Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

2 Cronica 35:1-27

BALAYAN SANG KAUNDAN

  • Josias naghanda para sa Paskua (1-19)

  • Josias ginpatay ni Paraon Neco (20-27)

35  Sang ika-14 nga adlaw sang nahauna nga bulan,+ ginhiwat ni Josias sa Jerusalem ang Paskua+ para kay Jehova, kag gin-ihaw nila ang halad para sa Paskua.+  Gintangdo niya ang mga saserdote sa ila mga katungdanan kag ginpalig-on niya sila sa pag-alagad sa balay ni Jehova.+  Dayon nagsiling sia sa mga Levinhon, nga mga manunudlo sa bug-os nga Israel+ kag balaan kay Jehova: “Ibutang ninyo ang balaan nga Kaban sa balay nga ginpatindog ni Solomon nga anak ni David nga hari sang Israel.+ Indi na ninyo ini pagpas-anon.+ Mag-alagad na kamo kay Jehova nga inyo Dios kag sa iya katawhan nga Israel.  Maghanda kamo sa pag-alagad nga nagrupogrupo suno sa inyo panimalay, suno sa ginsulat ni Hari David sang Israel+ kag ni Solomon nga iya anak.+  Magsulod kamo sa balaan nga duog, kag magtindog kamo nga nagrupogrupo suno sa panimalay sang inyo mga utod, agod makaalagad kamo sa katawhan* kag mahimo ninyo ang buluhaton nga nabaton sang mga Levinhon sa inyo panimalay.  Ihawa ninyo ang halad para sa Paskua+ kag pakabalaana ang inyo kaugalingon kag maghanda kamo sa pag-alagad sa inyo mga utod agod matuman ninyo ang ginsiling ni Jehova paagi kay Moises.”  Halin sa mga ginapanag-iyahan ni Josias naghatag sia para sa katawhan nga yadto didto sing 30,000 tanan ka kordero nga lalaki kag tinday nga kanding nga lalaki, subong mga halad para sa Paskua, kag sing 3,000 ka baka.+  Naghatag man sing kinabubut-on ang iya mga pangulo para sa katawhan, sa mga saserdote, kag sa mga Levinhon. Si Hilkias,+ si Zacarias, kag si Jehiel nga mga nagadumala sa balay sang matuod nga Dios naghatag sa mga saserdote sing 2,600 ka halad para sa Paskua kag sing 300 ka baka.  Ang mga pangulo sang mga Levinhon nga si Conanias kag ang iya mga utod nga si Semaias kag si Netanel, pati si Hasabias, si Jeiel, kag si Jozabad, naghatag sa mga Levinhon sing 5,000 ka halad para sa Paskua kag sing 500 ka baka. 10  Handa na ang kinahanglanon sa pag-alagad, kag nagpuesto ang mga saserdote sa lugar nga para sa ila kag ang mga Levinhon suno sa ila mga grupo,+ suno sa sugo sang hari. 11  Gin-ihaw nila ang mga halad para sa Paskua,+ kag ginwisik sang mga saserdote sa halaran ang dugo nga ginhatag sa ila,+ samtang ginapanitan sang mga Levinhon ang mga sapat.+ 12  Dayon ginhanda nila ang mga dulot nga sinunog agod mahatag ini sa katawhan nga gingrupo suno sa ila panimalay, agod mahalad ini kay Jehova suno sa nasulat sa libro ni Moises. Amo man sini ang ginhimo nila sa mga baka. 13  Ginluto* nila sa kalayo ang halad para sa Paskua suno sa kinabatasan.+ Ginluto man nila sa mga kolon, mga kaldero, kag mga kawa ang balaan nga mga halad. Gindala nila ini dayon sa katawhan. 14  Dayon ginhanda nila ang pagkaon sa Paskua para sa ila kaugalingon kag para sa mga saserdote, bangod ang mga saserdote nga mga kaliwat ni Aaron nagahalad sing mga halad nga sinunog kag sing mga tambok tubtob maggab-i, gani ang mga Levinhon naghanda para sa ila kaugalingon kag para sa mga saserdote nga mga kaliwat ni Aaron. 15  Ang mga manug-amba nga mga anak ni Asaf+ yara sa ila puesto suno sa sugo ni David,+ ni Asaf,+ ni Heman, kag ni Jedutun+ nga nagasugid sang mga palanan-awon sa hari. Ang mga manugbantay sang gawang nagpuesto sa lainlain nga mga gawang.+ Indi na kinahanglan nga bayaan nila ang ila katungdanan bangod naghanda na para sa ila ang ila mga utod nga mga Levinhon. 16  Gani natapos nila sina nga adlaw ang paghanda sang tanan nga ginpatuman ni Jehova sa paghiwat sing Paskua+ kag sa paghalad sing mga dulot nga sinunog sa halaran ni Jehova, suno sa sugo ni Hari Josias.+ 17  Ginhiwat sang mga Israelinhon didto ang Paskua sadto nga tion kag ang Kapiestahan sang Tinapay nga Wala sing Lebadura sa sulod sang pito ka adlaw.+ 18  Wala pa gid sing ginhiwat nga Paskua sa Israel nga pareho sini halin sang panahon ni Samuel nga manalagna; kag wala pa gid sing ginhiwat nga Paskua ang iban nga mga hari sang Israel nga pareho sa ginhiwat ni Josias,+ sang mga saserdote, sang mga Levinhon, sang bug-os nga Juda kag Israel didto, kag sang mga pumuluyo sang Jerusalem. 19  Ginhiwat ini nga Paskua sang ika-18 nga tuig sang paggahom ni Josias. 20  Pagkatapos sini tanan, sang mahanda na ni Josias ang templo,* nagsalakay si Hari Neco+ sang Egipto sa Carquemis malapit sa Eufrates. Dayon nagkadto didto si Josias agod makig-away sa iya.+ 21  Gani nagpadala si Neco sing mga mensahero sa pagsiling sa iya: “Ano ang labot mo sa sini, hari sang Juda? Indi ikaw ang akon kaaway, kundi ang iban nga pungsod, kag ginapadali ako sang Dios. Indi pagkontraha ang Dios kay kaupod ko sia, basi laglagon ka niya.” 22  Apang, wala magpalayo sa iya si Josias, kundi nagpakunokuno sia+ kag nagpakig-away sa iya. Wala sia mamati sa ginhambal ni Neco nga ginsiling sang Dios. Gani nagpakig-away sia sa Patag sang Megiddo.+ 23  Naigo si Hari Josias sang mga manugpana, gani nagsiling ang hari sa iya mga alagad: “Ipalayo ninyo ako diri, kay grabe gid ang akon pilas.” 24  Gani ginkuha sia sang iya mga alagad sa kangga kag ginpasakay sa iya ikaduha nga kangga sa inaway kag gindala sia sa Jerusalem. Napatay sia didto kag ginlubong sia sa lulubngan sang iya mga katigulangan.+ Naglalaw kay Josias ang bug-os nga Juda kag Jerusalem. 25  Nagpanalambiton si Jeremias+ kay Josias, kag ang tanan nga manug-amba nga lalaki kag babayi+ padayon nga nagaamba tuhoy kay Josias sa ila panalambiton* tubtob sini nga adlaw. Gindesisyunan nga dapat ini ambahon sa Israel, kag nasulat ini sa mga libro sang mga panalambiton. 26  Tuhoy sa iban pa nga natabo sa kabuhi ni Josias kag ang iya mga buhat sang mainunungon nga gugma, sa pagtuman sang nasulat sa Kasuguan ni Jehova, 27  kag ang iya ginhimo, halin sa umpisa tubtob sa katapusan, nasulat ini sa Libro sang mga Hari sang Israel kag sang Juda.+

Footnote

Sa literal, “mga anak sang katawhan.”
Ukon mahimo, “Ginsugba.”
Sa literal, “balay.”
Ukon “ambahanon sang paglalaw.”