Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Isaias 17:1-14

BALAYAN SANG KAUNDAN

  • Mensahe batok sa Damasco (1-11)

  • Sabdungon ni Jehova ang mga pungsod (12-14)

17  Isa ka mensahe batok sa Damasco:+ “Tan-awa! Ang Damasco indi na isa ka siudad, Kundi mangin isa sia ka tinumpok sang kagulub-an.+   Ang siudad sang Aroer+ bayaan; Mangin duog ini nga pagalukuhan sang mga panong Kag wala sila sing kahadlukan didto.   Wala na sing napamakuran nga siudad sa Efraim,+ Kag sing ginharian sa Damasco;+ Kag madula ang kadungganan sang mga nabilin sang Siria Kaangay sang kadungganan sang mga Israelinhon,”* siling ni Jehova sang mga kasuldadusan.   “Sa sina nga adlaw ang kadungganan ni Jacob madula, Kag maganiwang ang iya mapagros nga lawas.*   Mangin kaangay ini sa tion nga ang mangangani nagatipon sing mga uhay Kag anihon sang iya butkon ang mga uhay, Kaangay kon ang isa nagapanaghaw sang uhay sa Nalupyakan* sang Refaim.+   Salaghawon na lang ang mabilin, Kaangay sang naparaspas nga kahoy sang olibo: Duha ukon tatlo ka luto nga olibo ang nabilin sa pinakamataas nga sanga, Apat ukon lima sa iban pa nga sanga,”+ siling ni Jehova nga Dios sang Israel.  Sa sina nga adlaw ang tawo magasalig sa iya Manunuga, kag magadangop sia sa Balaan sang Israel.  Indi sia magsalig sa mga halaran,+ sa ginhimo sang iya mga kamot;+ kag indi sia magdangop sa ginhimo sang iya mga tudlo, sa sagrado nga mga poste,* ukon sa mga bulutangan sang incienso.   Sa sina nga adlaw ang iya napamakuran nga mga siudad mangin kaangay sang duog nga ginbayaan sa kagulangan,+ Kaangay sang sanga nga ginbayaan tungod sa mga Israelinhon; Mangin kagulub-an ini. 10  Kay ginkalimtan mo ang Dios+ sang imo kaluwasan; Wala mo gindumdom ang Igang+ sang imo pamakod. Amo nga nagtanom ka sang matahom* nga mga tanom sa imo mga talamnan Kag nagbutang ka sang mga tugdo sang estranghero* sa sini. 11  Sa adlaw kudalan mo ang imo talamnan, Sa aga magatubo ang imo binhi, Apang wala ka sing maani sa adlaw sang imo pagbalatian kag indi mabulong nga kasakit.+ 12  Pamatii! Nagakinagula ang madamo nga katawhan, Nga magahod kaangay sang mga dagat! Nagaginual ang mga pungsod, Kaangay sang nagaalimbukad nga katubigan! 13  Ang mga pungsod magaginahod kaangay sang huganas sang katubigan. Sabdungon Niya sila, kag magapalagyo sila sa malayo, Ginalagas sila kaangay sang upa sa kabukiran nga ginapalid sang hangin, Kaangay sang hilamon nga ginabalulon sang mabaskog nga hangin. 14  Sa kagab-ihon, may kakugmat. Antes mag-aga, wala na sila. Amo ini ang matabo sa mga nagapang-agaw sang amon mga pagkabutang Kag ang madangatan sang mga nagapang-ati sa amon.

Footnote

Sa literal, “mga anak ni Israel.”
Sa literal, “ang tambok sang iya unod.”
Ukon “Manubo nga Patag.”
Tan-awa ang Glossary
Ukon “maayo.”
Ukon “sang dumuluong nga dios.”