Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 50:1-11

BALAYAN SANG KAUNDAN

  • Resulta sang mga sala sang Israel (1-3)

  • Matinumanon nga alagad (4-11)

    • Ang dila kag ang dulunggan sang mga natudluan (4)

50  Amo ini ang ginasiling ni Jehova: “Ginhatagan ko bala sing kasulatan sa diborsio+ ang inyo iloy sang ginpalakat ko sia? Ukon ginbaligya ko bala kamo sa isa sa mga gin-utangan ko? Tan-awa! Bangod sang inyo mga sala+ ginbaligya kamo, Kag bangod sang inyo mga paglapas ginpalakat ang inyo iloy.+   Ngaa sang mag-abot ako wala ako sing nakita? Sang magpanawag ako wala sing nagsabat?+ Malip-ot bala ang akon kamot nga indi ini makaluwas, Ukon wala bala ako sing gahom sa pagluwas?+ Tan-awa! Ginsabdong ko ang dagat, gani nagmala ini;+ Ginhimo ko ang mga suba nga desyerto.+ Ang mga isda sini nagbaho bangod wala sing tubig, Kag nagkalamatay bangod sa kauhaw.   Ginpanaptan ko ang mga langit sing kadulom,+ Kag gintabunan ko ini sing sako nga panapton.”   Ang Soberanong Ginuong Jehova naghatag sa akon sing dila nga natudluan,*+ Agod masabat* ko sing husto nga mga pulong* ang mga ginalapyo.+ Kada aga ginapukaw niya ako; Ginapukaw niya ang akon dulunggan sa pagpamati kaangay sang isa nga natudluan.+   Ang Soberanong Ginuong Jehova naghatag sa akon sing paghangop, Kag wala ko sia ginsupak.+ Wala ko ginhimo ang akon kabubut-on.+   Gintaya ko ang akon likod sa mga nagabunal sa akon Kag ang akon guya sa mga nagapanggan-it sang bungot. Wala ko ginlikaw ang akon nawong sa pagpakahuya kag sa dupla.+   Apang ang Soberanong Ginuong Jehova magabulig sa akon.+ Amo nga indi ako magbatyag sing kahuya. Amo nga ginpatig-a ko ang akon nawong kaangay sang bato bantiling,+ Kag nakahibalo ako nga indi ako mahuy-an.   Malapit na ang nagapahayag sa akon nga matarong. Sin-o ang makasumbong* sa akon?+ Mag-atubangay kita. Sin-o ang may inugsumbong batok sa akon? Magpalapit sia sa akon.   Ang Soberanong Ginuong Jehova magabulig sa akon. Sin-o ang makasiling nga may sala ako? Tan-awa! Magadaan sila kaangay sang panapton. Ut-uton sila sang sapatsapat. 10  Sin-o sa inyo ang may kahadlok kay Jehova Kag nagapamati sa tingog sang iya alagad?+ Sin-o ang nagalakat sa tuman nga kadulom? Magsalig sia sa ngalan ni Jehova kag mangayo sing bulig* sa iya Dios. 11  “Tan-awa! Kamo nga nagadabok sing kalayo, Nga nagapasiga sini, Maglakat kamo sa kasanag sang inyo kalayo, Sa tunga sang inyo ginpadabdab nga kalayo. Magabaton kamo sining silot halin sa akon: Magahigda kamo sa tuman nga kasakit.

Footnote

Ukon “dila nga nahanas sing maayo.”
Ukon mahimo, “mapabakod.”
Sa literal, “ko paagi sa isa ka pulong.”
Ukon “makig-away.”
Ukon “kag magsandig.”