Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

Ambahanon ni Solomon 3:1-11

BALAYAN SANG KAUNDAN

  • Ang pamatan-on nga babayi (1-5)

    • ‘Sa gab-i, ginpangita ko ang akon hinigugma’ (1)

  • Mga anak nga babayi sang Sion (6-11)

    • Ginlaragway prosesyon ni Solomon

3  “Sa kagab-ihon sa akon hiligdaan, Ginpangita ko ang akon hinigugma.*+ Ginpangita ko sia, apang wala ko sia makita.+   Magabangon ako kag magalibot sa siudad; Sa mga dalan kag sa mga plasa, Pangitaon ko ang akon hinigugma.* Ginpangita ko sia, apang wala ko sia makita.   Nakita ako sang mga bantay nga nagalibot sa siudad.+ Kag ginpamangkot ko sila, ‘Nakita bala ninyo ang akon hinigugma?’*   Wala lang dugay nga nakalumbos ako sa ila Nakita ko ang akon hinigugma.* Gin-uyatan ko sia, kag wala na pagbuy-i Tubtob nadala ko sia sa sulod sang balay sang akon iloy,+ Sa kuarto sang nagbata sa akon.   Ginapasumpa ko kamo, O mga anak nga babayi sang Jerusalem, Paagi sa mga gasela ukon sa mga usa nga babayi sa latagon: Indi ninyo pagpukawa ang akon gugma sa wala pa ang husto nga tion.”+   “Ano ining nagataklad halin sa kahanayakan nga daw kaangay sang mga haligi nga aso, Nga napahamutan sang mira kag olibano, Kag sang tanan nga mahamot nga pulbos sang negosyante?”+   “Tan-awa! Ang salaliayan ni Solomon. Ginalibutan ini sang 60 ka makusog nga lalaki, Mga makusog nga lalaki sang Israel,+   Tanan sila may espada, Tanan sila sampaton sa inaway, Ang kada isa nagataklus sang espada Agod magbantay sa mga ginakahadlukan sa kagab-ihon.”   “Ina ang harianon nga salaliayan* ni Hari Solomon Nga ginhimo niya para sa iya kaugalingon halin sa mga kahoy sang Lebanon.+ 10  Ang mga haligi sini human sa pilak, Ang mga salandigan sini human sa bulawan. Ang pulungkuan sini human sa purpura* nga de-lana; Ang sulod sini mahigugmaon nga ginpatahom Sang mga anak nga babayi sang Jerusalem.” 11  “Gua kamo, O mga anak nga babayi sang Sion, Tan-awa ninyo si Hari Solomon Nga may korona sa kasal* nga ginhimo sang iya iloy+ Sa adlaw sang iya kasal, Sa adlaw nga malipayon gid sia.”

Footnote

Ukon “ang hinigugma sang akon kalag.”
Ukon “ang hinigugma sang akon kalag.”
Ukon “ang hinigugma sang akon kalag.”
Ukon “ang hinigugma sang akon kalag.”
Pulungkuan nga may atop nga ginagamit sa pagdala sang mga dungganon.
Ang kolor nga purpura kombinasyon sang pula kag asul.
Ukon “purongpurong; kulintas nga human sa mga bulak.”