Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 27:1-13

BALAYAN SANG KAUNDAN

  • Leviatan ginpatay ni Jehova (1)

  • Israel subong ulubasan (2-13)

27  Sa sina nga adlaw gamiton ni Jehova ang iya matalom kag makahaladlok nga espada,+ Agod lab-on ang Leviatan,* ang nagasaug nga man-ug, Ang Leviatan, ang nagabalulon nga man-ug, Kag patyon niya ang daku nga sapat nga nagaistar sa dagat.   Sa sina nga adlaw, mag-amba kamo sa iya:* “Isa ka ulubasan sang nagabukal nga alak!+   Ako, si Jehova, ang magaamlig sa iya.+ Bunyagan ko sia sa tanan nga tion.+ Amligan ko sia sa adlaw kag gab-i, Agod wala sing maghalit sa iya.+   Indi na ako akig sa iya.+ Kon may magbutang sing tunukon nga mga tanom kag hilamon sa akon atubangan, Tapakon ko kag sunugon ini, kag magapakig-away ako sa iya.   Kon wala, magdangop sia sa akon pamakod. Magpakighidait sia sa akon; Magpakighidait sia sa akon.”   Sa palaabuton nga mga adlaw, manggamot si Jacob, Mamulak kag manalingsing si Israel,+ Kag pun-on nila sang ila bunga ang bug-os nga duta.+   Dapat bala sia bunalon sang magabunal sa iya? Ukon dapat bala sia patyon sang magapatay sa iya?   Magapakig-away sia sa iya paagi sa nagapamahog nga singgit kon tabugon niya sia. Tabugon niya sia paagi sa iya mamadlos nga huyop sang hangin. Mamadlos ini nga huyop kaangay sang hangin halin sa sidlangan.+   Gani paagi sini tumbasan ang sala ni Jacob,+ Kag matuman gid ini kon kuhaon ang iya sala: Pudpuron niya ang mga bato sang iya halaran Kaangay sang mahumok nga bato nga gindugmok, Kag wala sing mabilin nga sagrado nga mga poste* ukon mga bulutangan sang incienso.+ 10  Kay bayaan ang napamakuran nga siudad; Bayaan ang mga halalban kag mangin kaangay ini sang kamingawan.+ Magahalab kag magaluko didto ang tinday nga baka Kag halbon ang iya mga sanga.+ 11  Kon malaya ang iya mga singil, Kutlon ini sang mga babayi Kag sunugon. Kay ini nga katawhan wala sing paghangop.+ Amo kon ngaa indi sila pagkaluy-an sang ila Manunuga, Kag indi sila pagkahamut-an sang Isa nga naghimo sa ila.+ 12  Sa sina nga adlaw, O katawhan sang Israel, kamo nga naglinapta tipunon ni Jehova halin sa daku nga Suba* tubtob sa Nalupyakan* sang Egipto,+ kaangay sang pagkuha kag pagtipon sang mga bunga sang kahoy.+ 13  Sa sina nga adlaw patunugon ang daku nga budyong,+ kag ang mga nagakalaglag sa duta sang Asiria+ kag ang mga naglinapta sa duta sang Egipto+ magakadto kag magayaub kay Jehova sa balaan nga bukid sang Jerusalem.+

Footnote

Tan-awa ang Glossary.
Mahimo nga nagapatuhoy sa Israel, ginpersonipikar diri subong babayi kag ginpaanggid sa ulubasan.
Tan-awa ang Glossary.
Eufrates.
Tan-awa ang Glossary.