Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Job 23:1-17

BALAYAN SANG KAUNDAN

  • Nagsabat si Job (1-17)

    • Kaso luyag ipresentar sa Dios (1-7)

    • Nagsiling nga Dios indi makita (8, 9)

    • “Nagpadayon ako sa iya dalanon” (11)

23  Nagsabat si Job:   “Bisan tubtob karon magapakatig-a ako sa akon reklamo;*+ Bangod sang akon pagpanghayhay, nagapalangluya ako.   Kon nahibaluan ko lang kuntani kon diin makita ang Dios!+ Makadto ako sa iya puluy-an.+   Pangapinan ko ang akon kaugalingon sa iya atubangan Kag mangatarungan ako sa iya;   Hibaluon ko ang iya sabat Kag hangpon ko ang iya isiling sa akon.   Gamiton bala niya ang iya daku nga gahom sa pagpakigsuay sa akon? Indi gid! Pat-od nga pamatian niya ako.+   Didto ang matarong makapakighusay sa iya, Kag ipahayag sang akon Hukom nga wala ako sing sala.   Nagkadto ako sa sidlangan, apang wala sia didto; Nagbalik ako, apang indi ko sia makita.   Sang nagapanghikot sia sa wala, indi ko sia makita; Dayon nagliso sia sa tuo, apang indi ko sia gihapon makita. 10  Apang nahibaluan niya ang dalan nga akon ginlaktan.+ Sa tapos niya ako matilawan, mangin puro ako nga bulawan.+ 11  Ginsunod ko sing maayo ang iya mga tikang; Nagpadayon ako sa iya dalanon, kag wala ako maglisa.+ 12  Ginatuman ko ang iya sugo. Ginapakabahandi ko ang iya ginahambal+ labaw pa sa ginapatuman* niya sa akon. 13  Kon luyag niya, sin-o ang makapamatok sa iya?+ Himuon niya* kon ano ang luyag niya.+ 14  Himuon gid niya ang iya katuyuan* para sa akon, Kag madamo pa sia sing katuyuan kaangay sini. 15  Amo kon ngaa nahangawa ako tungod sa iya; Kon ginahunahuna ko sia, nagadugang ang akon kahadlok. 16  Ginpaluya sang Dios ang akon tagipusuon, Kag ginpahadlok ako sang Labing Gamhanan. 17  Apang wala ako mapahipos bangod sang kadudulman Ukon bangod natabunan ako sang kadulom.

Footnote

Ukon “rebelyuso ang akon reklamo.”
Ukon “ginasugo.”
Ukon “sang iya kalag.”
Ukon “ginsugo.”