Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

2 Cronica 3:1-17

BALAYAN SANG KAUNDAN

  • Ginsugdan ni Solomon ang templo (1-7)

  • Ang Labing Balaan (8-14)

  • Ang duha ka haligi nga saway (15-17)

3  Ginsugdan ni Solomon ang pagpatindog sang balay ni Jehova+ sa Jerusalem sa Bukid Moria,+ diin nagpakita si Jehova kay David nga iya amay,+ sa lugar nga ginhanda ni David sa linasan ni Ornan+ nga Jebusnon.  Ginsugdan niya ang pagpatindog sa ikaduha nga adlaw sang ikaduha nga bulan, sang ikap-at nga tuig sang iya paghari.  Ang pundasyon sang balay sang matuod nga Dios nga ginpasad ni Solomon 60 ka maniko ang kalabaon kag 20 ka maniko ang kasangkaron,+ suno sa daan nga pagtakus.*  Ang portiko sa atubangan 20 ka maniko ang kalabaon pareho sa kasangkaron sang balay,* kag 120* ang kataason sini; kag ginhaklapan niya ang sulod sini sing puro nga bulawan.+  Ginhaklapan niya sing kahoy nga junipero ang pinakadaku nga hulot,* pagkatapos ginhaklapan niya ini sing puro nga bulawan,+ dayon gindekorasyunan niya ini sing larawan sang mga palma+ kag sing mga kadena.+  Gindekorasyunan man niya ang balay sing matahom kag malahalon nga mga bato;+ kag ang bulawan+ nga gingamit niya naghalin pa sa Parvaim.  Ginhaklapan niya sing bulawan ang balay, ang mga balayan, ang mga hamba, ang mga dingding, kag ang mga puertahan;+ kag gintigiban niya sing mga kerubin ang mga dingding.+  Dayon ginhimo niya ang Labing Balaan nga hulot.*+ Ang kalabaon sini 20 ka maniko nga pareho sa kasangkaron sang balay, kag ang kasangkaron sini 20 ka maniko. Ginhaklapan niya ini sing 600 ka talanton* nga puro nga bulawan.+  Ang kabug-aton sang bulawan nga mga lansang 50 ka siklo;* kag ginhaklapan niya sing bulawan ang mga kuarto sa atop. 10  Dayon naghimo sia sa sulod sang Labing Balaan nga hulot* sing duha ka kerubin kag ginhaklapan ini sing bulawan.+ 11  Ang kalabaon sang mga pakpak sang mga kerubin+ 20 ka maniko. Ang isa ka pakpak sang nahauna nga kerubin nga lima ka maniko ang kalabaon nagatandog sa dingding sang hulot, kag ang iya isa pa ka pakpak nga lima ka maniko nagatandog sa pakpak sang isa pa ka kerubin. 12  Ang isa ka pakpak sang ikaduha nga kerubin nga lima ka maniko ang kalabaon nagatandog sa dingding sang hulot, kag ang iya isa pa ka pakpak nga lima ka maniko nagatandog sa pakpak sang isa pa ka kerubin. 13  Ang kalabaon sang nagahumlad nga mga pakpak sining mga kerubin 20 ka maniko; kag nagatindog ini nga nagaatubang sa pinakadaku nga hulot.* 14  Naghimo man sia sing kurtina+ nga human sa asul nga hilo, purpura* nga de-lana, pula nga tela, kag maayo nga klase sang tela, kag ginburdahan ini sing mga kerubin.+ 15  Dayon naghimo sia sing duha ka haligi+ sa atubangan sang balay, nga 35 ka maniko ang kataason, kag ang uloulo sang kada haligi lima ka maniko ang kataason.+ 16  Naghimo sia sing mga kadena nga daw kulintas kag ginbutang ini sa ibabaw sang mga haligi, kag naghimo sia sing 100 ka prutas nga granada kag ginbutang ini sa mga kadena. 17  Ginpatindog niya ang mga haligi sa atubangan sang templo, ang isa sa tuo* kag ang isa sa wala.* Gintawag niya nga Jaquin* ang sa tuo, kag gintawag niya nga Boaz* ang sa wala.

Footnote

Ang isa ka maniko katumbas sang 44.5 ka sentimetro (17.5 ka pulgada), apang nagapati ang iban nga ang “daan nga pagtakus” katumbas sang 51.8 ka sentimetro (20.4 ka pulgada). Tan-awa ang Apendise B14.
Ukon “20 ka maniko nga takus sang kasangkaron sang balay.”
Wala mahibaluan kon ano ini nga takus.
Sa literal, “daku nga balay;” mahimo nagapatuhoy sa Balaan nga hulot.
Sa literal, “balay.”
Ang isa ka talanton katumbas sang 34.2 ka kilo. Tan-awa ang Apendise B14.
Ang isa ka siklo katumbas sang 11.4 ka gramo. Tan-awa ang Apendise B14.
Sa literal, “balay.”
Balaan nga hulot.
Ang kolor nga purpura kombinasyon sang pula kag asul.
Ukon “bagatnan.”
Ukon “aminhan.”
Buot silingon, “Kabay Pa Tukuron Niya (ni Jehova) sing Malig-on.”
Mahimo nagakahulugan, “Sa Kusog.”