Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Job 35:1-16

BALAYAN SANG KAUNDAN

  • Ginpakita ni Elihu ang sayop nga pangatarungan ni Job (1-16)

    • Nagsiling si Job nga mas matarong sia sa Dios (2)

    • Ang Dios mataas gid, indi maapektuhan sang sala (5, 6)

    • Si Job dapat maghulat sa Dios (14)

35  Padayon nga nagsiling si Elihu:   “Kumbinsido ka gid bala nga husto ka, Amo nga nagasiling ka, ‘Mas matarong ako sangsa Dios’?+   Kay nagsiling ka, ‘Ano ang labot sini sa imo?* Makapaayo bala sa akon kon indi ako magpakasala?’+   Sabton ko ikaw Kag ang imo mga kaupod.+   Magtangla ka sa langit, Tan-awa ang mga panganod,+ nga mas mataas sangsa imo.   Kon makasala ka, mahalitan mo bala sia?+ Kon magdamo ang imo paglapas, maapektuhan bala sia?+   Kon matarong ka, ano ang mahatag mo sa iya; Ano ang mabaton niya sa imo?+   Ang imo kalautan makaapekto lamang sa kaangay mo nga tawo, Kag amo man ang imo pagkamatarong.   Nagapangayo sing bulig ang mga tawo kon ginapigos sila; Nagapangayo sila sing kaumpawan bangod sa pagpigos* sang mga gamhanan.+ 10  Apang wala sing nagsiling, ‘Diin na ang Dios nga akon Daku nga Manunuga,+ Ang isa nga tungod sa iya may ambahanon sang pagdayaw sa kagab-ihon?’+ 11  Ginatudluan niya kita+ labaw pa sa kasapatan sa duta,+ Kag ginhimo niya kita nga mas maalam sangsa mga pispis sa kalangitan. 12  Ang mga tawo nagapangayo sing bulig, apang wala niya ginabuligan,+ Bangod malauton sila kag bugalon.+ 13  Wala gid ginapamatian sang Dios ang wala sing pulos* nga pagpangayo sing bulig;+ Wala sila ginasapak sang Labing Gamhanan. 14  Ano pa gid ayhan kon magsiling ka nga wala ka niya ginasapak!+ Ang imo panumbungon yara na sa iya atubangan, gani maghulat ka sa iya.+ 15  Kay wala ka niya ginsilutan bangod sang iya kaakig; Ukon gintalupangod ang imo pagpadasudaso.+ 16  Wala sing pulos ang ginahambal ni Job; Nagahambal sia nga wala sing kaalam.”+

Footnote

Mahimo nga nagapatuhoy sa Dios.
Sa literal, “butkon.”
Ukon “ang butig.”