Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 25:1-12

BALAYAN SANG KAUNDAN

  • Pagpakamaayo sa iya katawhan (1-12)

    • Sinalusalo ni Jehova sang alak (6)

    • Wala na sing kamatayon (8)

25  O Jehova, ikaw ang akon Dios. Ginahimaya ko ikaw, ginadayaw ko ang imo ngalan, Kay naghimo ka sing makatilingala nga mga butang,+ Nga gintuyo* mo halin sang una pa nga panahon+ Sa katutom+ kag sa pagkamasaligan.   Kay ginhimo mo ang siudad nga isa ka tumpok sang mga bato, Ang napamakuran nga siudad nga isa ka kagulub-an. Gindula mo ang torre sang mga dumuluong, Ang siudad indi na gid pagtukuron liwat.   Amo nga himayaon ka sang makusog nga mga tawo; Kahadlukan ka sang siudad sang mapiguson nga mga pungsod.+   Kay ikaw nangin pamakod sang kubos, Pamakod sang imol sa iya kalisdanan,+ Dalangpan sa tion sang bagyo, Kag palasilungan sa init.+ Kon ang kapintas sang mga mapiguson daw bagyo nga nagabunal sa pader,   Kag daw init sa kigas nga duta, Ginapahipos mo ang gahod sang mga dumuluong. Kaangay sang init nga ginatakpan sang handong sang panganod, Pahipuson mo man ang ambahanon sang mga mapiguson.   Sa sini nga bukid+ si Jehova sang mga kasuldadusan magahanda para sa tanan nga katawhan, Isa ka sinalusalo sang bugana nga pagkaon,+ Isa ka sinalusalo sang maayo nga alak,* Sang bugana nga pagkaon nga puno sing utok sa tul-an, Sang maayo, kag ginsala nga alak.   Sa sini nga bukid kuhaon* niya ang takurong nga nagatabon sa tanan nga katawhan Kag ang tela nga nagaputos* sa tanan nga pungsod.   Dulaon* niya sing dayon ang kamatayon,+ Kag pahiran sang Soberanong Ginuong Jehova ang luha sa tanan nga nawong.+ Kuhaon niya ang kahuy-anan sang iya katawhan sa bug-os nga duta, Kay si Jehova mismo ang nagsiling sini.   Sa sina nga adlaw magasiling sila: “Tan-awa! Ini ang aton Dios!+ Nagsalig kita sa iya,+ Kag luwason niya kita.+ Sia si Jehova! Nagsalig kita sa iya. Magkalipay kita kag magkasadya bangod sa pagluwas niya.”+ 10  Kay ang kamot ni Jehova magapabilin sa sini nga bukid,+ Kag ang Moab tapakon sa iya duog+ Subong sang pagtapak sa dagami sa tinumpok nga ipot. 11  Untayon niya ang iya kamot kag iguon ang Moab Kaangay sang pag-igo sang kamot sang manuglangoy sa tubig, Kag paubson niya ang pagkamatinaastaason sini+ Paagi sa pag-igo sang iya kamot sa sini. 12  Kag ang napamakuran nga siudad, lakip ang imo mataas nga mga pader sang kalig-unan, Gub-on niya; Rumpagon niya ini sa duta, sa yab-ok mismo.

Footnote

Ukon “Mga laygay.”
Ukon “sang alak sa lalod.”
Sa literal, “lamunon.”
Ukon “ang pandong.”
Sa literal, “Lamunon.”