Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Amos 8:1-14

BALAYAN SANG KAUNDAN

  • Palanan-awon tuhoy sa alat sangmga prutas sa tingadlaw (1-3)

  • Nagapamigos ginpakamalaut (4-14)

    • Espirituwal nga gutom (11)

8  Amo ini ang ginpakita sa akon sang Soberanong Ginuong Jehova paagi sa palanan-awon: May isa ka alat sang mga prutas sa tingadlaw.*  Dayon nagpamangkot sia, “Ano ang nakita mo, Amos?” Nagsabat ako, “Isa ka alat sang mga prutas sa tingadlaw.” Dayon nagsiling si Jehova sa akon: “Nag-abot na ang katapusan sang akon katawhan nga Israel. Indi ko na sila pagpatawaron.+  ‘Sa sina nga adlaw, ang pag-amba sa templo mangin paghaya,’+ siling sang Soberanong Ginuong Jehova. ‘Madamo nga bangkay ang ihaboy bisan diin+ kag wala na sing gahod.’   Pamatii ninyo ini, kamo nga nagalapak sa mga imol Kag nagapapas sa mga mahagop sa duta,+   Nga nagasiling, ‘San-o pa matapos ang kapiestahan sang lati,+ agod mabaligya namon ang amon uyas, Kag ang Adlaw nga Inugpahuway+ agod makabaligya kami sing uyas? Agod mapagamay namon ang sulukban sang efa* Kag mapabug-at ang siklo,* Agod makapangdaya kami sa amon mga timbangan;+   Agod mabakal namon ang kubos sing pilak Kag ang imol sing isa ka paris nga sandalyas,+ Kag mabaligya namon ang indi mapuslan nga uyas.’   Si Jehova, nga amo ang Bugal ni Jacob, nagpanumpa sa iya kaugalingon,+ ‘Indi ko gid pagkalimtan ang tanan nila nga ginhimo.+   Magauyog ang duta tungod sini, Kag magalalaw ang tanan nga pumuluyo sini.+ Indi bala magaawas ang kabug-usan sini pareho sang Nilo, Kag magaalimbukad kag maganabaw pareho sang Nilo sa Egipto?’+   ‘Sa sina nga adlaw,’ siling sang Soberanong Ginuong Jehova, ‘Patunuron ko ang adlaw sa udto, Kag padulumon ko ang duta bisan masanag pa ang adlaw.+ 10  Ang inyo mga kapiestahan himuon ko nga paglalaw+ Kag ang tanan ninyo nga ambahanon himuon ko nga panalambiton.* Wagkusan ko sing sako ang tanan nga balikawang kag kalbuhon ang tagsa ka ulo; Himuon ko ini nga pareho sang paglalaw sa bugtong nga anak, Kag mapait gid ang katapusan sina nga adlaw.’ 11  ‘Magaabot ang tion,’ siling sang Soberanong Ginuong Jehova, ‘Nga magapadala ako sing tiggulutom sa duta, Indi sing tiggulutom sa kalan-on ukon sing kauhaw sa tubig, Kundi sa pagpamati sang pulong ni Jehova.+ 12  Magadalangdalang sila halin sa dagat pakadto sa isa pa ka dagat Kag halin sa aminhan pakadto sa sidlangan.* Magapakadto-pakari sila sa pagpangita sang pulong ni Jehova, apang indi nila ini makita. 13  Sa sina nga adlaw, malipong ang matahom nga mga dalaga, Kag ang lamharon nga mga lalaki bangod sang kauhaw; 14  Sila nga nagapanumpa sa sala sang Samaria,+ kag nagasiling, “Sa ngalan sang imo dios nga buhi, O Dan!”+ Kag nagapanumpa sa dalan sang Beer-seba.+ Mapukan sila kag indi na makabangon.’ ”+

Footnote

Mahimo gid nga mga igos kag ayhan mga bunga sang palma.
Tan-awa ang Apendise B14.
Tan-awa ang Apendise B14.
Ukon “ambahanon sang paglalaw.”
Ukon “ginabutlakan sang adlaw.”