Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Hulubaton 21:1-31

BALAYAN SANG KAUNDAN

  • Si Jehova nagagiya sa tagipusuon (1)

  • Katarungan mas maayo sa halad (3)

  • Kapisan nagadala sang kadalag-an (5)

  • Ang wala nagasapak sa kubos indi man pagsapakon (13)

  • Wala kaalam kon batok kay Jehova (30)

21  Ang tagipusuon sang hari kaangay sang nagailig nga tubig sa kamot ni Jehova.+ Ginapailig Niya ini sa bisan diin nga luyag Niya.+   Para sa tawo husto ang tanan niya nga dalanon,+ Apang ginausisa ni Jehova ang iya tagipusuon.*+   Ang paghimo sing husto kag matarong Mas ginakahamut-an ni Jehova sangsa halad.+   Ang matinaastaason nga mga mata kag bugalon nga tagipusuon, Ini ang suga nga nagagiya sa mga malauton kag ini sila sala.+   Ang mga plano sang mapisan pat-od nga magamadinalag-on,*+ Apang ang tanan nga nagapadasudaso pat-od nga magaimol.+   Ang pagkuha sing manggad paagi sa pagpangdaya Kaangay sang nagakadula nga alipuop, isa ka makamamatay nga siod.*+   Ang kapintas sang malauton magalaglag sa ila,+ Kay indi nila luyag maghimo sing katarungan.   Tiko ang dalanon sang tawo nga may sala, Apang matadlong ang dalanon sang tawo nga wala sing sala.+   Mas maayo pa nga mag-istar sa pamusod sang atop Sangsa mag-istar sa isa ka balay upod ang palaaway* nga asawa.+ 10  Ang malaut* nagahandum sing malain;+ Wala sia sing kaluoy sa iya isigkatawo.+ 11  Kon silutan ang nagapangyaguta, mas magaalam ang mga tawo nga kulang sing kinaalam, Kag kon ginapahangop ang maalamon nga tawo, makakuha sia sang ihibalo.*+ 12  Ang matarong nga Dios nagapanilag sa balay sang malauton; Ginalaglag niya ang malauton.+ 13  Ang tawo nga wala nagasapak sa kubos nga nagapangayo sing bulig, Indi man pagsapakon kon mangayo sia sing bulig.+ 14  Ang sekreto nga regalo nagapaugdaw sang kaakig,+ Kag ang likom nga hamham,* sang tuman nga kasingkal. 15  Nalipay ang matarong sa paghimo sing katarungan,+ Apang makahaladlok ini sa mga nagahimo sing kalautan. 16  Ang tawo nga nagalisa sa dalanon sang paghangop Magapahuway kaupod sang mga wala sing mahimo sa kamatayon.+ 17  Ang isa nga maluyagon sa kalingawan* magaimol;+ Ang isa nga maluyagon sa alak kag lana indi magmanggaranon. 18  Ang malauton amo ang gawad para sa matarong, Kag ang maluib kuhaon kabaylo sang matarong.+ 19  Mas maayo pa nga mag-istar sa kamingawan Sangsa makig-upod sa palaaway* kag maakigon nga asawa.+ 20  May manggad kag lana sa balay sang maalamon nga tawo,+ Apang uyangan* sang buangbuang ang yara sa iya.+ 21  Ang bisan sin-o nga nagatinguha sang pagkamatarong kag mainunungon nga gugma Makatigayon sing kabuhi, pagkamatarong, kag kadungganan.+ 22  Ang maalamon nga tawo makataklas* sa siudad sang makusog nga mga tawo Kag makaguba sang kusog nga ginasaligan sini.+ 23  Ang tawo nga nagabantay sang iya baba kag dila Nagalikaw sang iya kaugalingon* sa gamo.+ 24  Hambog kag tikalon ang tawag Sa tawo nga huroshuros kag makahas.+ 25  Ang handum sang matamad amo ang makapatay sa iya, Kay natamaran sia mag-obra.+ 26  Pirme sia nagahandum nga may kakagod, Apang ang matarong nagahatag kag wala gid nagadingot.+ 27  Ginakangil-aran ang halad sang malauton.+ Labi na gid kon ginahimo niya ini nga may malaut nga katuyuan!* 28  Ang butigon nga saksi malaglag,+ Apang ang tawo nga nagapamati makapamatuod sing madinalag-on.* 29  Ang malauton nga tawo nagapadamol lang sang iya guya,+ Apang ang matarong amo ang may pat-od nga dalanon.*+ 30  Wala sing kaalam, ukon paghangop, ukon laygay kon batok ini kay Jehova.+ 31  Ang kabayo ginahanda para sa adlaw sang inaway,+ Apang si Jehova ang nagahatag sing kaluwasan.+

Footnote

Ukon “mga motibo.”
Ukon “bentaha.”
Ukon mahimo, “para sa mga nagapangita sang kamatayon.”
Ukon “palabais.”
Ukon “Ang kalag sang malaut.”
Ukon “makahibalo sia sang iya himuon.”
Sa literal, “hamham halin sa dughan.”
Ukon “nga nagahigugma sa kinasadya.”
Ukon “palabais.”
Sa literal, “tunlon.”
Ukon “makadaug.”
Ukon “kalag.”
Ukon “lakip ang makahuluya nga paggawi!”
Sa literal, “nagahambal sing dayon.”
Ukon “amo ang nagahimo sang iya dalanon nga pat-od.”