Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Bugna 15:1-8

BALAYAN SANG KAUNDAN

  • Pito ka anghel nga may pito ka kalalat-an (1-8)

    • Ambahanon ni Moises kag sang Kordero (3, 4)

15  Kag nakita ko sa langit ang isa pa ka daku kag makatilingala nga tanda, pito ka anghel+ nga may dala nga pito ka kalalat-an. Amo na ini ang katapusan nga mga kalalat-an, bangod pagkatapos sini matapos na ang kaakig sang Dios.+  Kag nakita ko ang daw salaming nga dagat+ nga nasimbugan sing kalayo, kag ang mga nagdaug+ sa mabangis nga sapat kag sa larawan+ sini kag sa numero sang ngalan+ sini nagatindog sa tupad sang salaming nga dagat, kag may ginauyatan sila nga mga arpa halin sa Dios.  Nagaamba sila sang ambahanon ni Moises+ nga ulipon sang Dios kag sang ambahanon sang Kordero,+ nga nagasiling: “Daku kag makatilingala ang imo mga binuhatan,+ Jehova* nga Dios, ang Labing Gamhanan.+ Matarong kag matuod ang imo mga dalanon,+ Hari nga dayon.+  Sin-o ang indi magkahadlok sa imo, Jehova,* kag indi maghimaya sa imo ngalan, bangod ikaw lamang ang mainunungon?+ Kay ang tanan nga pungsod magakadto kag magasimba sa imo atubangan,+ bangod napadayag na ang imo matarong nga mga kasuguan.”  Sa tapos sini, nakita ko nga nabuksan ang santuaryo sang tolda sang pamatuod+ sa langit,+  kag naggua sa santuaryo ang pito ka anghel nga may dala nga pito ka kalalat-an.+ Napanaptan sila sing matinlo kag masilaw nga linen kag may wagkus nga bulawan ang ila dughan.  Ginhatagan sang isa sa apat ka buhi nga tinuga ang pito ka anghel sang pito ka yahong nga bulawan nga puno sang kaakig sang Dios,+ nga nagakabuhi tubtob sa wala sing katubtuban.  Napuno sing aso ang santuaryo bangod sa himaya sang Dios+ kag bangod sang iya gahom. Kag wala sing makasulod sa santuaryo samtang wala pa matapos ang pito ka kalalat-an+ sang pito ka anghel.

Footnote

Tan-awa ang Apendise A5.
Tan-awa ang Apendise A5.