Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Daniel 6:1-28

BALAYAN SANG KAUNDAN

  • Ang plano batok kay Daniel (1-9)

  • Si Daniel padayon nga nangamuyo (10-15)

  • Ginhaboy sa lungib sang leon (16-24)

  • Hari Dario, nagpadungog sa Dios (25-28)

6  Ginpakamaayo ni Dario nga magtangdo sing 120 ka satrapa nga magdumala sa bug-os nga ginharian.+  Dumalahan sila sang tatlo ka mataas nga opisyal kag isa sa ila si Daniel.+ Ini nga mga satrapa+ magasugid sa ila sang tanan nga nagakatabo agod indi mapierde ang hari.  Sa pagligad sang tion, ginpakita ni Daniel nga mas sangkol sia sangsa mataas nga mga opisyal kag sa mga satrapa, kay may pinasahi sia nga kaalam,+ kag tuyo sang hari nga padumalahon sia sa bug-os nga ginharian.  Sugod sadto ang mataas nga mga opisyal kag ang mga satrapa pirme nagapangita sing masumbong batok kay Daniel tuhoy sa iya pagdumala sa ginharian, apang wala gid sila sing makita nga masumbong batok sa iya, kay masaligan sia kag wala nagapabaya kag wala gid sia nagahimo sing malain nga butang.  Nagsiling ini nga mga lalaki: “Wala gid kita sing makita nga masumbong batok kay Daniel, luwas lang kon mangita kita sing butang batok sa iya may kaangtanan sa kasuguan sang iya Dios.”+  Gani dungan nga nagkadto sa hari ining mataas nga mga opisyal kag ang mga satrapa, kag nagsiling sila: “O Hari Dario, kabay pa nga magkabuhi ka sa wala sing katubtuban.  Ang tanan nga opisyal sang hari, mga prepekto,* mga satrapa, mataas nga mga opisyal sang palasyo, kag mga gobernador, naghilisugot nga maghimo sing harianon nga sugo kag ipatuman ang pagdumili nga ang bisan sin-o nga magpangamuyo sa bisan sin-o nga dios ukon tawo sa sulod sang 30 ka adlaw luwas sa imo, O hari, ihaboy sa lungib sang mga leon.+  Karon, O hari, ipatuman ini nga sugo kag pirmahi ini,+ agod indi ini mabag-o suno sa kasuguan sang mga Medianhon kag mga Persianhon, nga indi puede dulaon.”+  Gani ginpirmahan ni Hari Dario ang sugo kag ang pagdumili. 10  Sang mabalitaan ni Daniel nga ginpirmahan ang sugo, nagsulod sia sa iya balay nga bukas ang mga bintana sang kuarto sa atop nga nagaatubang nayon sa Jerusalem.+ Dayon nagluhod sia kag nagpangamuyo kag nagdayaw sa iya Dios sing tatlo ka beses, nga amo ang ginahimo niya adlaw-adlaw. 11  Sina nga tion, nag-abot ang mga lalaki kag nakita nila si Daniel nga nagapangamuyo kag nagapangabay sa iya Dios. 12  Gani nagkadto sila sa hari kag ginpahanumdom nila sa iya ang tuhoy sa ginpatuman sang hari nga pagdumili: “Indi bala nga may ginpirmahan ka nga sugo nga ang bisan sin-o nga magpangamuyo sa bisan sin-o nga dios ukon tawo sa sulod sang 30 ka adlaw luwas sa imo, O hari, ihaboy sa lungib sang mga leon?” Nagsabat ang hari: “Huo, kag suno sa kasuguan sang mga Medianhon kag mga Persianhon, indi ina puede dulaon.”+ 13  Nagsiling sila dayon sa hari: “Si Daniel nga isa sang mga bihag halin sa Juda+ wala sing pagtahod sa imo, O hari, kag sa imo ginpirmahan nga sugo, kay nagapangamuyo sia sa iya Dios sing tatlo ka beses kada adlaw.”+ 14  Sang mabatian ini sang hari, nasubuan gid sia kag namensar sia kon paano luwason si Daniel. Tubtob nagtunod ang adlaw, nagapangita pa sing paagi ang hari nga luwason sia. 15  Sang ulihi, dungan nga nagkadto sa hari ining mga lalaki, kag nagsiling sila: “Nahibaluan mo, O hari, ang tuhoy sa kasuguan sang mga Medianhon kag mga Persianhon, nga ang pagdumili ukon sugo nga ginpatuman sang hari indi na mabag-o.”+ 16  Gani nagmando ang hari nga dalhon nila si Daniel sa lungib sang mga leon kag ihaboy sia didto.+ Nagsiling ang hari kay Daniel: “Luwason ka sang imo Dios nga padayon mo nga ginaalagad.” 17  Dayon ginbutangan sing bato ang baba sang lungib, kag ginselyuhan ini sang hari sang iya singsing kag sang singsing sang iya halangdon nga mga tawo, agod indi na mabag-o ang desisyon kay Daniel. 18  Dayon nagbalik ang hari sa iya palasyo. Nagpuasa sia sa bilog nga gab-i, kag ginpangindi-an niya ang bisan ano nga kalingawan,* kag indi sia makatulog.* 19  Sang nagapamanagbanag na, nagbangon ang hari kag dalidali sia nga nagkadto sa lungib sang mga leon. 20  Sang malapit na sia sa lungib, nagsinggit sia sing masinulub-on kay Daniel. Ginpamangkot sang hari si Daniel: “Daniel nga alagad sang buhi nga Dios, ginluwas ka bala sa mga leon sang imo Dios nga padayon mo nga ginaalagad?” 21  Nagsabat dayon si Daniel sa hari: “O hari, kabay pa nga magkabuhi ka sing dayon. 22  Ang akon Dios nagpadala sing anghel kag ginkipot niya ang baba sang mga leon+ gani wala ako mahalitan,+ kay wala ako sing nahimo nga sala; kag wala man ako sing ginhimo nga malain sa imo, O hari.” 23  Nalipay gid ang hari kag nagsugo sia nga batakon si Daniel sa lungib. Gani ginbatak nila si Daniel sa lungib, kag wala gid sia mahalitan, bangod nagsalig sia sa iya Dios.+ 24  Dayon nagmando ang hari nga ihaboy sa lungib sang mga leon ang mga lalaki nga nagsumbong* kay Daniel, pati ang ila mga anak kag mga asawa. Wala pa gani sila magtupa, gingus-ab na sila sang mga leon kag gindugmok ang ila mga tul-an.+ 25  Dayon nagsulat si Hari Dario sa tanan nga katawhan halin sa lainlain nga mga pungsod kag mga lenguahe nga nagaistar sa bug-os nga duta:+ “Kabay pa nga may paghidait kamo! 26  Nagamando ako nga ang tanan nga katawhan nga sakop sang akon ginharian dapat magkurog sa kahadlok sa Dios ni Daniel,+ kay sia ang buhi nga Dios kag nagakabuhi sia sing dayon. Ang iya ginharian indi gid malaglag kag ang iya paggahom* magapadayon.+ 27  Ginabuligan niya kag ginaluwas+ ang iya katawhan. Nagahimo sia sing mga tanda kag mga kalatingalahan sa langit kag sa duta,+ kay ginluwas niya si Daniel sa kamumuo sang mga leon.” 28  Gani nag-uswag si Daniel sa ginharian ni Dario+ kag sa ginharian ni Ciro nga Persianhon.+

Footnote

Tan-awa ang Glossary.
Ukon mahimo, “wala sing ginpasulod nga mga musikero.”
Sa literal, “ang iya katulugon nagpalagyo sa iya.”
Ukon “nagpakalain.”
Ukon “pagkasoberano.”