Magdiretso sa kaundan

Magdiretso sa segundaryo nga menu

Magdiretso sa listahan sang kaundan

Mga Saksi ni Jehova

Hiligaynon

Biblia Online | BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

1 Tesalonica 4:1-18

BALAYAN SANG KAUNDAN

  • Paandam batok sa seksuwal nga imoralidad (1-8)

  • Maghigugmaanay sing bug-os (9-12)

    • “Indi manghilabot sa iban” (11)

  • Napatay nga nahiusa sa Cristo una nga mabanhaw (13-18)

4  Sa katapusan, mga kauturan, gintudluan namon kamo kon paano kamo dapat maggawi kag magpahamuot sa Dios,+ ang matuod ginahimo na ninyo ina. Karon, ginalaygayan namon kamo kag ginapangabay paagi sa ngalan ni Ginuong Jesus nga padayon ninyo nga himuon ini sing bug-os.  Kay nahibaluan ninyo nga ang mga instruksion* nga ginhatag namon sa inyo naghalin kay Ginuong Jesus.  Kay amo ini ang kabubut-on sang Dios, nga mangin balaan kamo+ kag maglikaw sa seksuwal nga imoralidad.*+  Dapat mahibaluan sang kada isa sa inyo kon paano niya punggan ang iya kaugalingon nga lawas*+ sa balaan+ kag dungganon nga paagi,  indi sa makagod kag indi mapunggan nga kailigbon sa sekso+ nga ginahimo sang mga pungsod nga wala makakilala sa Dios.+  Wala sing maglabang sa dulunan kag mamentaha sa iya utod paagi sa paghimo sini, bangod silutan ni Jehova* ang mga nagahimo sini. Ginsiling na namon ini sa inyo kag ginpaandaman gid namon kamo.  Kay gintawag kita sang Dios, indi para sa kahigkuan, kundi para sa pagkabalaan.+  Gani, ang tawo nga wala nagasapak sa sini nga panudlo, nagasikway indi sa tawo, kundi sa Dios+ nga nagahatag sang iya balaan nga espiritu sa inyo.+  Apang, tuhoy sa utudnon nga gugma,+ indi na kinahanglan nga magsulat kami sa inyo, kay kamo mismo gintudluan sang Dios nga maghigugmaanay.+ 10  Ang matuod, ginahimo ninyo ini sa tanan nga kauturan sa bug-os nga Macedonia. Apang ginapalig-on namon kamo, mga kauturan, nga padayon ninyo nga himuon ini sing bug-os. 11  Panikasugi ninyo nga magkabuhi sing malinong+ kag indi manghilabot sa iban+ kag magpangabudlay paagi sa inyo mga kamot,+ subong sang gintudlo namon sa inyo, 12  agod makita sang mga tawo sa gua nga nagagawi kamo sing disente+ kag wala sing kulang. 13  Dugang pa, mga kauturan, luyag namon nga mahangpan ninyo ang tuhoy sa mga nagatulog sa kamatayon,+ agod indi kamo magkasubo kaangay sang iban nga wala sing paglaum.+ 14  Kay kon nagatuo kita nga si Jesus napatay kag nabanhaw,+ nagatuo man kita nga ang mga nagatulog sa kamatayon nga nahiusa kay Jesus, banhawon sang Dios, agod mangin kaupod niya.+ 15  Ini ang ginasiling namon sa inyo suno sa pulong ni Jehova,* nga ang mga nabilin nga buhi sa aton tubtob sa presensia sang Ginuo, indi gid mag-una sa mga nagatulog sa kamatayon; 16  bangod ang Ginuo magapanaug halin sa langit, nga may pagmando, nga may tingog sang arkanghel+ kag may trumpeta sang Dios, kag ang mga napatay nga nahiusa sa Cristo una nga mabanhaw.+ 17  Pagkatapos sini, kita nga buhi sabniton sa mga panganod+ agod makaupod naton sila kag agod sugataon ang Ginuo+ sa kahanginan; sa amo makaupod naton pirme ang Ginuo.+ 18  Gani padayon ninyo nga lugpayan ang isa kag isa paagi sa sini nga mga pulong.

Footnote

Ukon “sugo.”
Sa Griego, por·neiʹa. Tan-awa ang Glossary.
Sa literal, “suludlan.”
Tan-awa ang Apendise A5.
Tan-awa ang Apendise A5.