan sang Dios’ (14)

    • Dios indi matungkad sang tawo (23)

    • Indi maghunahuna ang tawo nga maalam sia (24)

37  “Tungod sini ginakulbaan ako Kag nagakubakuba ang akon dughan.   Pamatii sing maayo ang iya nagadaguhob nga tingog Kag ang daguob nga halin sa iya baba.   Ginapalanog niya ini sa kalangitan Kag ginapadala ang iya kilat+ tubtob sa pinakamalayo nga bahin sang duta.   Dayon ang nagangurob nga tunog; Nagapadaguob sia paagi sa iya makahalawhaw nga tingog,+ Kag wala niya ini ginapunggan kon mabatian ang iya tingog.   Nagadaguhob ang tingog sang Dios+ sing makahalawhaw; Nagahimo sia sing dalagku nga mga butang nga indi naton mahangpan.+   Kay nagasiling sia sa niebe, ‘Magtupa ka sa duta,’+ Kag sa ulan, ‘Mag-ulan ka sing mabaskog.’+   Ginapauntat sang Dios ang tawo sa iya mga hilikuton* Agod mapamalandungan sang mamalatyon nga tawo ang Iya binuhatan.   Ang ilahas nga mga sapat nagapanago Kag nagapabilin sa ila palanaguan.   Halin sa lugar sini nagagua ang unos,+ Kag ang amihan nagadala sing katugnaw.+ 10  Paagi sa ginhawa sang Dios, nahimo ang yelo,+ Kag nangin yelo ang malapad nga katubigan.+ 11  Huo, paagi sa tubig ginapabug-at niya ang panganod; Ginapalapta niya ang iya kilat+ sa mga panganod; 12  Nagalibotlibot sila kon diin niya sila pakadtuon; Ginahimo nila ang bisan ano nga ginasugo+ niya sa ila sa kadaygan sang napuy-an nga duta.* 13  Kon para man ini sa pagsilot,*+ ukon sa pagbunyag sa duta, Ukon sa pagpakita sang iya mainunungon nga gugma, ginapahanabo niya ini.+ 14  Job, pamatii ini sing maayo; Pamalandungi ang makatilingala nga mga binuhatan sang Dios.+ 15  Nakahibalo ka bala kon paano ginakontrol* sang Dios ang mga panganod Kag kon paano niya ginapakirab ang kilat halin sa iya panganod? 16  Nakahibalo ka bala kon paano nagalutaw ang panganod?+ Ini makatilingala nga mga binuhatan sang Isa nga himpit sa ihibalo.+ 17  Ngaa nagainit ang imo panapton Kon magtinong ang duta bangod sang hangin halin sa bagatnan?+ 18  Upod sa iya, mahumlad* mo bala ang langit+ Subong sang metal nga espiho? 19  Sugiri kami sang amon isiling sa iya; Indi kami makasabat bangod yara kami sa kadulom. 20  Dapat bala isugid sa Dios nga luyag ko maghambal? Ukon may nagsiling bala nga ang ginhambal ko isugid sa Dios?+ 21  Indi gani nila makita ang kapawa,* Bisan masanag ang langit, Tubtob nga paliron sang hangin ang mga panganod. 22  Halin sa aminhan makit-an ang bulawanon nga kasanag; Ang makahalawhaw gid nga himaya sang Dios.+ 23  Indi naton matungkad ang Labing Gamhanan;+ Gamhanan gid sia,+ Kag wala gid niya ginalapas ang iya katarungan+ kag ang iya matarong nga mga binuhatan.+ 24  Gani dapat sia kahadlukan sang mga tawo.+ Kay wala sia nahamuot sa bisan sin-o nga nagakabig sang iya kaugalingon nga maalam.”*+

Footnote

Sa literal, “Ginabutangan niya sang selyo ang kamot sang tagsa ka tawo.”
Ukon “sang mabungahon nga duta.”
Sa literal, “bilugon.”
Ukon “ginasugo.”
Ukon “masalsal.”
Kapawa sang adlaw.
Sa literal, “nga maalam sing tagipusuon.”