Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Ester 9:1-32

BALAYAN SANG KAUNDAN

  • Kadalag-an sang mga Judiyo (1-19)

  • Kapiestahan sang Purim (20-32)

9  Sang ika-13 nga adlaw sang ika-12 nga bulan, nga amo ang bulan sang Adar,*+ sang ipatuman na ang sugo sang hari,+ sa adlaw nga nagalaum ang mga kaaway sang mga Judiyo nga lutuson sila, baliskad ang natabo, kay ang mga Judiyo ang naglutos sa mga nagadumot sa ila.+  Nagtipon ang mga Judiyo sa ila mga siudad sa tanan nga probinsia* nga sakop ni Hari Ahasuero+ agod patyon ang tanan nga luyag maghalit sa ila, kag wala sing makabato sa ila, kay nahadlok sa ila ang tanan nga katawhan.+  Ang tanan nga prinsipe sang mga probinsia,* ang mga satrapa,+ ang mga gobernador, kag ang mga nagahimo sang hilikuton sang hari nagbulig sa mga Judiyo, kay nahadlok sila kay Mardoqueo.  Kay si Mardoqueo nangin gamhanan+ sa balay* sang hari kag nangin bantog sa tanan nga probinsia,* bangod padayon nga nagadugang ang iya pagkagamhanan.  Ginpamatay sang mga Judiyo sa espada ang tanan nila nga kaaway; ginhimo nila ang ila luyag sa mga nagadumot sa ila.+  Sa palasyo sang Susan*+ ginpatay sang mga Judiyo ang 500 ka tawo.  Ginpatay man nila sanday Parsandata, Dalfon, Aspata,  Porata, Adalia, Aridata,  Parmasta, Arisai, Aridai, kag Vaizata, 10  ang napulo ka anak nga lalaki ni Haman nga anak ni Hamedata nga kaaway sang mga Judiyo,+ apang wala nila ginkuha ang ila pagkabutang.+ 11  Ginsugid sa hari ang kadamuon sang ginpamatay sa palasyo sang Susan* sina nga adlaw. 12  Ang hari nagsiling kay Rayna Ester: “Ginpatay sang mga Judiyo ang 500 ka tawo kag ang napulo ka anak ni Haman sa palasyo sang Susan.* Ano pa gid ayhan ang nahimo nila sa iban nga mga probinsia* sang hari?+ Karon, ano pa ang imo pangayuon? Kay ihatag ko ini sa imo.” 13  Gani nagsabat si Ester: “Kon buot sang hari,+ tugutan ang mga Judiyo sa Susan* nga padayunon pa buas ang ginahimo nila karon nga adlaw suno sa kasuguan;+ kag ipabitay sa usok ang bangkay sang napulo ka anak ni Haman.”+ 14  Gani nagsugo ang hari nga himuon ini. Ginhatag ang isa ka kasuguan sa Susan,* kag ginbitay ang napulo ka anak ni Haman. 15  Nagtipon liwat ang mga Judiyo sa Susan* sang ika-14 nga adlaw sang bulan sang Adar+ kag ginpatay nila sa Susan* ang 300 ka tawo, apang wala nila ginkuha ang ila pagkabutang. 16  Nagtipon man ang iban nga mga Judiyo sa mga probinsia* sang hari kag ginpangapinan ang ila kabuhi.*+ Nagtimalos sila sa ila mga kaaway+ kag ginpamatay nila ang 75,000 nga nagadumot sa ila; apang wala nila ginkuha ang ila pagkabutang. 17  Amo ina ang natabo sang ika-13 nga adlaw sang bulan sang Adar. Sang ika-14 nga adlaw nag-untat sila sa pagpakig-away, kag nagsinalusalo sila kag nagkinalipay. 18  Nagtipon man ang mga Judiyo sa Susan* sang ika-13+ kag ika-14 nga adlaw+ sina nga bulan, kag sang ika-15 nga adlaw nag-untat sila sa pagpakig-away kag nagsinalusalo sila kag nagkinalipay. 19  Amo nga ang mga Judiyo nga nagaistar sa mga siudad sa gua sang kapital, nagkinalipay kag nagsinalusalo kag nagkinasadya+ kag naghinatagay sing pagkaon sa ika-14 nga adlaw sang bulan sang Adar.+ 20  Ginsulat ni Mardoqueo+ ining mga hitabo kag nagpadala sia sang opisyal nga mga sulat sa tanan nga Judiyo nga nagapuyo sa malapit kag sa malayo nga mga probinsia* ni Hari Ahasuero. 21  Ginsugo niya sila nga saulugon ang ika-14 nga adlaw kag ika-15 nga adlaw sang bulan sang Adar kada tuig, 22  bangod sa sina nga mga adlaw wala na gintublag ang mga Judiyo sang ila mga kaaway kag sa sina nga bulan ang ila kalisod ginbuslan sang pagkinalipay kag ang ila kasubo+ sang pagkinasadya. Saulugon nila ina nga mga adlaw paagi sa pagsinalusalo, pagkinalipay, paghinatagay sing pagkaon kag pagregalo sa mga imol. 23  Kag nagsugot ang mga Judiyo nga padayunon ang kapiestahan nga ginsugdan nila kag himuon ang ginsulat ni Mardoqueo. 24  Kay si Haman+ nga anak ni Hamedata nga Agagnon,+ ang kaaway sang mga Judiyo, nagpahito agod papason sila,+ kag nag-itsa sia sang Pur,+ nga amo ang Pagabutgabot, agod paalaplaagon sila kag papason. 25  Apang sang nag-atubang si Ester sa hari, naghatag ang hari sang kasuguan nga nagasiling:+ “Himuon sa iya ang ginpahito niya batok sa mga Judiyo”;+ kag ginbitay nila sia kag ang iya mga anak nga lalaki sa usok.+ 26  Amo nga gintawag nila ini nga mga adlaw nga Purim, nga ginkuha sa ngalan nga Pur.*+ Gani bangod sa sini nga sulat kag sa nakita nila kag sa natabo sa ila, 27  gin-obligar sang mga Judiyo ang ila kaugalingon kag ang ila mga kaliwatan lakip ang tanan nga nagabuylog sa ila,+ nga indi nila pagkalipatan nga saulugon ining duha ka adlaw kag himuon ang ginsulat sa ila sa gintalana nga tion kada tuig. 28  Ini nga mga adlaw dumdumon kag saulugon sang tagsa ka kaliwatan, tagsa ka pamilya, tagsa ka probinsia,* kag tagsa ka siudad; kag ining mga adlaw sang Kapiestahan sang Pagabutgabot dapat nga saulugon gid sang mga Judiyo kag dumdumon sang ila mga kaliwatan sa wala sing katubtuban. 29  Kag si Rayna Ester, nga anak ni Abihail, kag si Mardoqueo nga Judiyo naggamit sang ila bug-os nga awtoridad sa pagsulat sang ikaduha nga sulat agod palig-unon ang pagsaulog sang Kapiestahan sang Pagabutgabot. 30  Ginpadala ni Mardoqueo ini nga mga sulat nga may mahidaiton kag maminatud-on nga mga pulong sa tanan nga Judiyo sa 127 ka probinsia*+ sang ginharian ni Ahasuero+ 31  nga sa gintalana nga tion dapat saulugon sang tanan nga Judiyo kag sang ila mga kaliwatan ang Kapiestahan sang Pagabutgabot, suno sa ginsugo sa ila ni Mardoqueo nga Judiyo kag ni Rayna Ester,+ kag suno sa gin-obligar nila sa ila kaugalingon,*+ lakip ang pagpuasa+ kag pagpangamuyo.+ 32  Kag ginpalig-on ni Ester ining pagsaulog sang Kapiestahan sang Purim+ paagi sa iya sugo, kag ginsulat ini sa isa ka libro.

Footnote

Tan-awa ang Apendise B15.
Ukon “sakop nga mga distrito.”
Ukon “sakop nga mga distrito.”
Ukon “palasyo.”
Ukon “sakop nga mga distrito.”
Ukon “Susa.”
Ukon “Susa.”
Ukon “Susa.”
Ukon “sakop nga mga distrito.”
Ukon “Susa.”
Ukon “Susa.”
Ukon “Susa.”
Ukon “Susa.”
Ukon “sakop nga mga distrito.”
Ukon “nanindugan para sa ila kalag.”
Ukon “Susa.”
Ukon “sakop nga mga distrito.”
“Pur,” nga buot silingon, “Pagabutgabot.” Ang plural sini nga “Purim” nangin kapiestahan nga ginasaulog sang mga Judiyo sa ika-12 nga bulan sang sagrado nga kalendaryo. Tan-awa ang Apendise B15.
Ukon “sakop nga distrito.”
Ukon “sakop nga mga distrito.”
Ukon “ginpatuman nila sa ila kalag.”