Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 18:1-7

BALAYAN SANG KAUNDAN

  • Mensahe batok sa Etiopia (1-7)

18  Makaluluoy ang duta sang nagabagrong nga mga insekto nga may mga pakpak, Sa rehiyon sang mga suba sang Etiopia!+   Nagapadala ini sang mga tiglawas paagi sa dagat, Sa mga sakayan nga papiro, nga nagasiling: “Maglakat kamo madasig nga mga mensahero, Pakadto sa pungsod nga may matag-as kag mahining sing pamanit nga katawhan, Sa katawhan nga ginakahadlukan bisan diin,+ Sa mabakod kag nagapanglutos* nga pungsod, Nga ang duta gin-ab-ab sang mga suba.”   Kamo tanan nga pumuluyo sang duta, Makakita sang kaangay sang palatandaan* nga ginbayaw sa kabukiran, Kag makabati sang tunog kaangay sa ginapatunog nga budyong.   Kay amo ini ang ginsiling ni Jehova sa akon: “Magapahimunong lang ako kag magatulok sa* akon malig-on nga duog, Kaangay sang makasililaw nga kainit kon adlaw, Kaangay sang nagatupa nga tun-og sa mainit nga panahon sang tig-alani.   Kay antes sang tig-alani, Kon matapos na ang pagpamulak kag luto na ang mga ubas, Utdon ang mga singil sini paagi sa garab Kag kutlon ang mga ugbos sini.   Pabay-an sila tanan sa mga pispis nga nagapangdagit sa kabukiran Kag sa mga sapat sang duta. Kaunon sila sang mga pispis sa tion sang tig-ilinit, Kag sang mga sapat sa tion sang tig-alani.   Sa sina nga tion dalhon kay Jehova sang mga kasuldadusan ang isa ka dulot, Halin sa matag-as kag mahining sing pamanit nga katawhan, Halin sa katawhan nga ginakahadlukan bisan diin, Halin sa mabakod kag nagapanglutos* nga pungsod, Nga ang duta gin-ab-ab sang mga suba, Sa duog diin nahamtang ang ngalan ni Jehova sang mga kasuldadusan, ang Bukid Sion.”+

Footnote

Ukon “malig-on sing kusog kag nagapangtasak.”
Ukon “hayahay.”
Ukon mahimo, “halin sa.”
Ukon “malig-on sing kusog kag nagapangtasak.”