Accessibility setting

Magpili sing lenguahe

Magdiretso sa segundaryo nga menu

Magdiretso sa listahan sang kaundan

Magdiretso sa kaundan

Mga Saksi ni Jehova

Hiligaynon

Biblia Online

BAG-ONG KALIBUTAN NGA BADBAD SANG BALAAN NGA KASULATAN (2014 NGA EDISYON)

1 Samuel 22:1-23

BALAYAN SANG KAUNDAN

  • Si David sa Adulam kag Mizpe (1-5)

  • Saul ginpapatay mga saserdote (6-19)

  • Si Abiatar nagpalagyo (20-23)

22  Halin didto, nagpalagyo si David+ sa kueba sang Adulam.+ Sang mabalitaan ini sang iya mga utod kag sang bug-os nga panimalay sang iya amay, nagkadto sila sa iya didto.  Ang tanan nga nalisdan kag ang tanan nga may utang kag ang tanan nga may reklamo* nag-upod sa iya. Sia ang nangin pangulo nila kag mga 400 tanan ang nag-upod sa iya.  Sang ulihi, halin didto nagkadto si David sa Mizpe sa Moab kag nagsiling sia sa hari sang Moab:+ “Palihug paistara ang akon amay kag iloy upod sa inyo tubtob mahibaluan ko kon ano ang himuon sang Dios sa akon.”  Gani ginbilin niya sila sa hari sang Moab, kag nag-istar sila upod sa hari sa tanan nga tion nga didto si David sa kuta.+  Sang ulihi, nagsiling si Gad+ nga manalagna kay David: “Indi ka magtener sa kuta. Magkadto ka sa duta sang Juda.”+ Gani nagkadto si David sa kagulangan sang Heret.  Samtang nagapungko si Saul sa idalom sang kahoy nga tamarisko sa bakulod didto sa Gibea+ nga may ginauyatan nga bangkaw kag nagatindog sa palibot niya ang tanan niya nga alagad, nabalitaan ni Saul nga natultulan na si David kag ang iya mga tinawo.  Dayon nagsiling si Saul sa iya mga alagad: “Mga Benjaminhon, palihug magpamati kamo. Hatagan man bala kamo sang anak ni Jesse+ sing mga uma kag mga ulubasan? Himuon bala niya kamo nga mga pangulo sang mga linibo kag pangulo sang mga ginatos?+  Naghimbon kamo tanan batok sa akon! Wala gid sing isa sa inyo nga nanugid sa akon sang ang akon anak nagpakigkatipan sa anak ni Jesse!+ Wala sing isa sa inyo nga naluoy sa akon kag nanugid sa akon nga ang akon anak nagsugyot sa akon alagad nga maghimbon batok sa akon, subong sang ginahimo niya karon.”  Dayon si Doeg+ nga Edominhon nga nagadumala sa mga alagad ni Saul nagsabat:+ “Nakita ko ang anak ni Jesse nga nagkadto sa Nob, kay Ahimelec nga anak ni Ahitub.+ 10  Nagpamangkot sia kay Jehova para sa iya kag ginhatagan niya sia sing pagkaon. Ginhatag pa gani niya sa iya ang espada ni Goliat nga Filistinhon.”+ 11  Ginpatawag dayon sang hari si Ahimelec nga anak ni Ahitub nga saserdote kag ang tanan nga saserdote sa panimalay sang iya amay nga yara sa Nob. Gani nagkadto sila tanan sa hari. 12  Nagsiling si Saul: “Palihug, magpamati ka, anak ni Ahitub!” Nagsabat sia: “Huo, ginuo ko.” 13  Nagsiling si Saul sa iya: “Ngaa naghimbon kamo sang anak ni Jesse batok sa akon? Ngaa ginhatagan mo sia sing tinapay kag sing espada, kag nagpamangkot ka sa Dios para sa iya? Ginakontra niya ako kag nagahimbon sia batok sa akon, subong sang ginahimo niya karon.” 14  Nagsabat si Ahimelec sa hari: “Sin-o sa tanan mo nga alagad ang masaligan* pareho kay David?+ Umagad sia sang hari,+ pangulo sang imo mga bantay, kag ginapadunggan sia sa imo panimalay.+ 15  Karon lang bala ako nagpamangkot sa Dios para sa iya?+ Indi ko mahimo ang ginasiling mo! Indi kuntani pagpasibangdan sang hari ang iya alagad kag ang bug-os nga panimalay sang akon amay, kay wala gid sing nahibaluan sa sini ang imo alagad.”+ 16  Apang nagsiling ang hari: “Dapat gid ikaw patyon+ Ahimelec, ikaw kag ang bug-os nga panimalay sang imo amay.”+ 17  Dayon nagsiling ang hari sa mga bantay sa palibot niya: “Patya ang mga saserdote ni Jehova, bangod nagadampig sila kay David! Nahibaluan nila nga nagapalagyo sia, apang wala sila manugid sa akon!” Apang indi luyag sang mga alagad sang hari nga patyon ang mga saserdote ni Jehova. 18  Gani nagsiling ang hari kay Doeg:+ “Patya ang mga saserdote!” Ginpatay dayon ni Doeg nga Edominhon+ ang mga saserdote, kag 85 ka lalaki nga nagasuksok sing efod nga linen ang ginpatay niya sina nga adlaw.+ 19  Ginpamatay man niya paagi sa espada ang mga pumuluyo sang Nob+ nga siudad sang mga saserdote; ang mga lalaki kag mga babayi, ang mga bata kag mga lapsag, pati na ang mga baka, mga asno, kag mga karnero. 20  Apang nakapalagyo si Abiatar,+ nga anak ni Ahimelec nga anak ni Ahitub, kag nagkadto sia kay David. 21  Dayon ginsugiran ni Abiatar si David: “Ginpatay ni Saul ang mga saserdote ni Jehova.” 22  Gani nagsiling si David kay Abiatar: “Sang makita ko didto si Doeg nga Edominhon, may panagupnop na ako+ nga manugid gid sia kay Saul. Ako ang dapat basulon sa kamatayon sang tanan* sa panimalay sang imo amay. 23  Diri ka na lang sa akon, kay isa lang ang luyag magpatay sa aton.* Indi ka magkahadlok, kay amligan ko ikaw.”+

Footnote

Ukon “nga mapait sing espiritu.”
Ukon “matutom.”
Ukon “tanan nga kalag.”
Ukon “aton kalag.”