Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

1 Samuel 31:1-13

BALAYAN SANG KAUNDAN

  • Si Saul kag ang iya tatlo ka anak napatay (1-13)

31  Nagpakig-away ang mga Filistinhon sa Israel,+ kag nagpinalagyo ang mga soldado sang Israel sa mga Filistinhon, kag madamo ang napatay sa ila sa Bukid Gilboa.+  Ginlagas sang mga Filistinhon si Saul kag ang iya mga anak, kag ginpatay sang mga Filistinhon ang mga anak ni Saul nga si Jonatan,+ si Abinadab, kag si Malqui-sua.+  Masandukot gid ang inaway batok kay Saul, kag nakita sia sang mga manugpana, kag napilasan nila sia sing malubha.+  Dayon nagsiling si Saul sa iya manugdala sing hinganiban: “Gabuta ang imo espada kag bun-a ako, agod indi ako maabtan sining wala matuli nga mga tawo+ kag patyon nila ako nga wala sing kaluoy.” Apang nahadlok gid ang iya manugdala sing hinganiban sa paghimo sini. Gani ginkuha ni Saul ang espada kag ginhap-an ini.+  Sang makita sang iya manugdala sing hinganiban nga patay na si Saul,+ ginhap-an man niya ang iya espada kag napatay sia.  Gani napatay sa sina nga adlaw si Saul, ang iya tatlo ka anak, ang iya manugdala sing hinganiban, kag ang tanan niya nga tinawo.+  Sang makita sang katawhan sang Israel sa rehiyon sang nalupyakan* kag sa rehiyon sang Jordan nga nagpinalagyo ang mga soldado sang Israel kag napatay si Saul kag ang iya mga anak, naghalin sila sa mga siudad kag nagpalagyo.+ Dayon nag-abot ang mga Filistinhon kag sila ang nag-istar sa sini.  Pagkadason nga adlaw, sang ginkadtuan sang mga Filistinhon ang mga napatay agod panguhaon ang ila mga pagkabutang, nakita nila si Saul kag ang iya tatlo ka anak nga patay na sa Bukid Gilboa.+  Gani gin-utod nila ang iya ulo kag ginkuha nila ang iya ginasuksok nga mga hinganib kag nagpadala sila sing mensahe sa bug-os nga duta sang mga Filistinhon agod ibalita ini+ sa mga balay* sang ila mga diosdios+ kag sa mga tawo. 10  Dayon ginbutang nila ang iya mga hinganib sa balay sang mga imahen ni Astoret kag ginlansang nila ang iya bangkay sa pader sang Bet-san.+ 11  Sang mabalitaan sang mga pumuluyo sang Jabes-gilead+ ang ginhimo sang mga Filistinhon kay Saul, 12  naglakat ang tanan nga soldado sa bug-os nga gab-i kag ginkuha nila ang bangkay ni Saul kag ang bangkay sang iya mga anak sa pader sang Bet-san. Dayon nagbalik sila sa Jabes kag ginsunog ang mga bangkay didto. 13  Ginkuha nila ang mga tul-an+ kag ginlubong ini sa idalom sang kahoy nga tamarisko sa Jabes,+ kag nagpuasa sila sing pito ka adlaw.

Footnote

Ukon “manubo nga patag.”
Ukon “templo.”