Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 58:1-14

BALAYAN SANG KAUNDAN

  • Matuod kag indi nga pagpuasa (1-12)

  • Kalipay sa pagsunod sang Adlaw nga Inugpahuway (13, 14)

58  “Singgit ka sing mabaskog; indi pagpunggi ang imo tingog! Baskuga ang imo tingog kaangay sang budyong. Ipahayag sa akon katawhan ang ila paglapas,+ Sa panimalay ni Jacob ang ila mga sala.   Ginapangita nila ako adlaw-adlaw, Kag luyag nila mahibaluan ang akon dalanon, Daw pungsod sila nga nagahimo sang matarong Kag katarungan sang ila Dios.+ Nagapangayo sila sa akon sing matarong nga paghukom, Nahamuot sila sa pagpalapit sa Dios:+   ‘Ngaa indi mo makita ang amon pagpuasa?+ Kag ngaa wala mo ginasapak ang amon pagpaantos sang amon kaugalingon?’*+ Bangod sa adlaw nga nagapuasa kamo, ginahimo ninyo ang inyo lang luyag, Kag ginapigos ninyo ang inyo mga manugpangabudlay.+   Ang inyo pagpuasa nagadul-ong sa inaway kag pagbinaisay, Kag nagasinumbaganay kamo bangod sang inyo kalainan. Indi kamo makapuasa sing subong sina kag makapaabot nga pamatian ang inyo tingog sa langit.   Amo bala ini ang sahi sang puasa nga kahamut-an ko, Nga mangin subong ini sang adlaw nga ginapaantos sang isa ang iya kaugalingon,* Kag ginaduko ang iya ulo kaangay sang tabun-ak, Kag nagahigda sa sako kag abo? Amo bala ini ang ginatawag ninyo nga puasa kag adlaw nga kalahamut-an kay Jehova?   Indi, kundi ang sahi sang puasa nga ginakahamut-an ko amo ini: Ang paghubad sa gapos sang kalautan, Ang pagkuha sa higot sang gota,+ Ang paghilway sa ginapigos,+ Kag ang pagbali sa tagsa ka gota;   Ang pagpaambit sang inyo pagkaon sa ginagutom,+ Ang pagpapuyo sa inyo balay sang mga imol kag mga wala sing puluy-an, Ang paghatag sing panapton sa tawo nga hubo,+ Kag ang pagbulig sa inyo mga paryente.   Dayon magasilak ang inyo kapawa kaangay sa pamanagbanag,+ Kag magadasig ang inyo pag-ayo. Magauna sa inyo ang inyo pagkamatarong, Kag ang himaya ni Jehova magabantay sa inyo likod.+   Dayon magapanawag kamo, kag si Jehova magasabat; Magapangayo kamo sing bulig, kag magasiling sia, ‘Yari ako!’ Kon kuhaon ninyo ang gota sa tunga ninyo Kag untatan ang pagturisok sang inyo tudlo kag ang paghambal sing masakit,+ 10  Kon hatagan ninyo ang gutom sang mga butang nga ginahandum man ninyo*+ Kag pahalipayon ang mga nalisdan,* Ang inyo kapawa magasilak bisan sa kadudulman, Kag ang inyo kadulom mangin kaangay sang udtong-adlaw.+ 11  Si Jehova pirme magatuytoy sa inyo Kag magabusog sa inyo* bisan sa kigas nga duta;+ Pabaskugon niya ang inyo mga tul-an, Kag mangin kaangay kamo sang hardin nga nabunyagan sing maayo,+ Kaangay sang tuburan nga wala nagakahubsan. 12  Patindugon nila liwat ang siudad nga madugay na naguba tungod sa inyo,+ Kag ipasad ninyo liwat ang mga pundasyon sang nagligad nga kaliwatan.+ Tawgon kamo nga mga manugkay-o sang guba nga* mga pader,+ Kag sang mga dalan nga ang higad sini may mga pamalay. 13  Kon tungod sa Adlaw nga Inugpahuway untatan ninyo ang* paghimo sang inyo luyag+ Kag tamdon ninyo nga kalipay ang Adlaw nga Inugpahuway, isa ka balaan nga adlaw kay Jehova kag importante gid nga adlaw,+ Kag padunggan ini sa baylo sang paghimo sang inyo luyag kag paghambal sing wala sing pulos, 14  Dayon makita ninyo ang kalipay kay Jehova, Kag pagahumon ko kamo sa mataas nga mga duog sang duta.+ Pakan-on* ko kamo halin sa mga palanublion ni Jacob nga inyo katigulangan,+ Kay si Jehova mismo ang nagsiling sini.”

Footnote

Ukon “kalag?”
Ukon “kalag.”
Ukon “sang inyo kalag.”
Ukon “ang nalisdan nga mga kalag.”
Ukon “inyo kalag.”
Sa literal, “sang giha sang.”
Sa literal, “iisol ang inyo tiil sa.”
Ukon “Pahalipayon.”