Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Esdras 5:1-17

BALAYAN SANG KAUNDAN

  • Mga Judiyo nagpadayon sa pagpatindog sang templo (1-5)

  • Sulat ni Tattenai kay Hari Dario (6-17)

5  Kag ang mga manalagna nga sanday Hageo+ kag Zacarias+ nga apo ni Iddo+ nagpanagna sa mga Judiyo sa Juda kag sa Jerusalem sa ngalan sang Dios sang Israel nga kaupod nila.  Dayon ginsugdan nanday Zorobabel+ nga anak ni Sealtiel kag Jesua+ nga anak ni Jehozadak ang pagtukod liwat sang balay sang Dios+ sa Jerusalem; kag ginbuligan sila sang mga manalagna sang Dios.+  Sa amo nga tion ginkadtuan sila ni Tattenai nga gobernador sa Tabok sang Suba* kag ni Setar-bozenai kag sang ila mga kaupod, kag ginpamangkot sila: “Sin-o ang nagsugo sa inyo nga tukuron ini nga balay kag kay-uhon ang mga pader sini?”*  Namangkot pa gid sila: “Sin-o ang mga nagapanguna sa pagtukod sini?”  Apang ginbuligan sang Dios ang mga gulang sang mga Judiyo,+ kag wala sila mapauntat sa pag-obra tubtob nga ang balita mapadala kay Dario kag mabaton nila ang sulat halin sa hari tuhoy sa sini.  Amo ini ang kopya sang sulat nga ginpadala nanday Tattenai nga gobernador sa Tabok sang Suba kag ni Setar-bozenai kag sang iban pa nga kaupod niya nga gobernador sa Tabok sang Suba kay Hari Dario;  amo ini ang ginasiling sang sulat: “Para kay Hari Dario: “Kabay nga may paghidait sa imo!  Dapat mahibaluan sang hari nga nagkadto kami sa probinsia* sang Juda sa balay sang gamhanan nga Dios. Dalagku nga mga bato ang ginagamit nila sa pagtukod sini kag ginabutangan nila sang mga tablon ang mga pader sini. Maukod gid nga nagapangabudlay ang katawhan kag madasig ang ila pagtukod.  Dayon ginpamangkot namon ang mga gulang: ‘Sin-o ang nagsugo sa inyo nga tukuron ini nga balay kag kay-uhon ang mga pader sini?’*+ 10  Ginpamangkot man namon ang ila mga ngalan agod masulat namon ang mga nagapanguna sa ila kag masugid ini sa imo. 11  “Amo ini ang sabat nila sa amon: ‘Mga alagad kami sang Dios sang langit kag duta, kag ginatukod namon liwat ang balay nga madugay na nga gintukod sang isa ka gamhanan nga hari sang Israel.+ 12  Apang, bangod ginpaakig sang amon mga amay ang Dios sang langit,+ gintugyan niya sila sa kamot sang Caldeanhon nga si Hari Nabocodonosor+ sang Babilonia, nga nagguba sini nga balay+ kag nagtapok sa ila sa Babilonia.+ 13  Apang sang nahauna nga tuig sang paggahom ni Hari Ciro sang Babilonia, nagsugo sia nga tukuron liwat ang balay sang Dios.+ 14  Kag ang bulawan kag ang pilak nga mga suludlan nga ginkuha ni Nabocodonosor sa templo sang Dios sa Jerusalem kag gindala sa templo sa Babilonia,+ ginpakuha ni Hari Ciro kag ginhatag kay Sesbazar,*+ nga ginhimo niya nga gobernador.+ 15  Si Ciro nagsiling sa iya: “Kuhaa ini nga mga suludlan. Maglakat ka kag ibutang ini sa templo sa Jerusalem, kag tukura liwat ang balay sang Dios sa ginatindugan sini anay.”+ 16  Dayon nag-abot si Sesbazar, kag ginpasad niya ang mga pundasyon sang balay sang Dios+ sa Jerusalem; kag halin sadto tubtob karon ginatukod pa ini, apang wala pa matapos.’+ 17  “Kon buot sang hari, ipausisa ang bahandian sang balay sang hari sa Babilonia, kon bala nagsugo gid man si Hari Ciro nga tukuron liwat ang balay sang Dios sa Jerusalem;+ kag ipadala sang hari sa amon ang iya pamat-od tuhoy sa sini.”

Footnote

Ukon “Tabok-Eufrates.”
Ukon “mga balayan sini.”
Ukon “sakop nga distrito.”
Ukon “mga balayan sini.”
Mahimo nga si Zorobabel sa Esd 2:2; 3:8.