Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

2 Hari 14:1-29

BALAYAN SANG KAUNDAN

  • Si Amazias, hari sang Juda (1-6)

  • Inaway batok sa Edom kag Israel (7-14)

  • Kamatyon ni Jehoas sang Israel (15, 16)

  • Kamatayon ni Amazias (17-22)

  • Si Jeroboam II, hari sang Israel (23-29)

14  Sang ikaduha nga tuig sang paghari ni Jehoas+ nga anak ni Jehoahaz nga hari sang Israel, nangin hari si Amazias nga anak ni Hari Jehoas sang Juda.  Nagaedad sia sing 25 ka tuig sang nangin hari sia, kag naggahom sia sa Jerusalem sing 29 ka tuig. Ang iya iloy amo si Jehoadin nga taga-Jerusalem.+  Ginhimo niya ang matarong sa panulok ni Jehova, apang indi pareho kay David+ nga iya katigulangan. Ginhimo niya ang tanan nga ginhimo sang iya amay nga si Jehoas.+  Apang wala ginkuha ang sagrado nga mataas nga mga duog,+ kag ang katawhan nagahalad gihapon kag nagapaaso sing mga halad sa sagrado nga mataas nga mga duog.+  Sang mabakod na ang iya paggahom sa iya ginharian, ginpamatay niya ang iya mga alagad nga nagpatay sa iya amay nga hari.+  Apang wala niya ginpatay ang mga anak sang nagpatay sa iya amay, suno sa sugo ni Jehova nga nasulat sa libro sang Kasuguan ni Moises: “Indi pagpatyon ang mga amay tungod sa sala sang ila mga anak, kag indi pagpatyon ang mga anak tungod sa sala sang ila mga amay; kundi ang kada isa patyon bangod sang iya kaugalingon nga sala.”+  Ginpatay niya ang 10,000 ka Edominhon+ sa Nalupyakan sang Asin,+ kag naagaw niya ang Sela sa tion sang inaway,+ kag gintawag ini nga Jokteel tubtob sini nga adlaw.  Dayon nagpadala sing mga mensahero si Amazias kay Jehoas nga anak ni Jehoahaz nga anak ni Jehu nga hari sang Israel, sa pagsiling: “Mag-away* kita.”+  Si Hari Jehoas sang Israel nagpadala sini nga mensahe kay Hari Amazias sang Juda: “Ang tunukon nga tanom sa Lebanon nagpadala sing mensahe sa kahoy nga sedro sa Lebanon, ‘Ipaasawa ang imo anak sa akon anak.’ Apang, nag-agi ang ilahas nga sapat sang Lebanon kag gintasak ang tunukon nga tanom. 10  Matuod gid nga napierde mo ang Edom,+ gani nagapabugal ka. Magkalipay ka sa imo kadungganan, apang magpahimunong ka na lang sa imo balay.* Ngaa nagapangita ka pa sing gamo kay mapierde ka man lang kag ang Juda?” 11  Apang wala magpamati si Amazias.+ Gani nagsalakay si Hari Jehoas sang Israel kag nag-away sila ni Hari Amazias sang Juda sa Bet-semes+ nga sakop sang Juda.+ 12  Napierde sang Israel ang Juda, gani nagpalagyo ang kada isa sa ila kag nagpauli sa iya balay.* 13  Nabihag ni Hari Jehoas sang Israel sa Bet-semes si Hari Amazias sang Juda nga anak ni Jehoas nga anak ni Ahazias. Dayon gindala sia ni Jehoas sa Jerusalem kag ginrumpag niya ang pader sang Jerusalem halin sa Gawang sang Efraim+ tubtob sa Pamusod nga Gawang,+ nga 400 ka maniko* ang kalabaon. 14  Ginpanguha niya ang tanan nga bulawan kag pilak, kag ang tanan nga gamit sa balay ni Jehova kag sa mga bahandian sa balay* sang hari, pati ang mga bihag. Dayon nagbalik sia sa Samaria. 15  Tuhoy sa iban pa nga natabo sa kabuhi ni Jehoas, ang iya ginhimo kag ang iya daku nga mga binuhatan kag kon paano sia nagpakig-away kay Hari Amazias sang Juda, indi bala nga nasulat ini sa libro sang kasaysayan sang mga hari sang Israel? 16  Sang ulihi, napatay si Jehoas pareho sang iya mga katigulangan kag ginlubong sia sa Samaria+ upod sa mga hari sang Israel. Si Jeroboam*+ nga iya anak amo ang nagbulos sa iya bilang hari. 17  Nagkabuhi pa sing 15 ka tuig si Amazias+ nga anak ni Jehoas nga hari sang Juda sa tapos mapatay si Jehoas+ nga anak ni Jehoahaz nga hari sang Israel.+ 18  Tuhoy sa iban pa nga natabo sa kabuhi ni Amazias, indi bala nga nasulat ini sa libro sang kasaysayan sang mga hari sang Juda? 19  Sang ulihi, naghimbon sila batok sa iya+ sa Jerusalem, gani nagpalagyo sia sa Laquis. Apang nagpadala sila sing mga tinawo agod lagson sia sa Laquis kag ginpatay nila sia didto. 20  Gani ginkarga nila ang iya bangkay sa mga kabayo, kag ginlubong sia sa Jerusalem upod sa iya mga katigulangan sa Siudad ni David.+ 21  Dayon ginhimo nga hari sang tanan nga katawhan sang Juda si Azarias*+ nga nagaedad sing 16 ka tuig.+ Sia ang nagbulos sa iya amay nga si Amazias.+ 22  Gintukod niya liwat ang Elat+ kag ginbalik ini sa Juda sa tapos mapatay ang hari* kag ginlubong upod sa iya mga katigulangan.+ 23  Sang ika-15 nga tuig sang paghari ni Amazias nga anak ni Jehoas nga hari sang Juda, nangin hari si Jeroboam+ nga anak ni Hari Jehoas sang Israel, kag naggahom sia sa Samaria sing 41 ka tuig. 24  Ginhimo niya ang malain sa panulok ni Jehova. Ginhimo niya ang tanan nga sala nga ginhimo ni Jeroboam nga anak ni Nebat, nga ginbangdan sang pagpakasala sang Israel.+ 25  Nabawi niya ang dulunan sang Israel halin sa Lebo-hamat*+ tubtob sa Dagat sang Araba,*+ suno sa ginsiling ni Jehova nga Dios sang Israel paagi sa iya alagad nga si Jonas+ nga anak ni Amitai, ang manalagna nga taga-Gat-hefer.+ 26  Kay nakita ni Jehova ang daku nga pag-antos sang Israel.+ Wala gid sing nabilin nga makabulig sa Israel, bisan gani sing tawo nga wala sing mahimo ukon maluya. 27  Apang nagsaad si Jehova nga indi niya pagpanason ang ngalan sang Israel sa duta.+ Gani ginluwas niya sila paagi kay Jeroboam nga anak ni Jehoas.+ 28  Tuhoy sa iban pa nga natabo sa kabuhi ni Jeroboam, ang tanan niya nga ginhimo kag ang iya daku nga mga binuhatan, kon paano sia nagpakig-away kag kon paano niya ginbalik ang Damasco+ kag ang Hamat+ sa Juda sa Israel, indi bala nga nasulat ini sa libro sang kasaysayan sang mga hari sang Israel? 29  Sang ulihi, napatay si Jeroboam kag ginlubong sia upod sa iya mga katigulangan, upod sa mga hari sang Israel. Si Zacarias+ nga iya anak amo ang nagbulos sa iya bilang hari.

Footnote

Ukon “Mag-atubangay.”
Ukon “palasyo.”
Sa literal, “tolda.”
Mga 178 ka metro (584 ka pie). Tan-awa ang Apendise B14.
Ukon “palasyo.”
Si Jeroboam II.
Buot silingon, “Nagbulig si Jehova.” Ginatawag sia nga Uzias sa 2Ha 15:13; 2Cr 26:1-23; Isa 6:1; kag Zac 14:5.
Ang iya amay nga si Amazias.
Ukon “dulunan sang Hamat.”
Ang Dagat Asin, ukon ang Patay nga Dagat.