Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 64:1-12

BALAYAN SANG KAUNDAN

  • Sugpon sang pangamuyo (1-12)

    • Si Jehova “ang amon Maninihon” (8)

64  Kon gingisi mo kuntani ang kalangitan kag nagpanaug ka, Agod magkurog ang kabukiran bangod sa imo,   Subong nga ginapasagrab sang kalayo ang mga sanga nga laya, Kag ginapabukal sini ang tubig, Ang imo ngalan makilala sang imo mga kaaway, Kag ang mga pungsod magakurog sa imo atubangan!   Sang naghimo ka sing makahalawhaw nga mga butang nga wala namon ginalauman,+ Nagpanaug ka, kag nagkurog ang kabukiran sa imo atubangan.+   Halin pa sadto wala sing isa nga nakabati ukon naglingig sang iya dulunggan, Kag wala sing mata nga nakakita sang isa ka Dios luwas sa imo, Nga nagapanghikot para sa mga nagalaum sa iya.+   Ginabuligan mo ang malipayon nga nagahimo sing matarong,+ Ang mga nagadumdom sa imo kag nagasunod sang imo mga dalanon. Tan-awa! Naakig ka bangod padayon kami nga nagpakasala,+ Ginhimo namon ini sa malawig nga tion. Dapat bala kami luwason?   Kami tanan nangin kaangay sang indi matinlo nga tawo, Kag ang tanan namon nga maayo nga binuhatan nangin kaangay sang panapton nga ginasuksok sa tion sang pamulanon.+ Magakalaya kami tanan kaangay sang dahon, Kag ang amon mga sala magapalid sa amon kaangay sang hangin.   Wala sing bisan isa nga nagapanawag sa imo ngalan, Wala sing bisan isa nga nagatinguha sa pagpangita kag sa pagkapot sa imo, Kay gintago mo ang imo nawong sa amon,+ Kag ginpabay-an mo kami nga magniwang* bangod sang* amon sala.   Apang karon, O Jehova, ikaw ang amon Amay.+ Kami ang daga, kag ikaw ang amon Maninihon;*+ Kami tanan binuhatan sang imo kamot.   Indi ka magkaakig sing tuman, O Jehova,+ Kag indi pagdumduma sing dayon ang amon sala. Palihug tan-awa kami, kay tanan kami imo katawhan. 10  Ang imo balaan nga mga siudad nangin kamingawan. Ang Sion nangin kamingawan, Ang Jerusalem nangin kahapayan.+ 11  Ang amon balaan kag mahimayaon* nga templo,* Diin gindayaw ka sang amon mga katigulangan nasunog,+ Kag ang tanan namon nga hamili nga mga butang Nangin kagulub-an. 12  Sa sini tanan, pabay-an mo lang bala kami kag indi pagbuligan, O Jehova? Magahipos ka lang bala kag pabay-an kami nga paantuson sing tuman?+

Footnote

Sa literal, “matunaw.”
Sa literal, “paagi sa kamot sang.”
Ukon “ang Isa nga naghimo sa amon.”
Ukon “matahom.”
Ukon “balay.”