Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 20:1-6

BALAYAN SANG KAUNDAN

  • Tanda batok sa Egipto kag Etiopia (1-6)

20  Sang tuig nga nagkadto ang Tartan* sa Asdod,+ sang ginpadala sia ni Hari Sargon sang Asiria, nagpakig-away sia sa Asdod kag ginbihag ini.+  Sa sina nga tion naghambal si Jehova paagi kay Isaias+ nga anak ni Amoz, nga nagasiling: “Maglakat ka, kag ubaha ang imo ginasuksok nga sako kag ang imo sandalyas.” Gani ginhimo niya ini; naglakat sia nga hublas* kag nagatiniil lang.  Dayon nagsiling si Jehova: “Ang paglakat nga hublas kag pagtiniil sang akon alagad nga si Isaias sa sulod sang tatlo ka tuig mangin tanda+ kag paandam sa mahanabo sa Egipto+ kag Etiopia,+  kay dalhon nga bihag sang hari sang Asiria ang mga Egiptohanon+ kag ang mga Etiopianhon. Ang ila mga kabataan nga lalaki kag mga tigulang nga lalaki magalakat nga hublas kag magatiniil lang. Ubahan niya sila, amo nga makita ang ila buli. Mangin kahublasan* ini sang Egipto.  Mahadlok kag mahuy-an ang mga nagasalig sa Etiopia nga ila paglaum kag sa Egipto nga ila bugal.*  Sa sina nga adlaw ang mga pumuluyo sining baybayon magasiling, ‘Tan-awa ang natabo sa aton ginsaligan kag ginpangayuan sing bulig agod luwason kita sa hari sang Asiria! Paano pa kita makapalagyo?’”

Footnote

Ukon “ang kumander.”
Ukon “nga halos wala sing panapton.”
Ukon “kahuy-anan.”
Ukon “nga ang katahom ginadayaw nila.”