Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Ester 4:1-17

BALAYAN SANG KAUNDAN

  • Naglalaw si Mardoqueo (1-5)

  • Si Mardoqueo nangabay kay Ester (6-17)

4  Sang mahibaluan ni Mardoqueo+ ang tanan nga natabo,+ gingisi niya ang iya panapton kag nagsuksok sing sako kag nagsabwag sing abo sa iya kaugalingon. Dayon nagkadto sia sa tunga sang siudad nga nagahaya kag nagahilibion sing mabaskog.  Tubtob lang sia sa gawang sang hari, kay wala sing tawo nga nagasuksok sing sako nga makasulod sa gawang.  Kag sang nabatian sa tanan nga probinsia*+ ang sugo sang hari, ang mga Judiyo naglalaw, nagpuasa+ kag naghibi, kag naghaya. Madamo sa ila ang naghumlad sing sako kag nagsabwag sing abo kag naghigda sa sini.+  Sang ginsugid kay Ester sang iya mga suluguon nga babayi kag sang mga eunuco nga nagaatipan sa iya ang tuhoy kay Mardoqueo, nagkasubo gid sia. Ginpadalhan niya sing bayo si Mardoqueo agod islan ang ginasuksok niya nga sako, apang wala niya ini pagbatuna.  Gani, gintawag ni Ester si Hatac, ang eunuco nga ginsugo sang hari sa pag-atipan sa iya, kag ginpakadto sia kay Mardoqueo agod hibaluon ang natabo.  Gani, nagkadto si Hatac kay Mardoqueo sa plasa sang siudad sa atubangan sang gawang sang hari.  Ginsugiran sia ni Mardoqueo sang tanan nga natabo sa iya kag sang kantidad+ nga ginsaad ni Haman nga ibayad sa bahandian sang hari agod papason ang mga Judiyo.+  Ginhatagan man sia ni Mardoqueo sing kopya sang kasuguan sa pagpapas, nga ginhatag sa Susan.*+ Ipakita niya ini kag ipaathag kay Ester kag silingan sia+ nga magkadto sa hari agod magpakiluoy kag direkta nga magpangabay para sa iya katawhan.  Nagbalik si Hatac kag ginsugiran si Ester sang ginsiling ni Mardoqueo. 10  Ginpabalik ni Ester si Hatac kay Mardoqueo nga may dala nga mensahe nga nagasiling:+ 11  “Nakahibalo ang tanan nga alagad sang hari kag ang mga pumuluyo sang mga probinsia* sang kasuguan nga ang bisan sin-o nga magpalapit sa hari sa nasulod nga luwang,+ patyon; luwas lang kon untayon sang hari ang bulawan nga setro sa iya.+ Kag ako mismo wala pa ginpatawag sang hari sa sulod sang 30 ka adlaw.” 12  Sang ginsugiran nila si Mardoqueo sang mensahe ni Ester, 13  ginsabat niya si Ester: “Indi ka maghunahuna nga sa mga Judiyo, ikaw lang ang maluwas bangod yara ka sa panimalay sang hari. 14  Kay bisan maghipos ka lang sa sini nga tion, may iban nga magabulig kag magaluwas sa mga Judiyo;+ apang ikaw kag ang panimalay sang imo amay malaglag. Kag wala ka bala makahibalo nga basi amo ini ang rason nga nangin rayna ka?”+ 15  Bilang sabat, nagsiling si Ester kay Mardoqueo: 16  “Lakat ka, tipuna ang tanan nga Judiyo nga nagaistar sa Susan* kag magpuasa+ kamo tungod sa akon. Indi kamo magkaon ukon mag-inom sa adlaw kag gab-i, sa sulod sang tatlo ka adlaw.+ Ako kag ang akon mga suluguon nga babayi magapuasa man. Magakadto ako sa hari bisan pa batok ini sa kasuguan, kag bisan patyon ako, handa ako.” 17  Gani naglakat si Mardoqueo kag ginhimo ang tanan nga ginsugo ni Ester sa iya.

Footnote

Ukon “sakop nga distrito.”
Ukon “Susa.”
Ukon “sakop nga mga distrito.”
Ukon “Susa.”