Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Bugna 14:1-20

BALAYAN SANG KAUNDAN

  • Ang Kordero kag ang 144,000 (1-5)

  • Mensahe halin sa tatlo ka anghel (6-12)

    • Anghel sa tunga sang kalangitan may maayong balita (6, 7)

  • Malipayon ang mga napatay nga nahiusa sa Ginuo (13)

  • Duha ka alanyon sa duta (14-20)

14  Dayon nakita ko ang Kordero+ nga nagatindog sa Bukid Sion,+ kag kaupod niya ang 144,000+ nga may ngalan niya kag ngalan sang iya Amay+ sa ila agtang.  Nabatian ko ang isa ka tunog halin sa langit nga kaangay sang daganas sang madamo nga tubig kag subong sang tunog sang mabaskog nga daguob; kag ang tunog nga akon nabatian kaangay sang tingog sang mga manug-amba nga nagadungan sa ginatokar nila nga mga arpa.  Kag nagaamba sila sang daw isa ka bag-o nga ambahanon+ sa atubangan sang trono kag sang apat ka buhi nga tinuga+ kag sang mga gulang,+ kag wala gid sing makahibalo sini nga ambahanon luwas sa 144,000,+ nga ginbakal halin sa duta.  Wala nila gindagtaan ang ila kaugalingon sa mga babayi; ang matuod, mga birhen sila.+ Padayon sila nga nagasunod sa Kordero bisan diin sia magkadto.+ Ginbakal+ sila halin sa katawhan subong una nga mga bunga+ sa Dios kag sa Kordero,  kag wala sing pagpangdaya nga nasapwan sa ila baba; kay wala sila sing depekto.+  Kag nakita ko ang isa pa ka anghel nga nagalupad sa tunga sang kalangitan,* kag may ipahayag sia nga wala sing katapusan nga maayong balita sa mga nagaistar sa duta, kag sa tagsa ka pungsod kag tribo kag hambal kag katawhan.+  Nagasinggit sia: “Kahadluki ninyo ang Dios kag himayaa sia, bangod nag-abot na ang oras sang iya paghukom,+ gani simbaha ninyo ang Isa nga naghimo sang langit, duta, dagat,+ kag mga tuburan sang tubig.”  Nagsunod ang ikaduha nga anghel, nga nagasiling: “Napukan na sia! Napukan+ na ang Babilonia nga Daku,+ nga nagpainom sa tanan nga pungsod sang alak sang iya mabaskog nga handum sa paghimo sang seksuwal nga imoralidad!”*+  Nagsunod ang ikatlo nga anghel, nga nagasinggit: “Ang bisan sin-o nga nagasimba sa mabangis nga sapat+ kag sa larawan sini kag ang nagabaton sang marka sa iya agtang ukon sa iya kamot,+ 10  magainom sang puro nga alak sang kaakig sang Dios nga ginbubo sa kopa sang Iya kasingkal,+ kag paantuson sia sa kalayo kag asupre+ sa atubangan sang balaan nga mga anghel kag sang Kordero. 11  Kag ang aso sang pag-antos sang mga nagasimba sa mabangis nga sapat kag sa larawan sini, magatub-ok sa wala sing katubtuban+ kag wala sila sing pahuway sa adlaw kag gab-i. Amo man sini ang matabo sa mga nagabaton sang marka sang ngalan sini.+ 12  Nagakinahanglan ini sang pagbatas sa bahin sang mga balaan,+ nga nagatuman sang mga sugo sang Dios kag malig-on nga nagasunod sa pagtuo+ ni Jesus.” 13  Kag nabatian ko ang tingog halin sa langit nga nagasiling, “Isulat mo: Malipayon ang mga nagakapatay nga nahiusa sa Ginuo+ halin karon. Huo, ang espiritu nagasiling, papahuwaya sila sa ila pagpangabudlay, kay ang ila mga ginhimo nagaupod sa ila.” 14  Dayon nakita ko ang isa ka puti nga panganod, kag sa panganod may isa nga nagapungko nga kaangay sa anak sang tawo.+ May bulawan sia nga korona kag may ginauyatan nga matalom nga garab. 15  Naggua ang isa pa ka anghel halin sa santuaryo sang templo, nga nagasinggit sing mabaskog sa isa nga nagapungko sa panganod: “Gamita ang imo garab kag magpangani ka, bangod nag-abot na ang oras sang pag-ani, kay ang alanyon sa duta luntay na.”+ 16  Kag ang isa nga nagapungko sa panganod naghabyog sang iya garab sa duta, kag nagpangani. 17  Kag naggua ang isa pa gid ka anghel halin sa santuaryo sang templo sa langit, kag nagauyat man sia sang matalom nga garab. 18  Kag naggua ang isa pa gid ka anghel halin sa halaran, kag may awtoridad sia sa kalayo. Nagsinggit sia sing mabaskog sa anghel nga may matalom nga garab: “Garaba ang mga pinungpong sang ubas sang duta, kay luto na ang mga bunga sini.”+ 19  Ginhabyog sang anghel ang iya garab sa duta kag gintipon ang mga pinungpong sang ubas sang duta, kag ginhaboy ini sa daku nga linasan sang ubas sang kaakig sang Dios.+ 20  Ang mga ubas ginlinas sa gua sang siudad, kag naggua ang dugo sa linasan sang ubas nga naglab-ot tubtob sa mga busal sang mga kabayo sa kalayuon nga 1,600 ka estadio.*

Footnote

Ukon “sa tunga sang kahanginan; sa ibabaw.”
Sa Griego, por·neiʹa. Tan-awa ang Glossary.
Mga 296 ka kilometro (184 ka milya). Ang isa ka estadio katumbas sang 185 ka metro (606.95 ka pie). Tan-awa ang Apendise B14.