Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Job 29:1-25

BALAYAN SANG KAUNDAN

  • Gindumdom ang iya malipayon nga adlaw antes sang pagtilaw (1-25)

    • Ginatahod sa gawang (7-10)

    • Nagpakita sang katarungan (11-17)

    • Ginapamatian ang iya laygay (21-23)

29  Nagpadayon sa paghambal* si Job:   “Kon mabalik ko lang ang nagligad, Sang tion nga ginaamligan pa ako sang Dios,   Sang ginasugaan pa niya ang akon uluhan, Sang ginaiwagan pa niya ako samtang nagalakat ako sa kadulom,+   Sang* bataon pa ako, Sang abyan ko pa ang Dios kag yara pa sia sa akon tolda,+   Sang kaupod ko pa ang Labing Gamhanan, Sang ang akon kabataan* yara pa sa akon palibot,   Sang nagabaha pa ang mantikilya sa akon alagyan, Kag sang ang lana daw nagailig lang sa igang.+   Sang nagakadto ako sa gawang sang banwa+ Kag nagapungko sa pulungkuan sa plasa,+   Ang mga kabataan nagapahigad* kon makita nila ako, Kag bisan ang mga tigulang nagatindog.+   Ang mga prinsipe nagahipos; Kag ginatabunan nila sang ila kamot ang ila baba. 10  Indi mabatian ang tingog sang kilala nga mga tawo; Ang ila dila daw nagapilit sa ila alingagngag. 11  Ginadayaw ako sang mga nagapamati sa akon, Kag maayo ang ginahambal sang mga nakakita sa akon. 12  Kay ginaluwas ko ang mga imol nga nagapangayo sing bulig,+ Lakip ang ilo kag ang bisan sin-o nga wala sing nagabulig.+ 13  Ginapakamaayo nila ako,+ Kag ginapasadya ko ang mga balo.+ 14  Ginasuksok ko ang pagkamatarong subong sang panapton; Ang akon katarungan daw kaangay sa malaba nga bayo* kag turbante. 15  Nangin mata ako sa bulag Kag nangin tiil sa piang. 16  Nangin amay ako sa imol;+ Ginausisa ko bisan ang kaso sang tawo nga indi ko kilala.+ 17  Ginabuong ko ang sag-ang sang malauton+ Kag ginaagaw ko sa iya mga ngipon ang iya gintukob. 18  Nasiling ko sadto, ‘Mapatay ako sa akon puluy-an,*+ Kag ang akon mga adlaw mangin madamo kaangay sang balas. 19  Magapangalapkap ang akon gamot sa mga tubig, Kag magapabilin ang tun-og sa akon mga sanga sa bug-os nga gab-i. 20  Ang akon himaya padayon nga ginabag-o, Kag ang pana sa akon kamot padayon ko nga ipana.’ 21  Ang mga tawo nagahulat kag nagapamati sa akon, Nagahipos sila agod pamatian ang akon laygay.+ 22  Wala na sila sing madugang sa akon ginsiling; Ang akon pulong magatupa sing malulo* sa ila dulunggan. 23  Nagahulat sila sa akon kaangay sang ila paghulat sa ulan; Ginbaton nila ang akon mga pulong kaangay sang ulan sa tigpamulak.+ 24  Daw indi sila makapati kon magyuhum ako sa ila; Ang akon malipayon nga nawong nagapasalig sa ila.* 25  Subong ila pangulo gingiyahan ko sila, Kag kaangay ako sang hari nga nagadumala sa iya mga hangaway,+ Kaangay sang isa nga nagalugpay sa mga nagalalaw.+

Footnote

Sa literal, “paghulubaton.”
Sa literal, “Sang mga adlaw nga.”
Ukon “mga alagad.”
Sa literal, “nagapanago.”
Ukon “sa wala-pako nga bayo.”
Sa literal, “sa akon pugad.”
Sa literal, “magatulo.”
Ukon mahimo, “Wala nila ginpadulom ang kapawa sang akon nawong.”