Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Filipos 3:1-21

BALAYAN SANG KAUNDAN

  • Pagsalig wala napasad sa unod (1-11)

    • Ginbayaan ang tanan tungod sa Cristo (7-9)

  • Ginalab-ot ang padya (12-21)

    • Pagkabanwahanon sa langit (20)

3  Sa katapusan, mga kauturan ko, padayon kamo nga magkasadya sa Ginuo.+ Wala ako matak-an sa pagsulat sa inyo sing amo gihapon nga mga butang, kag pangamlig ini sa inyo.  Mag-andam kamo sa mga ido;* mag-andam kamo sa mga nagahimo sang kahalitan; mag-andam kamo sa mga sumalakdag sang pagtuli.*+  Kay nakatigayon kita sang matuod nga pagtuli+ bangod nagahimo kita sang sagrado nga pag-alagad paagi sa espiritu sang Dios kag ginapabugal naton si Cristo Jesus+ kag ang aton pagsalig wala napasad sa unod.  Kon magpabugal gid man ako pasad sa unod, may mga rason ako sa paghimo sini. Huo, labaw sa kay bisan sin-o:  Gintuli ako sa ikawalo nga adlaw,+ katapo ako sang pungsod sang Israel, sa tribo ni Benjamin, isa ako ka Hebreo+ kag ang akon mga ginikanan mga Hebreo; kon tuhoy sa kasuguan, isa ako ka Fariseo;+  kon tuhoy sa kakugi, ginhingabot ko ang kongregasyon;+ kon tuhoy sa pagkamatarong pasad sa kasuguan, napamatud-an ako nga wala sing kasawayan.  Apang, ang tanan nga butang nga bentaha anay sa akon, ginbayaan ko tungod sa Cristo.+  Ginkabig ko man nga wala sing pulos ang tanan nga butang tungod sa labaw nga balor sang ihibalo tuhoy kay Cristo Jesus nga akon Ginuo. Tungod sa iya ginbayaan ko ang tanan nga butang kag ginkabig ini nga mga basura, agod maagom ko ang Cristo  kag masapwan nga nahiusa sa iya, indi bangod sa pagkamatarong sa pagsunod sa Kasuguan, kundi sa pagkamatarong paagi sa pagtuo+ sa Cristo,+ ang pagkamatarong halin sa Dios nga pasad sa pagtuo.+ 10  Luyag ko nga makilala sia kag ang gahom sang nagbanhaw sa iya.+ Luyag ko nga mag-antos+ kaangay sa iya kag mapatay man kaangay sa iya,+ 11  agod mahibaluan kon bala mahimo ko matigayon ang mas temprano nga pagkabanhaw.+ 12  Wala ko pa ini mabaton kag wala pa ako mahimpit, apang nagatinguha ako+ agod mahibaluan kon bala matigayon ko man ang butang nga tungod sini ginpili ako ni Cristo Jesus.+ 13  Mga kauturan, wala ko ginakabig nga natigayon ko na ini; apang may isa ka butang nga nahimo ko na: Ginakalimtan ko ang mga butang sa likuran+ kag ginalab-ot ang mga butang sa unahan,+ 14  nagatinguha ako nga mabaton ang padya,+ ang langitnon nga pagtawag+ sang Dios paagi kay Cristo Jesus. 15  Gani kita nga hamtong,+ maghupot sini nga panghunahuna, apang kon tuhay sa sini ang inyo panghunahuna, ipahayag sang Dios ang husto nga panghunahuna sa inyo. 16  Apang, bisan ano man nga pag-uswag ang aton nahimo sa sini, padayon kita nga maglakat sa husto nga paagi sa amo gihapon nga dalanon. 17  Mga kauturan, iluga ninyo ako,+ kag talupangda ninyo ang mga nagalakat sa paagi nga nahisanto sa halimbawa nga ginpahamtang namon sa inyo. 18  Kay sadto madamo ang pirme ko ginasambit, nga karon ginasambit ko upod ang mga luha kay naglakat sila subong mga kaaway sang usok sang pag-antos* sang Cristo. 19  Ang ila katapusan amo ang kalaglagan, kag ang ila dios amo ang ila tiyan, kag ginapabugal nila ang mga butang nga dapat nila ikahuya, kag ang ila hunahuna yara sa mga butang sa duta.+ 20  Apang ang aton pagkabanwahanon+ didto sa langit,+ kag malangkagon nga ginahulat naton ang isa ka manluluwas halin didto, nga amo si Ginuong Jesucristo,+ 21  nga magabaylo sang aton kubos nga lawas para mangin kaanggid ini sang iya mahimayaon nga lawas+ paagi sa iya daku nga gahom nga paagi sini mapasakop niya ang tanan nga butang sa iya kaugalingon.+

Footnote

Imoral kag malaut nga mga tawo.
Sa literal, “mga nagautod sang unod.”
Tan-awa ang Glossary.