Magdiretso sa kaundan

Magdiretso sa secondary menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 35:1-10

BALAYAN SANG KAUNDAN

  • Ipasag-uli ang Paraiso (1-7)

    • Bulag makakita; bungol makabati (5)

  • Pagkabalaan sa mga gintubos (8-10)

35  Ang kamingawan kag ang kigas nga duta magahugyaw,+Kag ang desyerto nga kapatagan magakalipay kag mapuno sing mga bulak.+   Magapamulak ini;+Magakalipay ini kag magahugyaw sa kasadya. Mangin matahom ini kaangay sang Lebanon,+Mangin halangdon ini kaangay sang Carmel+ kag Saron.+ Makita nila ang himaya ni Jehova, ang pagkahalangdon sang aton Dios.   Pabaskuga ang mga kamot nga maluya,Kag palig-una ang mga tuhod nga nagakurog.+   Isiling sa mga mabinalak-on: “Magpakabakod kamo. Indi kamo mahadlok. Ang inyo Dios magakari sa pagtimalos,Magakari sia agod balusan ang inyo mga kaaway.+ Magakari sia kag luwason kamo.”+   Sa sina nga tion ang mga mata sang mga bulag makakita,+Kag ang mga dulunggan sang mga bungol makabati.+   Sa sina nga tion ang mga piang magalukso kaangay sang usa,+Kag ang mga apa magahugyaw sa kalipay.+ Kay magasagawak ang tubig sa kamingawan,Kag magailig ang mga sapa sa desyerto nga kapatagan.   Ang kigas nga duta mangin punong sang mga tabun-ak,Kag ang mamala nga duta mangin mga tuburan sang tubig.+ Sa puluy-an kag palahuwayan sang mga ido nga talunon,*+Magatubo ang mga hilamon kag mga tabun-ak kag mga papiro.   Kag may malapad nga dalan didto,+Huo, isa ka dalan nga ginatawag Dalan sang Pagkabalaan. Ang indi matinlo indi makaagi sa sini.+ Para lang ini sa nagasunod sa dalan;Wala sing buangbuang nga makaagi sa sini.   Wala sing leon didto,Kag wala sing mabangis nga sapat nga makakadto didto. Indi sila makita didto;+Ang mga gintubos lamang ang magalakat didto.+ 10  Ang mga gintubos ni Jehova magabalik+ kag magakadto sa Sion nga nagahugyaw sa kalipay.+ Magakasadya sila sa wala sing katubtuban.+ Mapuno sila sing kasadya kag kalipay,Kag ang kalisod kag kasubo madula na.+

Footnote

Sa Ingles, jackal.