Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 4:1-6

BALAYAN SANG KAUNDAN

  • Pito ka babayi sa isa ka lalaki (1)

  • Ang ginpasalingsing ni Jehova mangin mahimayaon (2-6)

4  Kag sa sina nga adlaw, pito ka babayi ang magabuyot sa isa ka lalaki+ kag magasiling: “Kami na lang ang bahala sang amon kalan-on Kag sang amon panapton; Basta tuguti kami nga tawgon sa imo ngalan Agod madula ang amon kahuy-anan.”*+  Sa sina nga adlaw ang tanom nga ginpasalingsing ni Jehova mangin matahom kag mangin mahimayaon, kag ang patubas sang duta mangin bugal kag katahom sang mga nakaluwas nga Israelinhon.+  Ang nabilin sa Sion kag sa Jerusalem pagatawgon nga balaan, ang tanan nga nalista nga magaistar sa Jerusalem.+  Kon mahugasan na ni Jehova ang higko* sang mga anak nga babayi sang Sion+ kag mabunlawan ang pagpaagay sing dugo sang Jerusalem paagi sa espiritu sang paghukom kag espiritu sang pagsunog,*+  magabutang man si Jehova sing panganod kag aso kon adlaw kag sang nagadabdab nga kalayo kon gab-i+ sa ibabaw sang bug-os nga Bukid Sion kag sa ibabaw sang iya duog tilipunan; kay may pasilungan sa ibabaw sang tanan nga mahimayaon nga duog.  Kag may payagpayag nga magahatag sing handong kon mainit,+ kag mapasilungan kon may bagyo kag ulan.+

Footnote

Ang kahuy-anan bangod wala sing bana kag anak.
Sa literal, “tai.”
Ukon “pagpapas.”