Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Amos 9:1-15

BALAYAN SANG KAUNDAN

  • Paghukom sang Dios indi mapalagyuhan (1-10)

  • Ang payagpayag ni David patindugon liwat (11-15)

9  Nakita ko si Jehova+ sa ibabaw sang halaran, kag nagsiling sia: “Lampusi ang uloulo sang haligi agod mag-uyog ang pundasyon. Utda ang uloulo sang tanan nga haligi. Ang mabilin sa katawhan patyon ko sa espada. Wala gid sing bisan isa sa ila nga makalikaw ukon makapalagyo.+   Bisan pa magkutkot sila kag manago sa Lulubngan,* Kuhaon ko sila didto; Kag bisan pa magsaka sila sa langit, Papanaugon ko sila.   Bisan pa manago sila sa putukputukan sang Carmel, Pangitaon ko sila kag kuhaon.+ Kon manago sila gikan sa akon mga mata sa idalom sang dagat, Suguon ko ang man-ug didto nga kagton sila.   Bisan pa bihagon sila sang ila mga kaaway, Suguon ko ang espada didto kag pamatyon sila;+ Atubangon ko sila, indi agod pakamaayuhon, kundi agod laglagon.+   Kay ang Soberanong Ginuong Jehova sang mga kasuldadusan amo ang nagatandog sang duta, Gani nagakatunaw ini,+ kag magalalaw ang tanan nga pumuluyo sini;+ Magaawas ang kabug-usan sini pareho sang Nilo, Kag maganabaw pareho sang Nilo sa Egipto.+   ‘Ang isa nga nagahimo sang iya hagdan sa langit Kag nagapasad sang iya tinukod* sa ibabaw sang duta; Ang isa nga nagatipon sang tubig sang dagat, Agod iula ini sa duta+ —Ang iya ngalan amo si Jehova.’+   ‘O katawhan sang Israel, indi bala nga para sa akon pareho lang kamo sa mga anak sang mga Cushanon?’ siling ni Jehova. ‘Indi bala nga ginpagua ko ang Israel halin sa duta sang Egipto,+ Ang mga Filistinhon halin sa Creta,+ kag ang mga Sirianhon halin sa Kir?’+   ‘Ginatan-aw sang Soberanong Ginuong Jehova ang makasasala nga ginharian, Kag laglagon niya ini sa duta.+ Apang indi ko paglaglagon sing bug-os ang panimalay ni Jacob,’+ siling ni Jehova.   ‘Kay nagasugo ako, Kag ayagon ko ang panimalay ni Israel sa tunga sang tanan nga pungsod,+ Pareho sang pag-ayag sang isa ka tawo, Kag wala sing mahulog sa duta nga bisan isa ka bato. 10  Ang tanan nga makasasala sa akon katawhan mapatay sa espada, Sila nga nagasiling, “Ang kalaglagan indi makapalapit ukon makalab-ot sa amon.” ’ 11  ‘Sa sina nga tion, patindugon ko ang payagpayag* ni David+ nga naguba, Kay-uhon ko ang* mga buho, Kag kay-uhon ko ang mga naguba sa sini; Patindugon ko ini liwat pareho sang una,+ 12  Agod mapanag-iyahan nila ang nabilin sa Edom,+ Kag ang tanan nga pungsod nga gintawag sa akon ngalan,’ siling ni Jehova, nga amo ang nagahimo sini. 13  ‘Magaabot ang tion,’ siling ni Jehova, ‘Nga maabtan sang nagaarado ang nagaani, Kag sang nagalinas sang ubas ang nagatanom sang binhi;+ Magatulo ang matam-is nga alak halin sa mga bukid,+ Kag magailig ini halin sa* tanan nga bakulod.+ 14  Pabalikon ko ang mga nabihag sa akon katawhan nga Israel,+ Kag patindugon nila ang naguba nga mga siudad kag magapuyo sila sa sini;+ Magatanom sila sing mga ubas kag magainom sila sing alak halin sa sini,+ Magatanom sila sa ila mga talamnan kag magakaon sila sang mga bunga sini.’+ 15  ‘Itanom ko sila sa ila duta, Kag indi na gid sila paggabuton Sa ila duta nga ginhatag ko sa ila,’+ siling ni Jehova nga imo Dios.”

Footnote

Ukon “Sheol,” nga amo ang kabilugan nga lulubngan sang katawhan. Tan-awa ang Glossary.
Ukon “arko.”
Ukon “tolda; payag.”
Ukon “ang ila.”
Sa literal, “Kag matunaw ang.”