Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Ezequiel 48:1-35

BALAYAN SANG KAUNDAN

  • Pagbahinbahin sang duta (1-29)

  • Ang 12 ka gawang sang siudad (30-35)

    • Ngalan sang siudad, “Si Jehova Yara Didto” (35)

48  “Amo ini ang listahan sang mga tribo halin sa pinakanaaminhan: Ang bahin ni Dan+ magasugod sa Hetlon pakadto sa Lebo-hamat*+ tubtob sa Hazar-enan, nga nagaubay sa dulunan sang Damasco sa naaminhan, sa tupad sang Hamat;+ kag ang sakop sini halin nasidlangan nga dulunan tubtob sa nakatundan.  Ang bahin ni Aser+ yara sa bagatnan ni Dan, halin sa nasidlangan nga dulunan tubtob sa nakatundan.  Ang bahin ni Neptali+ yara sa bagatnan ni Aser, halin sa nasidlangan nga dulunan tubtob sa nakatundan.  Ang bahin ni Manases+ yara sa bagatnan ni Neptali, halin sa nasidlangan nga dulunan tubtob sa nakatundan.  Ang bahin ni Efraim yara sa bagatnan ni Manases,+ halin sa nasidlangan nga dulunan tubtob sa nakatundan.  Ang bahin ni Ruben yara sa bagatnan ni Efraim,+ halin sa nasidlangan nga dulunan tubtob sa nakatundan.  Ang bahin ni Juda yara sa bagatnan ni Ruben,+ halin sa nasidlangan nga dulunan tubtob sa nakatundan.  Sa bagatnan nga dulunan ni Juda, halin sa nasidlangan nga dulunan tubtob sa nakatundan, magkuha kamo sing duta nga may kasangkaron nga 25,000 ka maniko*+ kag ihatag ninyo ini sa Dios. Ang kalabaon sang dulunan sini nga duta, pareho sa kalabaon sang dulunan sang duta sang mga tribo kag may dulunan ini sa sidlangan kag sa katundan. Ang santuaryo ibutang sa tunga sini.  “Ang kalabaon sang bahin sang duta nga ihatag ninyo kay Jehova 25,000 ka maniko kag ang kasangkaron 10,000 ka maniko. 10  Ini ang balaan nga duta para sa mga saserdote.+ Ini mangin 25,000 ka maniko sa aminhan, 10,000 sa katundan, 10,000 sa sidlangan, kag 25,000 sa bagatnan. Ang santuaryo ni Jehova ibutang sa tunga sini. 11  Mangin iya ini sang ginpakabalaan nga mga saserdote nga mga anak ni Zadok,+ nga nagtuman sang ila katungdanan sa akon kag wala magtalikod sa akon sang gintalikdan ako sang mga Israelinhon kag sang mga Levinhon.+ 12  Hatagan sila sing bahin sa duta nga ginhatag sa Dios subong labing balaan, sa dulunan sang duta sang mga Levinhon. 13  “Sa tupad sang duta sang mga saserdote, ang mga Levinhon hatagan sing duta nga ang kalabaon 25,000 ka maniko kag ang kasangkaron 10,000 ka maniko. (Ang kabug-usan nga kalabaon 25,000 kag ang kasangkaron 10,000.) 14  Indi nila ini pag-ibaligya, ibaylo, ukon ihatag sa indi Levinhon, kay balaan ini para kay Jehova. 15  “Ang nabilin nga kasangkaron nga 5,000 ka maniko sa tambi sang 25,000 ka maniko mangin para sa kinaandan nga paggamit sang siudad,+ patindugan sing mga balay kag himuon nga halalban. Ang siudad mangin yara sa tunga sini.+ 16  Amo ini ang takus sang siudad: Ang naaminhan nga dulunan 4,500 ka maniko, ang nabagatnan nga dulunan 4,500 ka maniko, ang nasidlangan nga dulunan 4,500 ka maniko, kag ang nakatundan nga dulunan 4,500 ka maniko. 17  Ang halalban sang siudad, 250 ka maniko sa aminhan, 250 ka maniko sa bagatnan, 250 ka maniko sa sidlangan, kag 250 ka maniko sa katundan. 18  “Ang kalabaon sang mabilin nga bahin pareho sa kalabaon sang balaan nga duta,+ sa sidlangan 10,000 ka maniko, kag sa katundan 10,000 ka maniko. Ang kalabaon sini pareho sa balaan nga duta, kag ang patubas sini mangin pagkaon sang mga nagaalagad sa siudad. 19  Pangumahon ini sang tanan nga nagaalagad sa siudad halin sa tanan nga tribo sang Israel.+ 20  “Ang balaan nga duta 25,000 ka maniko kuadrado lakip ang sakop sang siudad. 21  “Ang mabilin sa magtimbang nga kilid sang balaan nga duta lakip ang duta nga sakop sang siudad, mangin iya sang pangulo.+ Yara ini sa kilid sang 25,000 ka maniko nga kalabaon nga dulunan sa sidlangan kag sa katundan sang duta nga ginhatag sa Dios. Ang dulunan sini mangin pareho sang mga katambi sini, kag mangin para ini sa pangulo. Ang balaan nga duta kag ang santuaryo sang templo yara sa tunga sini. 22  “Ang duta nga iya sang mga Levinhon kag ang sakop sang siudad yara sa tunga sang duta nga iya sang pangulo. Ang duta sang pangulo yara sa tunga sang dulunan sang Juda+ kag sang Benjamin. 23  “Amo ini ang listahan sang iban pa gid nga tribo. Ang bahin ni Benjamin halin sa nasidlangan nga dulunan tubtob sa nakatundan.+ 24  Ang bahin ni Simeon yara sa bagatnan ni Benjamin,+ halin sa nasidlangan nga dulunan tubtob sa nakatundan. 25  Ang bahin ni Isacar+ yara sa bagatnan ni Simeon, halin sa nasidlangan nga dulunan tubtob sa nakatundan. 26  Ang bahin ni Zebulon yara sa bagatnan ni Isacar,+ halin sa nasidlangan nga dulunan tubtob sa nakatundan.+ 27  Ang bahin ni Gad yara sa bagatnan ni Zebulon,+ halin sa nasidlangan nga dulunan tubtob sa nakatundan. 28  Ang nabagatnan nga dulunan ni Gad magahalin sa Tamar+ pakadto sa katubigan sang Meribat-kades,+ padulong sa Nalupyakan,*+ tubtob sa Daku nga Dagat.* 29  “Amo ini ang duta nga bahinbahinon ninyo subong palanublion sang mga tribo sang Israel,+ kag amo ini ang ila mangin mga bahin,”+ siling sang Soberanong Ginuong Jehova. 30  “Amo ini ang mga gawang sang siudad: Ang kalabaon sang naaminhan nga pader 4,500 ka maniko.+ 31  Ang mga gawang sang siudad tawgon suno sa ngalan sang mga tribo sang Israel. May tatlo ka gawang sa aminhan, isa para kay Ruben, isa para kay Juda, kag isa para kay Levi. 32  Ang kalabaon sang nasidlangan nga pader 4,500 ka maniko kag may tatlo ini ka gawang: isa para kay Jose, isa para kay Benjamin, kag isa para kay Dan. 33  Ang kalabaon sang nabagatnan nga pader 4,500 ka maniko. May tatlo ini ka gawang: isa para kay Simeon, isa para kay Isacar, kag isa para kay Zebulon. 34  Ang kalabaon sang nakatundan nga pader 4,500 ka maniko. May tatlo ini ka gawang: isa para kay Gad, isa para kay Aser, kag isa para kay Neptali. 35  “Ang kabug-usan nga takus sang pader sa palibot 18,000 ka maniko. Kag kutob sina nga adlaw ang ngalan sang siudad amo, Si Jehova Yara Didto.”+

Footnote

Ukon “dulunan sang Hamat.”
Nagapatuhoy ini sa malaba nga maniko. Tan-awa ang Apendise B14.
Nalupyakan sang Egipto. Tan-awa ang Glossary.
Ang Mediteraneo.