Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Hukom 5:1-31

BALAYAN SANG KAUNDAN

  • Ambahanon sang kadalag-an ni Debora kag ni Barak (1-31)

    • Mga bituon nagpakig-away kay Sisera (20)

    • Suba sang Kison nagbaha (21)

    • Ang nagahigugma kay Jehova pareho sang adlaw (31)

5  Sadto nga adlaw si Debora+ kag si Barak+ nga anak ni Abinoam nag-amba sini:   “Bangod sang pagbunghay sang buhok* sa Israel sa paghanda sa inaway, Bangod ang katawhan kinabubut-on nga nagpakig-away,+ Dayawa ninyo si Jehova!   Magpamati kamo nga mga hari! Magpamati kamo nga mga manugdumala! Magaamba ako kay Jehova. Magaamba ako sing pagdayaw* kay Jehova+ nga Dios sang Israel.+   O Jehova, sang maghalin ka sa Seir,+ Sang maggua ka sa teritoryo sang Edom, Nagtay-ug ang duta, kag nagpaulan ang langit, Nagbundak sing ulan ang gal-um.   Natunaw* ang kabukiran sa atubangan ni Jehova,+ Bisan ang Sinai sa atubangan ni Jehova,+ ang Dios sang Israel.+   Sang mga adlaw ni Samgar+ nga anak ni Anat, Sang mga adlaw ni Jael,+ wala na sing nagaagi sa mayor nga mga dalan; Ang mga nagalakbay nagaagi sa gamay nga mga dalan.   Wala na ang mga nagaistar sa kaumhan sang Israel; Wala na sila tubtob ako, si Debora,+ nag-abot, Tubtob nag-abot ako bilang iloy sa Israel.+   Nagpili sila sing bag-o nga mga dios;+ Dayon may inaway sa mga gawang sang siudad.+ Wala sing makita nga taming ukon bangkaw, Sa 40,000 ka soldado sang Israel.   Ang akon tagipusuon dampig sa mga kumander sang Israel,+ Nga kinabubut-on nga nag-upod sa katawhan.+ Dayawa ninyo si Jehova! 10  Kamo nga nagasakay sa kaki nga mga asno, Kamo nga nagapungko sa maayo nga klase sang mga alpombra, Kag kamo nga nagalakat sa dalan, Hunahunaa ninyo ini! 11  Mabatian ang tingog sang mga nagasag-ub sa mga kuluhaan sing tubig; Ginhambalan nila didto ang matarong nga mga binuhatan ni Jehova, Ang matarong nga mga binuhatan sang iya mga pumuluyo sa kaumhan sang Israel. Dayon nagdulhog ang katawhan ni Jehova pakadto sa mga gawang sang siudad. 12  Magmata ka, magmata ka, O Debora!+ Magmata ka, magmata ka, kag mag-amba!+ Magbangon ka Barak!+ Dalha ang imo mga bihag, ikaw nga anak ni Abinoam! 13  Dayon ang mga nabilin nga buhi nagkadto sa mga halangdon; Ang katawhan ni Jehova nagkadto sa akon sa pagpakig-away sa mga gamhanan. 14  Ang mga taga-Efraim nagkadto sa nalupyakan;* Nagasunod sila sa imo, O Benjamin, sa tunga sang imo katawhan. Halin sa Maquir+ nagdulhog ang mga kumander, Kag ang halin sa mga kaliwat ni Zebulon nga mga nagapanglista sang puede magsoldado.* 15  Nag-upod kay Debora ang mga prinsipe sa Isacar, Kag pareho kay Isacar, nag-upod man si Barak.+ Nagkadto sia sa nalupyakan.*+ Pero sa tribo ni Ruben madamo ang indi makadesisyon. 16  Ngaa nagapungko ka lang sa tunga sang duha ka kalargahan nga ginatakod sa siya, Nga nagapamati sa ila nga nagatokar sang ila plawta para sa mga karnero?+ Kay madamo sa tribo ni Ruben ang indi makadesisyon. 17  Si Gilead nagpabilin lang sa pihak nga bahin sang Jordan;+ Kag si Dan, ngaa padayon sia nga nag-istar sa mga sakayan?+ Si Aser nagpungko lang sa higad-baybay, Kag padayon sia nga nag-istar sa iya mga pantalan.*+ 18  Ang katawhan ni Zebulon nagtaya sang ila kabuhi* bisan pa mapatay sila; Amo man si Neptali,+ sa mataas nga mga lugar sa latagon.+ 19  Nag-abot ang mga hari, nagpakig-away sila; Ang mga hari sang Canaan nagpakig-away+ Sa Taanac, malapit sa katubigan sang Megiddo.+ Wala sila sing nakuha nga pilak.+ 20  Nagpakig-away ang mga bituon halin sa langit; Halin sa ila mga banas nagpakig-away sila kay Sisera. 21  Gin-anod sang suba* sang Kison ang mga kaaway,+ Sang suba* sang una, ang suba* sang Kison. Gintapakan mo ang mga gamhanan, O kalag* ko. 22  Dayon naglinagapak ang mga tiil sang mga kabayo Samtang madasig nga nagadalagan ang iya mga kabayo.+ 23  ‘Pakamalauta ninyo ang Meroz,’ siling sang anghel ni Jehova, ‘Pakamalauta ninyo ang mga pumuluyo sini, Kay wala sila magkadto sa pagbulig kay Jehova, Sa pagbulig kay Jehova upod sa mga gamhanan.’ 24  Labi nga ginpakamaayo sa mga babayi si Jael+ Ang asawa ni Heber+ nga Kenhanon; Sia ang labi nga ginpakamaayo sa mga babayi nga nagaistar sa mga tolda. 25  Nangayo sia sing tubig; gatas ang iya ginhatag; Ginhatagan niya sia sing gatas sa isa ka yahong para sa mga halangdon.+ 26  Nagkuha sia sing palpal sang tolda, Gin-uyatan sang iya tuo nga kamot ang martilyo. Ginpulpog niya ang palpal kay Sisera, kag naglapos ini sa iya ulo, Ginpadulot niya ini kag ginpalapos sa iya mga dungandungan.+ 27  Natumba sia sa iya tiilan; natumba sia kag naghamyangon; Natumba sia sa iya tiilan; Kon diin sia natumba, didto sia napatay. 28  Sa bintana isa ka babayi ang nagatamwa, Ang iloy ni Sisera nagatan-aw sa birha, ‘Ngaa naatrasar sa pag-abot ang iya kangga? Ngaa naatrasar ang tunog sang ruweda sang iya mga kangga?’+ 29  Ang pinakamaalam sa iya dungganon nga mga babayi nagsabat sa iya; Sia man ang nagsabat sang iya ginhambal, 30  ‘Basi nagapartidahay sila sang ila inagaw, Isa ka babayi,* duha ka babayi* para sa tagsa ka soldado, Inagaw nga linugom nga tela para kay Sisera, inagaw nga linugom nga tela, Naburdahan nga bayo, linugom nga tela, duha ka naburdahan nga bayo Para sa liog sang mga lalaki nga nagkuha sing inagaw.’ 31  Gani kabay pa nga malaglag ang tanan mo nga kaaway,+ O Jehova, Apang kabay pa nga ang mga nagahigugma sa imo mangin pareho sang adlaw nga nagasilak.” Kag nangin malinong* ang duta sa sulod sang 40 ka tuig.+

Footnote

Ukon “sang mga soldado nga nagabunghay ang buhok.”
Ukon “Magalanton ako.”
Ukon mahimo, “Nag-uyog.”
Ukon “manubo nga patag.”
Ukon mahimo, “nga mga nagauyat sang gamit sang escriba.”
Ukon “manubo nga patag.”
Ukon “dulungkaan.”
Ukon “nagtamay sang ila kalag.”
Ukon “sapa.”
Ukon “sapa.”
Ukon “sapa.”
Tan-awa ang Glossary.
Sa literal, “taguangkan.”
Sa literal, “taguangkan.”
Ukon “Kag nakapahuway.”