Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Galacia 3:1-29

BALAYAN SANG KAUNDAN

  • Mga buhat sang Kasuguan batok sa pagtuo (1-14)

    • Ang matarong magakabuhi tungod sa pagtuo (11)

  • Saad kay Abraham indi paagi sa Kasuguan (15-18)

    • Kaliwat ni Abraham, ang Cristo (16)

  • Ginhalinan kag katuyuan sang Kasuguan (19-25)

  • Mga anak sang Dios paagi sa pagtuo (26-29)

    • Kaliwat ni Abraham, iya sang Cristo (29)

3  O kulang sing paghangop nga mga taga-Galacia! Sin-o ang nagdala sa inyo sining malaut nga impluwensia+ bisan pa nga ginlaragway sa inyo sing maathag ang paglansang kay Jesucristo sa usok?+  Ini lang ang luyag ko ipamangkot* sa inyo: Ginbaton bala ninyo ang espiritu paagi sa mga buhat sang kasuguan ukon bangod sa pagtuo sa inyo nabatian?+  Amo gid bala sina kakulang ang inyo paghangop? Pagkatapos nga nasugdan ninyo ang inyo espirituwal nga dalanon, tapuson bala ninyo ini sa unudnon nga dalanon?+  Nag-antos bala kamo nga wala sing katuyuan? Napat-od ko nga may katuyuan gid ina.  Gani, ang isa bala nga nagahatag sa inyo sang espiritu kag nagahimo sang gamhanan nga mga buhat+ sa tunga ninyo nagahimo sini tungod sa mga buhat sang kasuguan ukon bangod sa pagtuo sa inyo nabatian?  Kaangay ini kay Abraham nga “nagtuo kay Jehova,* kag bangod sini ginkabig sia nga matarong.”+  Nahibaluan gid ninyo nga ang mga tawo nga may pagtuo mga anak ni Abraham.+  Karon, bangod nakita na nga daan sang kasulatan nga ipahayag nga matarong sang Dios ang mga tawo sang mga pungsod paagi sa pagtuo, ginpahayag sini sing abanse ang maayong balita kay Abraham, nga nagasiling: “Ang tanan nga pungsod pakamaayuhon paagi sa imo.”+  Gani ang mga tawo nga may pagtuo ginapakamaayo upod kay Abraham, nga may pagtuo.+ 10  Ang tanan nga nagasandig sa mga buhat sang kasuguan yara sa idalom sang pagpakamalaut, kay nasulat na: “Pakamalauton ang isa nga wala nagapadayon sa pagtuman sa tanan nga nasulat sa linukot sang Kasuguan.”+ 11  Dugang pa, maathag nga paagi sa kasuguan wala sing ginapahayag nga matarong sa Dios,+ bangod “ang matarong nga tawo magakabuhi tungod sa pagtuo.”+ 12  Ang Kasuguan wala nasandig sa pagtuo. Sa baylo, nagasiling ini, “sia nga nagatuman sini magakabuhi tungod sini.”+ 13  Ginbakal kita sang Cristo,+ gani nahilway kita+ sa pagpakamalaut sang Kasuguan. Kay sia ang ginpakamalaut sa baylo nga kita, kay nasulat na: “Ginpakamalaut ang isa nga ginbutang sa usok.”+ 14  Ini agod ang pagpakamaayo nga ginsaad kay Abraham mag-abot sa mga pungsod paagi kay Cristo Jesus,+ agod mabaton naton ang ginsaad nga espiritu+ paagi sa aton pagtuo. 15  Mga kauturan, nagahambal ako paagi sa ilustrasyon: Kon ang isa ka katipan mapalig-on na, bisan pa iya lang ini sang tawo, wala sing makabalewala ukon makadugang sa sini. 16  Ang ginsaaran, si Abraham kag ang iya kaliwat.*+ Wala ini nagasiling, “kag sa imo kaliwatan,”* nga nagapatuhoy sa madamo. Sa baylo, nagasiling ini, “kag sa imo kaliwat,”* nga nagapatuhoy sa isa, sa Cristo.+ 17  Dugang pa, ginasiling ko ini: Ang katipan nga ginhimo sang Dios wala mabalewala sang Kasuguan nga nag-abot 430 ka tuig sang ulihi,+ sa amo wala man sini madula ang saad. 18  Kay kon ang palanublion nasandig sa kasuguan, wala ini nasandig sa saad; apang mainayuhon nga ginhatag ini sang Dios kay Abraham paagi sa isa ka saad.+ 19  Kon amo, ngaa may Kasuguan? Gindugang ini agod mapadayag ang mga paglapas,+ tubtob mag-abot ang kaliwat*+ nga ginsaaran. Ginhatag sang Dios ang Kasuguan sa mga anghel+ kag ginpahayag nila ini paagi sa isa ka manugpatunga.+ 20  Kon isa lang ang naghimo sang katipan indi kinahanglan ang manugpatunga, kag amo sini ang ginhimo sang Dios sang nagsaad sia. 21  Gani, ang Kasuguan bala batok sa mga saad sang Dios? Indi gid! Kay kon nabaton sang mga tawo ang kasuguan nga makahatag sang kabuhi, makabig sila kuntani nga mga matarong paagi sa kasuguan. 22  Apang ang tanan gintugyan sang Kasulatan sa pagkabilanggo sa sala, agod ang saad nga resulta sang pagtuo kay Jesucristo mahatag sa mga nagatuo. 23  Apang, antes mag-abot ang pagtuo, ginbantayan kita sang kasuguan, nga daw mga bilanggo, nga nagapaabot sa pagtuo nga malapit na lang ipahayag.+ 24  Gani ang Kasuguan nangin bantay* naton nga nagadul-ong sa aton sa Cristo,+ agod mapahayag kita nga matarong paagi sa pagtuo.+ 25  Apang karon nga nag-abot na ang pagtuo,+ wala na kita napaidalom sa isa ka bantay.*+ 26  Sa katunayan, kamo tanan mga anak sang Dios+ paagi sa inyo pagtuo kay Cristo Jesus.+ 27  Kay tanan kamo nga ginbawtismuhan sa Cristo nagsuklob sa Cristo.+ 28  Wala sing Judiyo ukon Griego,+ wala sing ulipon ukon hilway nga tawo,+ wala sing lalaki ukon babayi,+ kay kamo tanan nahiusa subong mga disipulo ni Cristo Jesus.+ 29  Dugang pa, kon kamo iya sang Cristo, kaliwat*+ gid kamo ni Abraham, mga manunubli+ suno sa saad.+

Footnote

Sa literal, “mahibaluan.”
Tan-awa ang Apendise A5.
Sa literal, “binhi.”
Sa literal, “mga binhi.”
Sa literal, “binhi.”
Sa literal, “binhi.”
Ukon “tutor.”
Ukon “tutor.”
Sa literal, “binhi.”