Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Jeremias 47:1-7

BALAYAN SANG KAUNDAN

  • Ang tagna batok sa mga Filistinhon (1-7)

47  Amo ini ang ginsiling ni Jehova kay Jeremias nga manalagna tuhoy sa mga Filistinhon+ antes ginsalakay sang Paraon ang Gaza.  Amo ini ang ginasiling ni Jehova: “May tubig nga nagapadulong halin sa aminhan. Masulog ini kag magabaha. Lapawan sini ang duta kag ang tanan nga yara sa sini, Ang siudad kag ang mga nagaistar sa sini. Magasinggit ang mga tawo, Kag magatiyabaw ang tanan nga nagaistar sa duta.   Bangod sa gahod sang nagalinagapak nga mga tiil sang iya mga kabayo, Sa hagunos sang iya mga kangga sa inaway Kag sa gahod sang mga ruweda, Bisan ang mga amay indi magbalikid sa pagbulig sa ila mga anak, Kay magapalangluya ang ila mga kamot.   Bangod magaabot ang adlaw nga laglagon ang tanan nga Filistinhon;+ Wala na ang nabilin nga kadampig sang Tiro+ kag Sidon.+ Kay laglagon ni Jehova ang mga Filistinhon, Nga nabilin halin sa isla sang Caftor.*+   Makalbo* ang Gaza tungod sa kasubo. Ang Askelon pahipuson.+ Kamo nga nabilin sa ila nalupyakan,* Tubtob san-o ang pagpilas ninyo sa inyo kaugalingon?+   O espada ni Jehova!+ Tubtob san-o ka nga wala nagapahimunong? Magbalik ka sa imo tagob. Magpahuway ka kag magpahimunong.   Paano ini makapahimunong Kay ginsugo ini ni Jehova? Gintigana niya ini didto Batok sa Askelon kag sa baybayon sang dagat.”+

Footnote

Ang Creta.
Kiskisan nila ang ila ulo sa paglalaw kag kahuya.
Ukon “manubo nga patag.”