Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 48:1-22

BALAYAN SANG KAUNDAN

  • Ang Israel ginsabdong kag ginputli (1-11)

  • Si Jehova batok sa Babilonia (12-16a)

  • Mapuslanon panudlo sang Dios (16b-19)

  • “Maggua kamo sa Babilonia!” (20-22)

48  Pamatii ini, O panimalay ni Jacob, Kamo nga nagatawag sang inyo kaugalingon sa ngalan sang Israel+ Kag naghalin sa tuburan sang* Juda, Kamo nga nagapanumpa sa ngalan ni Jehova+ Kag nagapanawag sa Dios sang Israel, Apang indi sa kamatuoran kag pagkamatarong.+   Kay ginatawag nila ang ila kaugalingon sa ngalan sang balaan nga siudad,+ Kag nagapaabot sang pagsakdag sang Dios sang Israel,+ Nga ang ngalan amo si Jehova sang mga kasuldadusan.   “Madugay ko na ginsugid sa inyo ang mga butang nga nahanabo sadto.* Ini naghalin sa akon bibig, Kag padayon ko ini nga ginpabati.+ Nanghikot ako gilayon, kag nahanabo ini.+   Bangod nahibaluan ko kon daw ano kamo ka batinggilan, Nga ang inyo liog kaangay sang salsalon kag ang inyo agtang kaangay sang saway,+   Madugay ko na nga ginsugid ini sa inyo. Antes ini mahanabo, ginpabati ko na ini sa inyo, Agod indi kamo magsiling, ‘Ang akon diosdios ang naghimo sini; Ang akon tinigib nga imahen kag metal nga imahen* ang nagsiling sini.’   Nabatian ninyo kag nakita ini tanan. Indi bala ninyo pag-isugid ini?+ Sugod karon ipabati ko sa inyo ang mga butang nga mahanabo sa palaabuton,+ Ang sekreto nga wala pa ninyo mahibaluan.   Karon ko pa lang ini himuon, wala ko pa ini mahimo sang una, Wala pa ninyo ini mabatian tubtob karon, Agod indi kamo makasiling, ‘Nahibaluan ko na ina.’   Indi ninyo luyag magpamati+ ukon maghangop, Kag indi ninyo luyag buksan ang inyo mga dulunggan sugod sina nga tion. Kay nahibaluan ko gid nga maluib kamo,+ Kag gintawag nga mga makasasala sugod sang ginbun-ag kamo.+   Apang tungod sa akon ngalan punggan ko ang akon kaakig;+ Tungod sa akon kadayawan punggan ko ang akon kaugalingon, Kag indi kamo paglaglagon.+ 10  Tan-awa! Ginpaputli ko kamo, apang indi kaangay sang pilak.+ Gintilawan* ko kamo sa hurno sang kabudlayan.+ 11  Tungod gid sa akon ngalan manghikot ako,+ Kay tugutan ko bala nga pasipalahan ang akon ngalan?+ Indi ko gid pag-ihatag ang akon himaya sa iban.* 12  Pamati sa akon, O Jacob, kag Israel, nga akon gintawag. Ako amo man gihapon.+ Ako ang nahauna kag ako man ang katapusan.+ 13  Ang akon kamot ang nagpasad sang sadsaran sang duta,+ Kag ang akon tuo nga kamot ang naghumlad sang kalangitan.+ Kon tawgon ko sila, nagatindog sila sing tingob. 14  Magtipon kamo tanan kag magpamati. Sin-o sa ila ang nagsugid sining mga butang? Ginhigugma sia ni Jehova.+ Himuon niya ang iya luyag sa Babilonia,+ Kag ang iya butkon magaabot batok sa mga Caldeanhon.+ 15  Ako mismo ang nagsiling sini, kag ako ang nagtawag sa iya.+ Ako ang nagpadala sa iya, kag magamadinalag-on sia.+ 16  Palapit kamo sa akon kag pamatii ini. Ginhambal ko ini sing dayag sugod sa ginsuguran.+ Yara ako sugod sang mahanabo ini.” Ginpadala ako sang Soberanong Ginuong Jehova, kag ginpadala man niya* ang iya espiritu. 17  Amo ini ang ginasiling ni Jehova, nga imo Manunubos, ang Balaan sang Israel:+ “Ako si Jehova nga imo Dios, Ang nagatudlo sa imo para sa imo kaayuhan,+ Ang nagatuytoy sa imo sa dalanon nga dapat mo laktan.+ 18  Luyag ko nga magpamati ka sa akon mga sugo!+ Kon himuon mo ini, ang imo paghidait mangin kaangay sang suba+ Kag ang imo pagkamatarong mangin kaangay sang mga balod sang dagat.+ 19  Ang imo kaliwat* kag mga kaanakan Mangin madamo kaangay sang balas.+ Ang ila ngalan indi pag-utdon ukon pagdulaon sa akon atubangan.” 20  Maggua kamo sa Babilonia!+ Magpalagyo kamo halin sa duta sang mga Caldeanhon! Magsinggit kamo kag isugid ninyo ini sing malipayon! Ipahayag ninyo ini!+ Ipalab-ot ninyo ini sa pinakamalayo nga bahin sang duta.+ Isiling ninyo: “Ginbakal liwat ni Jehova ang iya alagad nga si Jacob.+ 21  Wala sila gin-uhaw sang ginpalakat niya sila sa desyerto.+ Ginpatubod niya halin sa igang ang tubig para sa ila; Ginbuka niya ang igang agod mag-ilig ang tubig.”+ 22  Si Jehova nagasiling, “Wala sing paghidait para sa mga malauton.”+

Footnote

Ukon mahimo, “nag-ilig halin sa.”
Sa literal, “nga nahauna.”
Ukon “hinurma nga estatwa.”
Ukon “Gin-usisa.” Ukon mahimo, “Ginpili.”
Ukon “Indi ko pag-ipaambit ang akon himaya sa kay bisan sin-o.”
Ukon “kag upod.”
Sa literal, “binhi.”